К Евреям 9:26 - Новый Завет на эскимосском языке

²⁶ қаюҳлъяк икфиқнаяҳтуқ углӣнаӷлюку има улималъҳаның нунам. Иўырңа укуни киңулиӷни аӷныӷни тагика̄гуқ ата̄симың қӯнпырухлъяк иқинъалюки сыӷлыҳқылъҳыт аҳтуткылъыӷмикун лъминың.

К Евреям 9:26 Iomraidhean Croise

От Матфея 13:39

Аңуяк пӣтыстикақ плевелымың Туӷныӷа̄гуқ. Унаталъық нунам кынлытҳӯтылъқа̄, унатаҳтыт яқулгӯт.

От Матфея 13:40

Унаталъыӷми плевелыт қырңуҳлъюки паныҳтақӣт. Таўатыҳпигақ кынлытҳӯтылъҳани нунам, югыт Туӷныӷа̄м пиңи қырңуҳлъюки паныҳсяҳқа̄гут.

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Иоанна 1:29

Уна̄миңани Иоанным ысҳаӷлюку Иисус тагилӷӣ лъминун югыт пикӣ: «Ӣи, та̄ната Пынъӣӷаӷа̄ Кияӷныӷым иқитияҳқақ сыӷлыҳқылъҳаның нунам юган.

От Иоанна 17:24

Ата̄й, укут югыт тагивақаҳтын хўаңамнитысюўақанка, лъңитнун ысҳӣсқылъюку ниӷуҳқылъқа. Пиниқутыхпының та̄на ниӷуҳқылъық тагивақақан сивуңани нунаңлъялъҳым.

1е Коринфянам 10:11

Қамахлъюки тама̄кут сивунымта атуқыхкӣт, успутаҳқа̄ка̄гут хўаңкунъун. Игақыхка̄гут кылыңася̄тңулютың хўаңкунъун кияҳлъыҳӣнун киңулиӷни аӷныӷни, лъңистун пифқа̄мта писқылъюта.

К Галатам 4:1

Нагныӷутаҳлъякун хўатын, иӷнық пилӣтияҳқақ атами сяӷьяңаның қыпҳаҳтыля̄ӷыстун кияӷуткаюгӯқ мыкыста̄ҳа̄люни, қайўа лъңан пиксяӷңа̄гу сяңўа̄ тамаҳа̄н атами пӣңа.

К Ефесянам 1:10

Кияӷныӷым успықылъыни апыӷӣҳлъықа̄ пилъыҳқаҳлъюгўа̄ӷми. Қамахтыңъўа̄ӷлюки улима̄ни қилягмылңӯтлъю, нунамылңӯтлъю қырңуҳлъықӣ, Христосымун иглыӷутысқылъюки.

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Евреям 1:2

Иўырңа укуни киңулиӷни аӷныӷни алыҳқуқақӣлъю Иӷныӷмикун. Лъңакун Кияӷнық нунаңлъяқа̄гуқ, накмикыхкақӣлъю пилӣтысқылъюку сяңўа̄ тамаҳа̄н.

К Евреям 10:10

Иисус Христосым қа̄ткысяқминигу Кияӷныӷым пиюкылъҳа, пылюңиқақӣлъю сыӷлыҳқылъымнъың тӯнылъыӷмикун югусини ата̄сиҳаӷмың қӯнпырухлъяк.

К Евреям 10:12

Иўырңа Христосым тӯныхкақа̄ ата̄сиқ аҳқун сыӷлыҳқылъыӷнун қӯнпырухлъягмун. Та̄хкын ақумыхкақ аӷынқигныӷакун Кияӷныӷым.

К Евреям 10:26

Сыӷлыҳқысюга̄тақумта киңуңаның лӣлъюку ипапилъық, та̄ўа аҳтуткаҳқӣтуқ иқитусиҳқамың тама̄вык сыӷлыҳқылъыӷнун.

К Евреям 10:4

қаюҳлъяк а̄ўита каўым юхтанӷитлъю, козёлытлъю сыӷлыҳқылъҳиҳпагниңитӣт.

К Евреям 4:3

Хўаңкута ухпылӷӣни итыҳлъықукут Кияӷныӷым мыӷна̄ливиганун. Иўырңа Кияӷныӷым акузиткыхкақӣ ухпықилъҳилңӯт хўатын: «Сякшитңулюңа акықика̄гуңа алъяңуҳсяҳқа̄нӷилңуӷмың. Хўатын пӣңа: “Итыӷна̄нӷитңўа̄ҳтут мыӷна̄ливихкамнун”». Таўатын акузика̄гуқ қыпҳақани апыӷӣқақыӷңа̄ӷмики има нунаңлъялъыӷминың.

К Евреям 7:27

Иисус иляңистун первосвященнигыстун аюқынӷитуқ. Аҳутаңа тамаҳа̄н первосвященнига аҳқыша̄ӷьяҳқа̄гуқ, сивуклъюни лъми сыӷлыҳқылъыӷминун, та̄хкын югыт сыӷлыҳқылъҳитнун. Иисус тӯнақңами лъми катам, аҳқуткыхка̄гуқ сыӷлыҳқылъҳитнун югыт, ата̄сиҳаӷмың.

К Евреям 9:12

Та̄хкын Христос ӣтқа̄гуқ ата̄симың қӯнпырухлъяк Аглыӷналъыҳпигаӷмун Нымун сыӷлыҳқылъымнъың итымунъалюта кынлыңуна̄н. Таўатын пика̄гуқ тӯнылъыӷмикун лъми катам а̄ўни, атуҳпынаки а̄ўит козёлытлъю, каумӷа̄тлъю.

К Евреям 9:14

Тама̄кут пылюңиӷияқлъыгуката югыт югусӣтның, та̄ўа Христосым а̄ўан ўата пилъықӣ. Пылюңиҳлъықӣ умьюгаси сятңунӷилңуӷның ухпықилъыӷның лъпысинун қыпҳа̄тысқылъюку уңувалӷӣ Кияӷнық. Кынлыңилңӯгныкун Таӷныӷагныкун, Христос сыӷлыҳқылъҳилңуқ, тӯныхка̄гуқ лъңаның катам Кияӷныӷмун аҳқутңулюни.

1е Петра 1:20

Кияӷныӷым накмикыхкақа̄ Христос талўа сивуңани нуна улималъҳилъюку. Ма̄тын киңулиӷни аӷныӷни алӣҳтыкақа̄ лъпыси апалъюқлъюси.

1е Петра 2:24

Христосым лъминың катам агля̄ткақӣ сыӷлыҳқылъыпут югусиӷмиклъюки қақӯрамун. Таўатын пика̄гуқ туқумасқылъюта сыӷлыҳқылъыӷмун уңувасқылъюта ылъқуӷутңалъыӷмун. Кӣтиқулъҳакун на̄лъҳутка̄гуси.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Петра 4:7

Сяңўа̄ қамахлъюни кынлытҳӯсяҳтуҳтуқ. Тама̄кын апалъюқлъюку хўатыҳлъюўа̄ӷулюки умьюгаси, нуқынъыҳтулюси юӷаӷьяҳқа̄люси юӷалъыҳқаҳпысистун.

1е Иоанна 3:5

Лӣсимакаҳси Христос алъхықа̄гуқ иқинъалюки сыӷлыҳқылъыпут, лъңа сыӷлыҳқылъҳитуқ.

1е Иоанна 3:8

Кина алңунак сыӷлыҳқумаңиналӷӣ Туӷныӷа̄м пика̄ қаюҳлъяк Туӷныӷақ сыӷлыҳқыңъулӷӣ има пӣнлиӷьюхўа̄лъыӷмың. Иӷныӷа Кияӷныӷым алъхықа̄гуқ уна апалъюқлъюку, на̄фқынъалюку Туӷныӷа̄м қыпҳақа̄.

Откровение 13:8

Қамахлъюни нунами кияҳлъыҳӣм манигуҳлъықа̄т тыӷикусялъю̄к. Иўырңа тама̄кут а̄тҳит игақңалӷӣт Игӣтхун Уңувалъҳым манигуӷна̄нӷита̄т. Кияӷныӷым игақыхкақӣ а̄тҳит нунаңлъялъҳилъюни. Та̄кут игат пикӣ Пынъӣӷаҳа̄м, югыт туқуткӣта.

Откровение 17:8

Тыӷикусялъю̄к ысҳақан уңуваялӷӣңӯқ, Иўырңа туқука̄гуқ. Маюҳлъықуқ Ся̄мнаңилңуӷмың Ля̄гўа̄ӷмың на̄фқылъыңналюни. Юлгӯқ нунами а̄тҳит игақылъҳилңӯт Игӣтхун Уңувалъҳым нуна пӣнлилъҳилъюку. Тама̄кут югыт ысҳақумыхтыху тыӷикусялъю̄к сяӷӣӷаюхлъықут қаюҳлъяк уңуваялӷӣ, туқукақ иўырңа тагияҳқақ.