К Евреям 9:15 - Новый Завет на эскимосском языке

¹⁵ Ынка̄м Христосым тагиткақа̄ Кияӷныӷым акықусяӷраӷа̄ югнун туқлъюқа̄нун. Христос таўатын пика̄гуқ лъңитнун алъхыҳтысқылъюку кынлыңилңуқ пагитақ Кияӷныӷым акықусяқыхка̄ лъңитнун. Алъхыҳлъықӣт пагитат қаюҳлъяк Христосым туқуматкыхкақыхкаңи. Ынка̄м югыт кияҳтыкат акықусяқсюхўа̄ӷми, итымума̄т сыӷлыҳқылъыӷмыхның.

К Евреям 9:15 Iomraidhean Croise

От Матфея 19:29

Ынка̄м хўаңа апалъюқлъюңа килъю алңунак унискумыхтыки мыңтыӷатың, аңлыгутытың, наятың, ататың, на̄тың, авақутатың, налиӷмың пӣтысиӷаӷвитың, нулялъықут ю̄к талъиматалъпаглюку. Кынлыңилңуӷмыңлъю уңувалъыӷмың алъхыӷулъықут.

От Матфея 22:3

Қыпҳаҳтыни каяхтыкӣ уңипа̄сяҳтӣсқылъюки тахсиқлъиқат ныңуӷутым нықынӷаҳқылъҳанун тагиляӷа̄тысқылъюки, иўырңа тагиюнӷиткат.

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Матфея 25:36

Амсикаӷмылъюңа а̄сиҳтуқақаҳпысиңа, қинуюгулюңа ля̄лиҳфикыхкақаҳпысиңа, анусимиңлъяӷа̄люңа ысҳаӷьяҳтуқақаҳпысиңа”.

От Марка 10:17

Иисус иглыҳнықихтақуқлъю, югым кытанқуснақ такулюку мануңакун сыгысқуҳлъюни а̄птыка̄: «Пинилӷӣ Апыҳтуӷиста, натын сялюңа кынлыңилңуқ уңувалъық алъхыҳнаяҳсикун?»

От Луки 18:18

Иляңани пилъыӷми иглыӷутистым Иисус а̄птыка̄: «Пинилӷӣ Апыҳтуӷиста, натын сякума алъхыҳнаяҳсикун кынлыңилңуқ уңувалъық?»

От Луки 22:20

Ныныӷмың та̄қсямың таўатыҳпигақ тӯныхкӣ қаю̄симылңуӷмың виномың, хўатын пимӣта: «Уна қаю̄сиқ Кияӷныӷым нутаӷа̄гуқ акықуся̄ а̄мкун, кӯвылӷӣ лъпыси апалъюқлъюси.

От Иоанна 10:28

Тӯнанка кынлыңилңуӷмың уңувалъыӷмың, ынка̄м туқуна̄нӷитңўа̄ҳтут. Китум алңунак акуқаӷна̄нӷитӣ ӣхымның.

Деяния 20:32

На̄ңнӣткынъақақа, ныӷьюкутамси Кияӷныӷмун афлъыңакысқылъюси, уңипамунлъю пиниқылъҳанун қуястысқылъюси. Нагатылъыҳпысигун та̄на уңипақ ухпылъыси икнақуҳлъықутлъю, алъхыҳлъықаҳсилъю лъпыси пилӣсяҳқаҳси Кияӷныӷмың. Та̄на пилӣсяҳқақ тама̄кунун пиңӯқ а̄фтыкаминун лъңанун катам югулюки.

К Римлянам 5:10

Хўаңкута Кияӷныӷым аңуяксяӷӣнкутлъю, иўырңа илялӣқақӣнкутлъю туқулъҳакун Иӷныӷми. Ма̄тын Кияӷныӷым илякумта̄қӣлъю, ынка̄м налъюнықнӣӷатаӷаӷаҳпут югулилъыңылъықукут Христосым уңувалъҳакун!

К Римлянам 5:6

Югулипагниңилъюта Христосым туқуматкыхкақӣ сыӷлыҳқыстыт, таўани пилъыҳқаҳлъюўа̄ӷми Кияӷныӷым накмикыхка̄ни.

К Римлянам 5:8

Иўырңа Кияӷныӷым кылгуткақа̄ пиниқылъыни хўаңкунъун, паниның сыӷлыҳқыстыңулюта Христосым туқуматкыхкақӣлъю!

К Римлянам 6:23

Акилыҳтӯся̄ сыӷлыҳқылъҳым туқулъҳӯқ; иўырңа Кияӷныӷым акиңилңуқ тунуся̄ кынлыңилңӯгуқ уңувалъық Христос Иисусыкун Атанымтыхун.

К Римлянам 8:28

Лӣсимакаҳпут Кияӷныӷым сяңўа̄т қамахлъюки қыпҳаҳтыстақӣ қырңӣта пиниҳқылъыҳқӣтнун пиниқистыми. Лъңаңут туқлъюқӣ ухпықылъыӷмитун.

К Римлянам 8:30

Ынка̄м Кияӷныӷым а̄фтыкани туқлъюқақӣ. Тама̄кутлъю туқлъюқани налъҳусяқақӣ ылъқуӷутңалъыӷминун. Тама̄кутлъю налъҳусяқани ылъқуӷутңалъыӷминун қӯлвақақӣ.

К Римлянам 9:24

Талўа хўаңкуталъю туқлъюқақӣнкут, нака̄н Иудейяңинаӷның иўырңа язычнигныңлъю.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

К Галатам 3:20

Иўырңа уйгукутистысюӷнӣтуқ ата̄сиқ акықикуми. Кияӷнық ата̄сиҳа̄тминың уйгукутистысюӷнӣтуқ.

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

2е Фессалоникийцам 2:14

Таўатын кияҳта̄лъыӷмун Кияӷныӷым тахсиқақӣси Пинилӷӣтхун Уңипатхун уңипақыхкамыхтыхун; тагисқақӣси пилӣтысқылъюку ныңиҳқаҳси пиниӷналъҳа Атанымта Иисус Христосым.

1е Тимофею 2:5

Та̄ўа ата̄сӣна̄гуқ Кияӷнық, ата̄сӣна̄гуқлъю илялӣӷутиста Кияӷныӷмунлъю, югнунлъю. Та̄наңӯқ ю̄к Христос Иисус.

2е Тимофею 2:10

Ынка̄м икфиқусиқсюглюку аюқақа сяңўа̄ тамаҳа̄н Кияӷныӷым накмикыхкӣ югулилъыңысқылъюки Христос Иисусыкун. Югулилъыӷмыхтыхун ниӷуҳқылъыңылъықут кынлыңилңуӷмың.

К Титу 1:2

Та̄хкын ата̄симың ипапилъыӷмың сиӷималъылгӯкут кынлыңилңуӷмың уңувалъыӷмың. Иқлъыңиқигатңўа̄ӷым Кияӷныӷым акықусяқыхкақа̄ та̄на уңувалъық има аюмирухлъяха̄ның.

К Титу 3:7

Кияӷнық таўатын пика̄гуқ пиниқилъыӷмикун налъҳусяӷналюта ылъқуӷутңалъыӷминун. Ынка̄м сиӷималъылгӯкут хўаңкута пилӣнъалюку кынлыңилңуқ уңувалъық.

К Евреям 10:34

Наңлъыкақаси анусимиңлъяӷвигмылңӯт. Талўа қуяңа̄қуси югыт тугулянӷатки сяӷьяси қаюҳлъяк лӣсимакаҳси паниның сялгӯси пиниӷатаӷалӷӣмың қӯнпыкаҳқамың.

К Евреям 10:36

Аклъюкңўа̄ҳси нуқынъыҳтулъық атуқсяҳқа̄люку Кияӷныӷым пиюкылъҳа. Та̄хкын алъхыҳлъықаси акықусяқыхкӣ.

К Евреям 11:13

Қамахлъютың тама̄кут югыт паниның кияҳтыка̄гут ухпықилъыҳқун туқулъыӷмыхнун кынляңа. Туқуляӷа̄тка̄лӷӣт алъхыҳтыхпынаки Кияӷныӷым акықусяқыхкӣ лъмыхнун. Иўырңа ухпықилъыҳқун ысҳақақӣт Кияӷныӷым акықусяқыхкӣ уяванлъюки сивумыхнилъюки қуякыхкақӣтлъю. Ынка̄ңам уңипа̄ткақӣт югыт нуната̄нилютың хўани нунами, нунамун пикынӷинъилютың.

К Евреям 12:24

Тагика̄гуси Иисусымун, лъңакун Кияӷнық акықусяӷраӷаңлъяқа̄гуқ. Тагика̄гусилъю сивилъяхта̄ткамун а̄ўанун Иисусым. Пиниӷатаӷаҳтуқ Авелым а̄ўаның, қаюҳлъяк Кияӷныӷым сыӷывутӣ сыӷлыҳқылъҳыт Иисусым а̄ўакун.

К Евреям 13:20

Кияӷныӷым ныкыхмылъылитистым Атаныҳпут Иисус уңуваҳтыстыкақа̄ туқулъыӷмың. Ынка̄м а̄ўмикун Пынъӣӷнӣҳтыҳлъягуҳтыка̄гуқ пынъӣӷнун. А̄ўан атӯяҳқа̄ҳтыстыкақа̄ Кияӷныӷым қӯнпыкаҳқақ акықуся̄.

К Евреям 2:14

Та̄кут таӷнуҳа̄т югӯт кымыкшалгутлъю, а̄лгӯтлъю ынка̄м Иисус лъңистун лъӣқа̄гуқ. Таўатын пика̄гуқ туқуналюни на̄фқынъалюку Туӷныӷақ, аҳтуӷьяҳқа̄нӷилъылык туқумун.

К Евреям 3:1

Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.

К Евреям 6:13

Кияӷныӷым акықақңамигу Авраам, акықыхкақа̄ пияҳқапыста̄ӷунилюку. Аваңитутаңаның а̄ңатаӷалӷӣмың лъңаның, атуқлъюку лъми катам атыни акықика̄гуқ.

К Евреям 6:15

Авраам қыляныҳпынани утақӣка̄гуқ, ынка̄м алъхыҳтыкақа̄ Кияӷныӷым акықуся̄.

К Евреям 7:22

Тама̄кын апалъюқлъюку Иисусыңӯқ ипапиҳқылъық Кияӷныӷым акықусяни пипыста̄ҳлъықа̄. Та̄на акықусяқ пиниӷатаӷаҳтуқ акықусяқыхкаминың Моисейкун.

К Евреям 8:13

Кияӷныӷым акузиткақңамигу акықусяӷраӷақ, сивулиқ акықусяқ атӯнаниҳтыстыкақа̄. Ынка̄м сяңўа̄ алңунак атӯнаниӷлюни аӷьюӷлюни мулюхпынани авӣӷулъықуқ.

К Евреям 9:12

Та̄хкын Христос ӣтқа̄гуқ ата̄симың қӯнпырухлъяк Аглыӷналъыҳпигаӷмун Нымун сыӷлыҳқылъымнъың итымунъалюта кынлыңуна̄н. Таўатын пика̄гуқ тӯнылъыӷмикун лъми катам а̄ўни, атуҳпынаки а̄ўит козёлытлъю, каумӷа̄тлъю.

К Евреям 9:16

Игакун югым игақуҳлъықӣ сяӷьяни китумун пагисяҳқа̄нилюки туқукуми. Пагитияҳқам алъхыҳна̄нӷитӣ пагисяҳқани ўытку китум ипапиҳқыхкагу ю̄к туқуматаңа.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

От Иакова 1:12

Қуянаҳалык югым нанӷӣқулъыни нуқытуткаюги. Сюфлъюҳтыкумики алъхыҳсяҳқақа̄ акилыҳтӯсяни кынлыңилңуқ уңувалъық, Кияӷныӷым акықусяқыхка̄ тӯнылъықнилюку пиниқистыминун.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.

1е Иоанна 2:25

Унаңӯқ акықусяқыхка̄ тӯнылъықнилюку хўаңкунъун, кынлыңилңуқ уңувалъық.

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.