К Филиппийцам 1:10 - Новый Завет на эскимосском языке

¹⁰ Таўатын лъӣқуфси кияҳтылъыҳпысини сяңўа̄ пинилъыҳпигақ накмикумаңинаӷьягулъықаҳси. Та̄хкын Христос тагинқихтыкан пылюңилъықусилъю, анахутылъҳилъықусилъю.

К Филиппийцам 1:10 Iomraidhean Croise

От Матфея 16:23

Иисусым қӣвлюку Петр пика̄: «Туӷныӷақ, иқитын хўаңамның! Амигиӷаҳпыңа, қаюҳлъяк сюмыҳтаӷалъҳын югым сюмыҳтаӷалъқа̄, Кияӷныӷым сюмыҳтаӷалъқынӷита̄!»

От Матфея 26:33

Петырым пика̄ Иисус: «Апалъюқлъютын лъпык қайўа иляма униқаӷа̄тыӷңа̄тын, хўаңа унинъа̄нӷитңўа̄ӷамкын!»

От Иоанна 1:47

Иисусым ысҳаӷьямигу Нафанаил тагилӷӣ лъңанун пика̄: «Та̄ната Израилыӷмӣпик, тымңитхўаңилңуқ».

От Иоанна 3:20

Китум алңунак сыӷлытун пикаюгым угумика̄ ниӷук, ынка̄м тагина̄нӷитуқ ниӷугмун сыӷлытун пилъыни ысҳаӷнаюкатки.

Деяния 24:16

Ынка̄ңам қӯнпың кияҳнақуткақуңа сыӷлыӷьюгуткаҳқӣлъюңа Кияӷныӷмунлъю, югнунлъю.

К Римлянам 12:2

Ӯм нунам югатун кияҳтыхпынаси. Йыӷлыги Кияӷныӷмун алъяңуҳтыстык нутаҳтыслъюки умьюгаси. Та̄хкын лӣгикылъықаҳси пиюкылъҳа Кияӷныӷым пинилӷӣ, тугуклъиӷьюгналӷӣ, қамахтӣңўа̄ӷңалӷӣлъю.

К Римлянам 12:9

Пиниқитык ипапиҳқылъюси. Угумиклъюку сыӷлық, пиюкумаңинаҳтыху сяңўа̄ пинилӷӣ.

К Римлянам 16:17

Ухпықа̄лгутымни, қылӷамси кылыңасқылъюси тама̄куның а̄фқӯтыстикаюгның, тунутыстилӷӣның югыт ухпықилъҳитның, кипулъхина̄лӷӣның апыҳтӯсяның лӣткаҳпысиның. Иқитңатык тама̄куның.

К Римлянам 2:18

Лӣлиҳтӯсятхун лӣсимакан сяңўа̄ Кияӷныӷым сясқысюлъҳа лъпынун, натынлъю накмиксяҳқа̄таңа сяңўа̄ ылъқуӷутңалӷӣ.

К Римлянам 7:16

Иўырңа атуқыхкумки угумикыхканка атуқсюнӷитыӷңа̄мки, та̄ўа итагнақақанка Лӣлиҳтӯсят пинӣтаңи.

К Римлянам 7:22

Қа̄мкырухлъяк пиниӷью̄гусиқанка Кияӷныӷым Лӣлиҳтӯсӣ.

К Римлянам 8:7

Умьюгапут малиҳқутақынӷата югусимта пиюкылъҳанун, аңуягўа̄қукут Кияӷныӷмун қаюҳлъяк қа̄ткигалъкыпут Лӣлиҳтӯсӣ. Ипа қа̄ткыпагниңитапут Кияӷныӷым Лӣлиҳтӯсӣ.

1е Коринфянам 1:8

Кияӷныӷым ухпылъыси икнақуҳся̄маңинаӷна̄ӷӣ кынляңа киңулиҳпигаӷмун аӷныӷмун. Инқун анахутылъҳитысқылъюси Атаныҳпут Иисус Христос нанқихтикан югның.

1е Коринфянам 10:32

Сяхпынаси сыӷлыҳқыстияҳқамың Иудеянун, язычнигнун, ухпықанунлъю.

1е Коринфянам 8:13

Ынка̄м ныӷылъымкун аҳқутқыхкамың сыӷлыҳқыснаюкамкун ухпықа̄лгутка, алъямыңлъю ныӷна̄нӷитуңа сямың тама̄кын.

2е Коринфянам 1:12

Уна ысҳа қука̄югусиҳпут, сюмыҳтаӷалъымта уңипа̄тӣлъю кияҳта̄лъыҳпут хўани нунами ипапиҳқыңъа̄қлъю, пиниқиңа̄қлъю, кияң лъпысинун. Таўатын пӣқукут Кияӷныӷым пиниқиңалӷӣкун каюсилъҳакун, нака̄н югым пыҳқинылъҳакун.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

2е Коринфянам 6:3

Кияҳта̄лъымтыхун на̄хсяӷаңлъӣгатапут югыт, сыӷлықӯфқа̄н писқылъюку қыпҳақаҳпут Атаныӷмун.

2е Коринфянам 8:8

Қылӷунӷитамси тӯнисқылъюси, иўырңа уңипа̄тңўа̄мси натын иляңит тӯниматаңи. Ынка̄м тӯнилъыҳпыси ипапиҳқылъықа̄ пиниқилъыҳси ипаңутаңа.

К Галатам 5:11

Ухпықа̄лгутымни, уңипақиңигатуңа югыт обрезаниясқылъюки. Таўатын уңипақиңуяқума Иудеит амьюқыта̄ткынъаниӷнаяӷа̄тңа ынка̄м қақӯра̄ Христосым сюгагнӣӷуткынъаянӷита̄т.

К Ефесянам 4:15

Итупилъ акузиткылътыху ипапилъық пиниқылъыҳқун, ынка̄м ўата Христосытун лъӣҳлъықукут сялъымтыхун тамаҳа̄кун. Христос на̄сқуқа̄т ухпықат.

К Ефесянам 5:10

Лӣнъақитыхулъю сяңўа̄ ыфқуӷналӷӣ Атаныӷмун.

К Ефесянам 5:27

Христос таўатын пика̄гуқ а̄ңггунъалюки ухпықат лъңанун катам пиниӷналӷӣтун угӣӷнақылӷӣтун. Туқука̄гуқ ухпықат тагнықшӣтысқылъюки, уңлъыврыгӣтысқылъюки налиӷмың сямың алңунак афкуйӣтысқылъюки. Ынка̄м нулӣҳқа̄ аглыӷнаҳлъықуқ, авутңилъықуқлъю.

К Ефесянам 6:24

Наңлъыхталъық тамаҳаҳпысинун пиңӯқ пиниқилӷӣни Атанымнъың Иисус Христосымың пиниқылъылиӷлюку на̄ңьяҳқа̄нӷилңуӷмың.

К Филиппийцам 1:16

Уңипақиңӯт қаюҳлъяк пиниқыхкаңатңа. Лӣсимакыхкаңат Кияӷныӷым тагистыкақа̄ңа хўавык ныкывӷатысқылъюки Пинилӷӣт Уңипат аңуямнъың.

К Филиппийцам 1:6

Лӣсимакңўа̄ӷақа Кияӷнық пӣнлиӷикақ пинилӷӣмың қыпҳақамың илюхпысини, лъңан апыӷӣҳлъықа̄ Христос Иисус утыӷниқан.

К Филиппийцам 2:16

уңипақиңулюси лъңитнун Христосымың уңувалъыңыстикаюгмың. Ынка̄м тагинқихтыкан қуяслъықаҳпысиңа ынңа̄талъ, қаюҳлъяк кияҳта̄лъыҳпыси кылгусяҳқақа̄ қыпҳалъқа тымңиңунӷилңуқ.

1е Фессалоникийцам 3:13

Таўатын айыпсюгиҳсяҳлъықӣ илюси авутңитысқылъюсилъю, пылюңитысқылъюсилъю сивуңани Кияӷнымта Атам, Атанымта Иисусым тагилъҳани. Таўани кылъқылъықӣ қамахтыңъўа̄ӷлюки лъми юни.

1е Фессалоникийцам 5:21

Иўырңа сяңўа̄ қамахлъюку нанӷӣқўа̄қитыху ынка̄м тугуклъиӷақлъюки сяңўа̄т пинилӷӣт,

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

1е Иоанна 4:1

Пиниқыхкамни, ухпықыхпынаки қамахлъюки таӷныӷат. Йыӷлыги лӣгикнақақитыки Кияӷныӷмың пиңутаңи, қаюҳлъяк угляпихлъыҳӣт ӯкналиқистысиӷўа̄ӷыт миңисима̄т нунами.

Откровение 2:2

Лӣсимакамси ся̄лъыҳси, уӷлыӷӣлӷӣси, ӣлъқаюнӷитылъыҳсилъю. Лӣсимакамсилъю тугуклъӣгатаси сыӷлыӷыт югыт, иўырңа апостолыңунилӷӣт лӣтақаси ысҳапаглюки тымңиңутаңи. Та̄ўа лӣтаси иқлъыңиқыстыңӯт.