К Филиппийцам 1:16 - Новый Завет на эскимосском языке

¹⁶ Уңипақиңӯт қаюҳлъяк пиниқыхкаңатңа. Лӣсимакыхкаңат Кияӷныӷым тагистыкақа̄ңа хўавык ныкывӷатысқылъюки Пинилӷӣт Уңипат аңуямнъың.

К Филиппийцам 1:16 Iomraidhean Croise

1е Коринфянам 9:17

Накмикыхкақсяқумкун уна қыпҳақақ хўаңамның акилыҳтӯсяҳқалгунилюңа пинаяҳтуңа, иўырңа Кияӷныӷым накмикыхкақутаңаның пияҳқақақа акилыҳтӯсӣтыӷңа̄ӷма. Алъя натын пилъыҳқӣтуңа.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

К Филиппийцам 1:10

Таўатын лъӣқуфси кияҳтылъыҳпысини сяңўа̄ пинилъыҳпигақ накмикумаңинаӷьягулъықаҳси. Та̄хкын Христос тагинқихтыкан пылюңилъықусилъю, анахутылъҳилъықусилъю.

К Филиппийцам 1:12

Ухпықа̄лгутымни, лъпысинун лӣсимакысюгақа анусимиңлъяӷвигмытылъыӷма ипапыста̄қ углялӷӣ ю̄к нагатыста̄ Пинилӷӣның Уңипаның.

К Филиппийцам 1:5

қаюҳлъяк нықамикақа уңипақилгусиқақаҳпысиңа Пинилӷӣның Уңипаның. Каюсиқақаҳпысиңа ухпықиюха̄лъыҳпысиның Пинилӷӣның Уңипаның хўавымун кынляңа.

К Филиппийцам 1:7

Итагнапихтуқ хўаңамни сюмыҳтаӷа̄ткынъымси таўатын қаюҳлъяк илюмнитақуси. Уңипақиңулюңалъю, ипапиҳқиңулюңалъю Пинилӷӣт Уңипат ипаңунилюки, ма̄тынлъю анусимиңлъяӷвигмылъюңа, қамахлъюси алъхыҳтыңъўа̄ҳси Кияӷныӷым наңлъыхталъҳа хўаңамнун малигулъюси.

К Филиппийцам 2:22

Иўырңа Тимофей лӣсимакңўа̄ӷаҳси натытуляңа. Иӷныӷыстун каю̄сӣткақа̄ңа уңипақиңулюңа Пинилӷӣның Уңипаның.

К Филиппийцам 4:15

Лъпыси Филиппыйыӷмӣни, лӣсимакңўа̄ӷаҳси аӷуляқақңама Македониямың, уңипақиюхўа̄ӷақңама Пинилӷӣның Уңипаның, лъңина̄гуси ухпықани каюсиӷикат хўаңамның. Лъңина̄гуси илятңалӷӣт алъхыӷутылъымнунлъю, ифлъӣлъымнунлъю.

К Филиппийцам 4:3

Қыпҳалгутымни Сизыгус, лъпыклъю каю̄сӣтаҳтикык аӷнак та̄кук та̄қысқылъюкык аӷиванъыӷмың. Ылъкыхкынка қывӯлъютык қыпҳалгусиқақӣлъю Клименталъю, иляңилъю қыпҳалгутынка, қамахлъюта уңипақиңулюта Пинилӷӣның Уңипаның юлӷутыҳлъягнун. Қыпҳалгутма қамахлъютың а̄тҳит игақңа̄т Ига̄кун Уңувалъҳым. Таўантут игани а̄тҳит қамахлъютың кынлыңилңуӷмың уңувалъыңыхкат.