К Филиппийцам 1:20 - Новый Завет на эскимосском языке

²⁰ Пиюкылъыҳлъякалъю, сиӷимакылъыҳлъякалъю ысҳа та̄на, кайңусяӷа̄тыфқа̄ма пиналюңа Христосымун. Итупилъ кияҳсюгақуңа илютулюңа ўатақа̄ӷақ ма̄тын анусимиңлъяӷвигмытылъымни. Ынка̄м Христос қӯлвалъыңылъықуқ уңуваӷңа̄ӷма, налиӷмың туқуяӷңа̄ӷма.

К Филиппийцам 1:20 Iomraidhean Croise

От Иоанна 21:19

Таўатын пилъыӷмикун Иисусым уңипа̄тңуфта̄ Петр натын туқуяҳқа̄таңа, ынка̄м туқулъыӷмикун қӯлваӷьяҳқа̄ Кияӷнық. Та̄хкын Иисусым пика̄ Петр: «Малихтиңа».

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

Деяния 21:13

Иўырңа Павелым пӣнкут: «Сяңафси қиямаҳпыси таўатын пистыңъа? Сыӷлылӣҳқаҳпысиңа! Хўа̄ апыӷӣӷўа̄ӷлюңа аюқуңа асиҳқысяҳқа̄люңа Иерусалимыми, талўа туқуяҳқа̄люңа апалъюқлъюку Атанық Иисус».

Деяния 4:31

Юӷаныӷмың та̄қақутлъю қырңуӷутфигат мыңтыӷақ уфсюгуткақ. Аглыӷналӷӣм Таӷныӷам имиқӣ қамахлъюки, ынка̄м тытухпынатың уңипаӷьягуткат Кияӷныӷым уңипа̄мың.

К Римлянам 12:1

Ухпықа̄лгутымни, Кияӷнық наңлъыхтапихтутаңаның, ынңа̄талъ кайымамси тӯнысқылъюки югусиси Кияӷныӷмун уңувалӷӣңулюки аҳтутыт. Пылюңилъит, тугуклъиӷьюгнаӷлитлъю Кияӷныӷмун. Та̄наңӯқ манигӯтылъыпихси.

К Римлянам 5:5

Та̄м сиӷималъҳым ӣлъқамиқна̄нӷитӣлъю қаюҳлъяк Кияӷныӷым кӯвыхкақа̄ пиниқылъыни қамавык илюмнъун Аглыӷналӷӣгныкун Таӷныӷагныкун, Кияӷныӷым тӯныхкамикун хўаңкунъун.

К Римлянам 6:13

Алңунак налиӷныӷи югусиҳпыси тӯныхпынаки сыӷлыҳқусӣлюки, қаюҳлъяк таўатын пикуфси тӯнылъықаси сыӷлыӷмун. Итупилъ тӯнитык Кияӷныӷмун. Туқукастун аюқсяҳтуси, иўырңа Кияӷныӷым уңуваҳтыкақӣси. Ынка̄м тӯнитыки ӣңунӣта югусиси Кияӷныӷмун лъңанун атуқысқылъюки ылъқуӷутңалъыӷмун.

К Римлянам 6:19

Тама̄кут лӣгикныҳлъюгутаңитның лъпысинун, успутақңўа̄нка қыпҳаҳтыля̄ӷытлъю пилӣтыстыңитлъю. Сивунӷани тӯныхкаюгуяӷаси югусиси қыпҳаҳтыля̄ӷулюки нукыхналӷӣнунлъю, нулямаңиналӷӣнунлъю сыӷлытун пилъыӷнун. Ма̄тын тӯнитыки югусиси қыпҳаҳтыля̄ӷулюки ылъқуӷутңалъыӷмун кияҳтысқылъюси пылюңилъюси.

К Римлянам 8:19

Улима̄қ қамахлъюни утақӣңӯқ қылянылъылиӷлюни Кияӷныӷмун алӣҳтысқылъюки кинкуңутаңи авақутӣ.

К Римлянам 9:33

Игақыхка̄лӷӣ Акузитни Игақыхкани хўатын: «Ӣи, Сиоными ныкыхтақа уйӷак югыт на̄хтысқылъюки, та̄м уйӷагым иқуслъықӣ. Иўырңа кина алңунак ухпықуми лъңакун кайңуюгна̄нӷитуқ».

1е Коринфянам 15:31

Ипаңӯқ туқусяқлъыхӣнақ аюқа̄тңа аҳутаңа тамаҳа̄н. Катам лӣсимакылъыҳпысистун қуякылъқа ухпылъыҳси аңлилӷӣ Христос Иисусыкун Атанымтыхун. Таўатыҳпигақ ипапиҳқуткысяҳқақаҳси туқусяқлъыхӣнақ аюқыхкаңатңа аҳутаңа тамаҳа̄н.

1е Коринфянам 7:34

Таўатыҳпигақ аӷнатлъю аюқут. Аӷнат угиңӣткат, угӣӷумаңилңӯтлъю қыпҳалъыҳқаҳта̄ӷатут Атанӷым қыпҳақа̄ның, қаюҳлъяк югуситыңлъю, таӷныӷатыңлъю тӯньюгақӣт ӣңунӣта Атаныӷмун. Иўырңа угилык қыпҳаӷатаӷақаюгӯқ кияҳта̄лъҳым қыпҳақа̄ның қаюҳлъяк ыфқуҳсюгақыхкаңа угини. Лъңанлъю сюмыҳтаӷалъҳа малӷуҳқыңъа̄қ.

2е Коринфянам 10:8

Кайңукигатақа қанаткивлыӷапалъқа Атанӷым иглыӷутистыңуҳтыстыкаңаңа лъпысинун. Таўатын пика̄гуқ хўаңкунъун кайымысқылъюку ухпықилъыҳси, нака̄н на̄фқынъалюку.

2е Коринфянам 3:12

Та̄на сиӷимакутымнъың тытугигатңўа̄ҳтукут.

2е Коринфянам 4:10

Ӣўлың туқулъҳа Иисусым югусимнъитуқ, ысҳӣсқылъюку уңувалъҳа Иисусым югусимнъи.

2е Коринфянам 5:15

Христосым туқуматкыхкақӣ қамахтыңъўа̄ӷлюки югыт. Ынка̄м кияҳлъыҳӣт кияҳсяқлъыгулъықут лъңанун, нака̄н лъмыхнун катам. Туқулюни уңуваҳтыка̄гуқ лъңит апалъюқлъюки.

2е Коринфянам 7:14

Қанаткыхкақамси Титымун ыфқуқнилюси. Лъпысинун пӣқңами лӣткақӣ ипаңутаңи сямың пилъҳынка лъпысиның аюқылӷӣт, ынка̄м кайңуягутылъҳитанка қанаткилъҳынка. Ӣўлың ипапиҳқылъюта алыҳқуӷақамси. Таўатыҳпигақ ипаңӯт қанаткилъыҳпут Титымун.

2е Коринфянам 7:4

Ныӷьюкыҳлъяглюси аюқамси, қука̄югуткыпихтамси. Кайымыҳлъягақаҳпысиңа. Ынка̄м сыӷлылӣлъыҳлъямнъи паниның тывуӷа̄қуңа қуялъыӷмың.

К Филиппийцам 1:14

Анусимиңлъяӷвигмытылъыӷма алъюлъютың ухпықалӷутыт ухпықӣӷатаӷаҳтыстӣ Атаныҳқун. Ынка̄м ўата тытугнаниӷатаӷаҳтут уңипақныӷмыхтыху Христос.

К Филиппийцам 2:17

Ухпықилъыҳсилъю, қыпҳалъыҳсилъю Кияӷныӷмун аҳқутыстун аюқут. Туқускаңатңа хўани анусимиңлъяӷвигми қуялъықуңа, қаюҳлъяк туқулъқа аҳқутыстун аюқсяҳқа̄гуқ тӯнылӷӣ лъпыси аҳқутыхпысинун ӣӷўӣсӣлюни. Та̄м қамахлъюта қуяслъықӣнкутлъю.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

1е Петра 4:16

Нақамынрақ икфиқсяҳқа̄куфси Христианиныңутыхпысиның, кайңуюхпынаси иўырңа усюқнакыси Кияӷнық атиқаңиси Христосым а̄тҳаның.

1е Иоанна 2:28

Таӷнуҳамни, Христосымытыкыстаҳтык ынка̄м ука алӣқан илютуяҳқа̄люта, ӣӷнақыфқа̄мта кайңуюгым лъңаның пилӷа̄кут таўани Аӷныӷми тагилъҳани.