К Филиппийцам 1:1 - Новый Завет на эскимосском языке

¹ Укут посланият Павелымыңлъю, Тимофейемыңлъю пиңӯт, қыпҳаҳтыкӣнкуң Христос Иисусым. Письмоӷақамси қамахлъюси Кияӷныӷым югитни, юӷаӷвигым иглыӷутистыңитни, диаконынилъю Филиппымылңуӷни, ухпықилӷӣт Христос Иисусыкун.

К Филиппийцам 1:1 Iomraidhean Croise

От Марка 13:34

Юхтун аюқсяҳқа̄гуқ натмун пилӷӣтун. Аӷуляқылъҳилъюни қыпҳаҳтыни афлъыңакистыңлъяҳлъықӣ мыңтыӷаминун, уңипа̄лъықӣлъю сяяҳқӣтның. Амигнӣҳтыминунлъю кылыңакысқыхка̄ утыӷнилъыҳқани.

От Иоанна 12:26

Китум алңунак қыпҳа̄сюкумиңа малихсяҳқақа̄ңа. Ынка̄м қыпҳаҳтыка хўаңамнисяҳқа̄гуқ на̄нсяӷңа̄ӷма. Атама қӯлваӷьяҳқақа̄ кина алңунак қыпҳа̄тилӷӣ хўаңамның.

Деяния 1:20

Петырым нагныӷуткӣ: «Давид хўатын игақа̄гуқ Псалмыми: “Мыңтыӷа̄ па̄ҳқӣлъи, алъямыңлъю кина алңунак таўантыфқа̄ми пили”. Игақыхка̄лӷӣлъю хўатын: “Қыпҳақа̄ китумун тунъяқуми”.

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

Деяния 9:13

Иўырңа Ананиям пика̄: «Атанық, нагақуӷақақа та̄на ю̄к угляпихлъыҳӣның, апыӷнақыпихтақа̄т сыӷлытун пилъыҳлъяга юхпынун Иерусалимыми.

К Римлянам 1:1

Укут посланият Павелымың пиңӯт; қыпҳаҳтыка̄ңа Иисус Христосым. Кияӷныӷым туқлъюқақа̄ңа апостолыңулюңа, накмикыхкақа̄ңалъю уңипақысқылъюки Пинилӷӣт Уңипани.

К Римлянам 1:7

Қамахлъюси лъпыси Римымылңуӷни Кияӷныӷым пиниқыхкӣтни, туқлъюқӣтнилъю юкналюси: Кияӷныӷым Атамта, Атанӷымлъю Иисус Христосым каюсӣлъиси, ныкыхмылъылисилъилъю.

1е Коринфянам 16:10

Тимофей лъпысинун пикан, ынңа̄талъ упуӷанъакыси, қаюҳлъяк қыпҳа̄гуқ Атаныӷмун хўаңамтун.

2е Коринфянам 1:1

Укут посланият Павелымың пиңӯт, апостолаңаның Христос Иисусым Кияӷныӷым пиюкылъҳакун, Тимофейемыңлъю пиңӯт ухпықа̄лгутымнъың. Кияӷныӷым югитнун қырңуӷуткаюгнун юӷаӷвигани Коринфым, тамаҳӣтнунлъю Кияӷныӷым югитнун ӣңунаҳа̄ни Ахаиям.

К Галатам 1:10

Таўатын акузилъымкун ыфқуҳнақуткыңъунӷитанка югыт. Нака̄, Кияӷныҳӣна̄гуқ ыфқуҳсюкақа. Паниның югнун ыфқуҳтинақуткыңъукума, Христосымун қыпҳаҳтыңуна̄нӷитуңа.

К Галатам 3:26

Ухпықилъыҳпысигун Христос Иисусыкун, қамахлъюси Кияӷныӷым авақутақӣси.

К Галатам 3:28

Алъяңуӷутңитут Иудеитлъю, язычнигытлъю; алъяңуӷутңитут қыпҳаҳтыля̄ӷытлъю, қыпҳаҳтыля̄ӷунӷилңӯтлъю; алъяңуӷутңитут югытлъю, аӷнатлъю, қаюҳлъяк қамахлъюси атуным аюқуси Христос Иисусыкун.

К Ефесянам 1:1

Укут посланият Павелымың пиңӯт. Христос Иисусым апостолыка̄ңа Кияӷныӷым пиюкылъҳакун. Письмоңӯңа Кияӷныӷым югитнун Ефесымылңуӷнун, ата̄сӣӷмылңӯт малихся̄ҳтыңи Христос Иисусым.

К Ефесянам 1:15

Нагақӯма̄қа ухпықилъыҳси Атаныҳқун Иисусыкун, пиниқылъыҳсилъю тамаҳӣтнун Кияӷныӷым югитнун. Тама̄кын апалъюқлъюку,

К Ефесянам 6:24

Наңлъыхталъық тамаҳаҳпысинун пиңӯқ пиниқилӷӣни Атанымнъың Иисус Христосымың пиниқылъылиӷлюку на̄ңьяҳқа̄нӷилңуӷмың.

К Филиппийцам 2:19

Атанӷым пиюкылъқыхкагу, Тимофей каяхсяҳтуңыстаӷақа лъпысинун. Ынка̄м қуялъықуңа уңипаңыхкума лъпысиның.

К Филиппийцам 2:5

Сюмыӷныси Христос Иисусым сюмыӷныӷатун аюқлъит.

К Филиппийцам 3:12

Хўатын пиңунӷитуңа: «Христосытун лъӣӷума̄ңа налиӷмың Христосытун кияҳтақуңа қӯнпың». Иўырңа пинақылъҳақа қамахлъюку атуқңўа̄қа Христосым пиюкылъҳатун лъӣӷналюңа атуқналюкулъю писқысюлъҳа хўаңамнун.

К Филиппийцам 3:3

Хўаңкутаңӯкут ухпықани обрезанияпӣўа̄қани қаюҳлъяк манигуӷақаҳпут Кияӷнық Таӷныӷахкынкун, усюқақаҳпутлъю Христос Иисус. Ныӷьюңигатукутлъю Кияӷныӷмун пилӣтысқылъюта хўаңкута катам сялъымтыхун.

К Филиппийцам 3:8

Ипа сяңўа̄т қамахлъюки ифлъяма̄нка апалъюқлъюку мыгнунаҳтулңа лӣтңўа̄лъымның Христос Иисусым, Атанқа. Лъңа апалъюқлъюку сяңўа̄т қамахлъюки ыхсима̄нка. Ысҳаӷанка малъястун аюқлъюки алъхыҳтыпигналюку Христос,

1е Фессалоникийцам 1:1

Укут посланият Павелымың, Силамың, Тимофейемыңлъю пиңӯт, Фессалоникаӷмӣт ухпықӣтнун Кияӷныӷым Атам пиңи Атанӷымлъю Иисус Христосым. Кияӷныӷым наңлъыкилъҳалъю, ныкыхмылъҳалъю лъпысинилъик.

1е Фессалоникийцам 2:2

Иўырңа сивунӷани лъпысинун пилъымта, лӣсимакаҳси Филиппыми икфиқлъӣҳтыстыкақӣнкутлъю, сыӷлықӯқақӣнкутлъю. Тама̄нлъюта қайўа углялӷӣм югым аӷулӣҳнақуткыӷңӣлъю Кияӷныӷым илютустыкақӣнкутлъю, ынка̄м уңипа̄сяҳтуӷамси Пинилӷӣның Уңипа̄мың Кияӷныӷым.

2е Фессалоникийцам 1:1

Укут посланият Павелымың, Силамың, Тимофейемыңлъю пиңӯт. Ухпықанун Фессалоникамылңуӷнун Кияӷныӷым Атамта пиңитнун, Атанӷымлъю Иисус Христосым.

2е Фессалоникийцам 1:10

Тама̄кут пияҳқа̄гут таўани Аӷныӷми Атанық Иисус тагикан. Қамахлъютың югыт ухпықикат лъңаның усюқылъықа̄т, сяӷӣӷаягулъықа̄тлъю. Лъпыси акулңитнилъықуси қаюҳлъяк ухпықыхкыси уңипақ а̄пқаҳпут лъпысинун.

1е Тимофею 1:2

Тимофейемун; иӷныпикамкын ухпықилъымтыгныгун. Кияӷныӷым Атам, Христос Иисусымлъю Атанымта қуяслъитын, наңлъыклъитын, ныкыхмылъылгуслъитынлъю.

1е Тимофею 3:8

Таўатыҳпигақ Диаконытлъю пиниӷлюки акузиткысяҳқа̄гут, ипапиҳқыңъаяҳқа̄гут, виномың мыӷыпагьяҳқа̄нӷитут, пакигныӷуяҳқа̄нӷитутлъю манимың.

К Титу 1:1

Укут посланият Павелымың пиңӯт қыпҳаҳтыңаның Кияӷныӷым, апостолыңаныңлъю Иисус Христосым. Каяхтыка̄гуңа каюсӣтысқылъюки Кияӷныӷым накмикыхкӣ югыт ухпылъыҳтуҳтаӷӣсқылъюки, лӣтысқылъюкулъю ипапилъық. Та̄м ипапилъҳым каюсиҳлъықӣ югыт кияҳтылъыҳқӣт Кияӷныӷым пиюкылъҳатун.

К Титу 1:7

Иглыӷутистыңутминың Кияӷныӷым қыпҳақа̄нун, Епископа авутңисяҳқа̄гуқ. Юкыҳқынӷуяҳқа̄нӷитуқ, налиӷмың ка̄тқаҳта̄маңуяҳқа̄нӷитуқ, налиӷмың сю̄мыстыңуяҳқа̄нӷитуқ, налиӷмың сю̄хлъюгуяҳқа̄нӷитуқ, налиӷмың пакигныӷуяҳқа̄нӷитуқ аклъюңиӷиналюни.

К Филимону 1:1

Укут посланият Павелымың пиңӯт, анусимиңлъяӷақ Христос Иисус апалъюқлъюку, ухпықа̄лгутымнъыңлъю Тимофейемың. Пиниқыхкамтыгнун қыпҳалгутымтыгнун Филимонымун,

К Евреям 13:23

Лӣсимакысюгамси ухпықа̄лгутымнъың, Тимофейемың, а̄нысима̄қ анусимиңлъяӷвигмың. Ка̄тылӷаҳтуӷьяқан қырңа̄мтуң ысҳаӷьяҳтуҳлъықамси.

От Иакова 1:1

Укут посланият Иаковымың пиңӯт қыпҳаҳтыңаның Кияӷныӷымлъю, Атанӷымлъю Иисус Христосым. Письмоӷақуңа Иудеит ухпықӣтнун миңитңалӷӣнун тамаңани. Қуякамси.

1е Петра 2:25

Пынъӣӷыстун аӷуляқа̄талӷӣстун аюқсяҳтуси. Иўырңа ма̄тын утыӷнӣма̄си Пынъӣӷнӣҳтымун Кылыңакистыңанун уңувасиҳпыси.

2е Петра 1:1

Укут посланият Симон Петырымың пиңӯт. Қыпҳаҳтыка̄ңалъю, апостолоңалъю Иисус Христосым. Письмомамси қамахлъюси алъхыӷуткани ухпықилъыӷмың хўаңкутыстун аюқылӷӣмың. Алъхыҳтыкақаҳпут ухпықилъыҳпут ылъқуӷутңалъҳакун Иисус Христосым, Кияӷнықыхкыфутлъю, Югулиӷистыкыхкыфутлъю.

От Иуды 1:1

Укут посланият Иудамың пиңӯт, Иисус Христосым қыпҳаҳтыңаның, Иаковым уюӷа̄ның. Письмоӷақуңа Кияӷныӷым накмикыхкӣтнун. Кияӷныӷым Атамта пиниқӣси, Иисус Христосымлъю афлъыңакақӣси.

Откровение 1:1

Хўани игани игақңа̄т Кияӷныӷым алӣҳтыкӣ Иисус Христосымун. Кияӷныӷым алӣҳтыкақӣ лъңанун лӣгикыстысқылъюки қыпҳаҳтыни сяңўа̄т пияҳтуңыстаӷнилюки. Ынка̄м Христосым каяхтыкақа̄ яқулыни қыпҳаҳтыминун Иоаннымун тама̄кут лӣсимакысқылъюки.

Откровение 1:20

Ысҳаӷатын ма̄ӷраӷвинлык иӷалықыта̄ӷыт аӷынқигныӷма ӣханилңӯт, ма̄ӷраӷвинлыклъю золотат кынылӷутат тунымӣт, та̄кут сямың писӣтаңи сялин қайвиҳтылъҳитут. Хўатын писӣгут: Ма̄ӷраӷвинлык иӷалықыта̄ӷыт яқулгӯт. Кияӷныӷым уңипаҳтыкӣ ухпықанун қырңуӷуткаюгның ма̄ӷраӷвинлыгни юӷаӷвигни. Ма̄ӷраӷвинлык кынылӷутам тунымӣ та̄куңӯт ма̄ӷраӷвинлык юӷаӷвигыт».

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».

Откровение 2:12

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Пергамым. Уна уңипақ сявихпалыгмың пиңӯқ иңлюхтун хиналык ипыхсяқамың.

Откровение 2:8

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Смирнам. Уна уңипақ хўаңамның пиңӯқ: Сивулӣгуңалъю, киңулӣгуңалъю, туқулюңа уңувақа̄гуңа.

Откровение 22:9

Иўырңа пӣңа: «Таўатын пихпынаң! Хўаңалъю қыпҳаҳтыңӯңа лъпытун, ухпықа̄лгутыхпытунлъю ӯкналиқистыстун, қа̄ткулъҳӣстунлъю акузитаңитнун укут игат. Манигуҳу Кияӷнық!»