К Филиппийцам 1:11 - Новый Завет на эскимосском языке

¹¹ Ынка̄м уңувалъыси имиҳлъықут ипапыста̄қ пинӣпихлъыҳӣмың Иисус Христосыңинаҳа̄м пӣтыстыка̄ның. Та̄хкын югыт қӯлваҳлъықа̄тлъю, усюқылъықа̄тлъю Кияӷнық.

К Филиппийцам 1:11 Iomraidhean Croise

От Матфея 5:16

Таўатыҳпигақ ниӷухси кӯкхутыстыху югнун ысҳӣсқылъюку аныӷныҳқилъыҳси, ынка̄м усюқнакаңат Атази қилягмылңуқ».

От Иоанна 15:16

Лъпыси накмикумаңитаҳпысиңа, хўаңа накмикыхкақамси, қыпҳақалитамсилъю. Ынка̄м аӷуляқлъюси пӣтысқуҳтык, пӣтысқулъыҳси нагныӷасқысюўақа. Таўатын пикуфси Атам тӯнылъықӣси сямың алңунак а̄птыкуфси Атымкун.

От Иоанна 15:2

Қамахлъюки аваянка пӣтыстиңигалңӯт икуӷақӣ. Қамахлъюки аваят пӣтыстикаюгыт кыпуӷвикақӣ пӣтыстиӷатаӷӣсқылъюки.

От Иоанна 15:8

Атака̄ усюқылъыңылъықуқ пӣтысқуҳлъякуфси, лӣгикыслъықусилъю хўаңамнун малихся̄ҳсяҳтыкнъилюси.

К Римлянам 15:28

Хўа̄ кылъқынъақақа язычнигыт маниңат Иудеянун. Апыӷӣқумкун уна қыпҳақақ тӯнлюку мани лъңитнун, ля̄лиҳфиксяҳтуҳлъықамси, та̄хкын Испаниялъықуңа.

К Римлянам 6:22

Иўырңа ма̄тын итымулъюси сыӷлыҳқылъыӷмың қыпҳаҳтыля̄ӷуҳтыка̄гуси Кияӷныӷмун. Ынка̄м Кияӷныӷым пылюңӣҳтысимӣси, алъхыӷутысимӣсилъю кынлыңилңуӷмың уңувалъыӷмың.

1е Коринфянам 10:31

Ынка̄м қамахлъюку сялъыҳси қӯлва̄сиқақитыху Кияӷныӷмун, талўа ныӷылъысилъю, мыӷылъысилъю.

2е Коринфянам 9:10

Кияӷныӷӯқ тӯникаюк пӣтутмың пӣтысиӷаҳтымун, нықмыңлъю ныӷьяҳқамың. Тӯнылъықа̄ қамахлъюку пӣтун аклъюкыхкаҳси, нагуслъықӣлъю. Ынка̄ңам унатаҳлъяхлъықуси қаюҳлъяк иӷлыгилңӯси.

К Ефесянам 1:12

Хўаңкута Иудеяни ухпықани сиӷимакиюхўа̄қа̄гукут Христосыкун. Ынка̄м кияҳта̄лъымтыхун усюқыслъықаҳпут Кияӷнық а̄ңылъыҳлъяганун.

К Ефесянам 1:14

Аглыӷналӷӣм Таӷныӷам ипапиҳқыстӣлъю пагитаҳқамнъың кынляңа хўаңкута пилӣтылъыҳқамнун. Ынка̄м усюқылъықаҳпут Кияӷнық а̄ңылъыҳлъяганун!

К Ефесянам 2:10

Кияӷныӷым улима̄қӣлъю таўатылъюта. Христос Иисусыкун улима̄қӣлъю қыпҳӣсқылъюки пинилӷӣт қыпҳақат. Сивунӷани та̄кут пинилӷӣт қыпҳақат ята̄ҳқыңъўа̄қақӣ хўаңкунъун қыпҳӣсқылъюки кияҳтылъымнъи.

К Ефесянам 5:9

(Қаюҳлъяк кияҳныҳпысини ниӷугми пиниҳтыстақӣси, ылъқуӷутңастақӣси, ипаңустақӣси.)

К Филиппийцам 4:17

Иўырңа лӣгикысюгамси тунусяси манит мыгнуналъыҳпига̄нӷитут хўаңамни. Мыгнуналъыҳпигақ ысҳа уна: акилыҳтӯсяҳқақ алъхыҳсяҳқаҳси Кияӷныӷмың пинитун пилъыси апалъюқлъюки.

К Колоссянам 1:10

Та̄хкын кияҳсяҳқа̄ҳлъықуси Атанӷым пиюкылъҳатун, ӣўлың атуқақылъықаҳси сяңўа̄ ыфқуӷналӷӣ лъңани. Таўатын кияҳтылъыҳпысини алъя̄ҳӣнақ пинилӷӣ қыпҳаҳлъықаҳси ынка̄м ўата лӣлъықаҳси Кияӷнық.

К Колоссянам 1:6

Пинилӷӣт Уңипат қуястимаңина̄гут югнун. Ынка̄м Пинилӷӣт Уңипат миңитңӯт ӣңунаҳа̄нун нунам, катам таўатын қуястилъҳистун лъпысинун нагақуӷьюхўа̄ӷақңафсигу Кияӷныӷым наңлъыхталъҳа. Та̄хкын кынляңа лӣтаҳси Кияӷныӷым наңлъыхталъҳа.

2е Фессалоникийцам 1:12

Ынка̄м а̄тҳа Атанымта Иисусым қӯлвалъыңылъықуқ лъпысигун, лъпысилъю лъңакун қӯлвалъыңылъықуси нафуҳталъҳакунлъю, наңлъыхталъҳакунлъю Кияӷнымта, Атанымталъю Иисус Христосым.

К Титу 3:14

Ухпықа̄лгутымта пыҳқихся̄ткылъитху аныӷныҳқуткаҳқақ ынка̄м каюсиӷьяқлъыгуҳнакаңит аклъюкыхкапилгыт. Тымңи кияҳта̄фқа̄мың пилит.

К Евреям 12:11

Қуянӣтуқ аӷью̄лъыңнымта қаюҳлъяк ақниҳтақыхкаңилъю. Иўырңа тахталми, лӣтфикнымтыху, ныкыхмылъыңақукут қаюҳлъяк кияҳсягутақукут ылъқуӷулъюта.

1е Петра 2:12

Пинитун кияҳтык акулңитни ухпықа̄нӷилңӯт, лю̄рақ лъңита сыӷлытун пистыңунинаюкаңиси. Ысҳақумыхтыки аныӷныҳқилъыси усюқылъықа̄т Кияӷнық Аӷныӷани Христосым тагилъҳан.

1е Петра 2:5

Лъпысилъю уңувалӷӣстун уйӷагыстун аюқуси, ынка̄м Аглыӷналӷӣм Таӷныӷам ныкыфтусиқлъиси Кияӷныӷым мыңтыӷа̄нун. Қыпҳа̄лъықаҳси а̄фтыка̄люси священнигыт тӯнилӷӣт аҳтутмың Кияӷныӷмун. Лъңан тугуклъиҳлъықӣ аҳтутыт Иисус Христосыкун.

1е Петра 2:9

Иўырңа лъпыси югни накмикыхка̄гуси, умӣлгым священнигакӣси, а̄фтыка̄гуси югни, Кияӷныӷым лъңан катам юкӣси. Накмикыхка̄гуси а̄пҳысқылъюки алъя̄ҳлъюхўа̄т аныӷныҳқилъҳи Кияӷныӷым, тахсиӷикақ лъпысиның мамлыхлъягмың лъми катам алъя̄ҳлъюхўаӷмун ниӷугминун.

1е Петра 4:14

Сыӷлықӯқаңиси апалъюқлъюку малихся̄ҳтыңумалъыҳси Христосымун, қуястылъылгӯси қаюҳлъяк Кияӷныӷым Таӷныӷакык ниӷуҳқыңъалӷӣк кияҳтыңӯқ лъпысини.