К Филиппийцам 1:15 - Новый Завет на эскимосском языке

¹⁵ Ипаңӯқ иляңи уңипақиңӯт Христосымың қаюҳлъяк ақинакңукаңатңалъю, а̄ҳтӣра̄ӷукаңатңалъю. Иўырңа иляңи уңипақиңӯт Христосымың ылъқуӷулъютың.

К Филиппийцам 1:15 Iomraidhean Croise

От Матфея 23:5

Қамахлъюки пинитун пилъытың пӣқӣт ысҳаҳсяқналюки югнун. Талъимыхтыхунлъю, қагумыхтыхунлъю қилъҳутақӣт патыҳта̄ӷалъюки сялңаўа̄ҳа̄т Акузитның Игақыхканың ималгыт, қа̄слъимыңлъю қуӷалъкутӣт та̄клъюки улима̄қӣт.

Деяния 10:36

Лӣсимакаҳси Кияӷныӷым уңипа̄ уңипақыхкақ Израилыӷмӣнун, та̄на Пинилӷӣ Уңипақ югыт ныкыхмылъыңусиҳқақа̄т Кияӷныӷмун Иисус Христосыкун. Иисус Христос, Атанқа̄ тамаҳаӷўа̄ӷми югым.

Деяния 11:20

Иўырңа иляңи ухпықат Кипрымыңлъю, Киринеямыңлъю Антиохияткат, ка̄лъютың уңипақыхка̄т Атанық Иисус талўа Иудеяңунӷилңуӷнун.

Деяния 5:42

Аҳутаңа тамаҳа̄н Храмымилъю, кинкунилъю уңипақақыхкаңат, апыҳтӯсяқақыхкаңат Иисус, Христосыңунилюку Кияӷныӷым накмикыхка̄.

Деяния 8:35

Филиппым пӣнлӣсиқлъюки Исаиям игақыхкӣ, уңипа̄тка̄ Пинилӷӣның Уңипаның Иисусымың.

Деяния 8:5

Филипп Самариялъюни уңипақыхка̄ Христос, алъя̄ҳлъюхўаҳтиҳлъяга̄тақақлъю.

Деяния 9:20

Мулюхпынани синагогани уңипақыхка̄ Иисус, Иӷнықнилюку Кияӷныӷмун.

К Римлянам 2:8

Иўырңа иляңи югыт лъңина̄югныӷӯт. Ухпықсюгигата̄т ипапилъық сыӷлыпыста̄тун пиналютың. Ынка̄м Кияӷныӷым сякшитутыҳлъяглюки, аӷью̄ҳлъяхлъықӣ.

1е Коринфянам 1:23

Иўырңа паниның уңипақнақңўа̄ҳпут Христосымун туқуткыхкақнилюки қақӯракун. Уна уңипақ Иудеяни пияқнапихтуқ ухпықсяҳқа̄люни, язычнигни тымңӣңӯт.

1е Коринфянам 13:3

Тӯньяӷңа̄мки қамахлъюки сянка аклъюмалӷӣнун, налиӷмың паныҳтысяӷңа̄ӷма уңипақилъқа Пинилӷӣның Уңипаның апалъюқлъюку, алъхыӷунъа̄нӷитуңа пиниқинӷилъкума.

2е Коринфянам 1:19

Кияӷныӷым Иӷныӷа, Иисус Христос уңипақыхкаҳпут лъпысинун Силуанамлъю, Тимофеймлъю, хўаңалъю: «А̄ңӷунӷитуқлъю», «Нака̄ӷунӷитуқлъю»; иўырңа лъңани қӯнпың «А̄ңӷӯқ».

2е Коринфянам 11:13

Тама̄кут югыт апостолысиӷўа̄ӷӯт пӯҳтилӷӣт югның иқлъыңиқылъыӷмыхтыхун. Югнун сюмыҳтаӷа̄ткыстақут Христосымун апостолыпӣкнилютың.

2е Коринфянам 12:20

Сюмыӷьялиткақамси лъпысинун ка̄скума ысҳақумси алъякнаюкамси хўаңа сиӷимакылъымның. Лъпысилъю хўаңа ысҳақуфсиңа алъякнаюкафсиңа сиӷимакылъыҳпысиның. Сюмыӷьялиткақамси аӷиватңунаюкафси, ақинакутңунаюкафси, сякша̄тутңунаюкафси, лъңина̄югутңунаюкафси, сыӷлықӯӷутңунаюкафси, йӣлъхитңунаюкафси, қука̄югутңунаюкафси, сю̄хлъиқутңунаюкафси.

2е Коринфянам 4:5

Хўаңкунъың катам уңипақңунӷитукут, итупилъ уңипақңўа̄ҳпут Иисус Христос Атанӷунилюку. Қыпҳаҳтыкаҳпысикут Иисус апалъюқлъюку.

К Галатам 2:4

Иўырңа иляңи ухпықасиӷўа̄ӷыт аксяқлъюку илятут хўаңкунъун рӣрңиналюку итымңалъыҳпут Христос Иисусыкун. Қыпҳаҳтыля̄ӷуҳнықихтысқылъюта пӣлъю Лӣлиҳтӯся̄мнъун.

К Филиппийцам 2:3

Лъңина̄югныӷухпынаси, а̄ңа̄югныӷухпынаси. Йыӷлыги қусывгутулъюси, иляхпысиның пиниӷатаӷаӷнилюси сюмыҳтаӷаҳпынаси.

1е Тимофею 3:16

Налъюнықнаҳаңунаки ухпықапут апыҳтӯсят Кияӷныӷым қайвиҳтыкӣ сыӷлыҳлъягӯтлъю, ипапыста̄ӷӯтлъю: Христос алъхықа̄гуқ югусипигулюни, Кияӷныӷым Таӷныӷахкынка лӣсимакыстӣ тама̄кут лъңан пикӣ ылъқуӷутңатаңи, яқулгытлъю ысҳақақа̄т. Уңипақыхка̄гуқ нунатаҳа̄ни тамаҳа̄ни, ухпықыхкақа̄т нунатаҳа̄ни тамаҳа̄ни, та̄хкын қилягмун маю̄ткагуқ.