К Евреям 9:14 - Новый Завет на эскимосском языке

¹⁴ Тама̄кут пылюңиӷияқлъыгуката югыт югусӣтның, та̄ўа Христосым а̄ўан ўата пилъықӣ. Пылюңиҳлъықӣ умьюгаси сятңунӷилңуӷның ухпықилъыӷның лъпысинун қыпҳа̄тысқылъюку уңувалӷӣ Кияӷнық. Кынлыңилңӯгныкун Таӷныӷагныкун, Христос сыӷлыҳқылъҳилңуқ, тӯныхка̄гуқ лъңаның катам Кияӷныӷмун аҳқутңулюни.

К Евреям 9:14 Iomraidhean Croise

От Матфея 12:28

Иўырңа Кияӷныӷым Таӷныӷахкынка аҳтуӷьяҳқа̄нӷилъҳакун а̄нысқӯңукума туӷныӷаӷның, та̄ўа та̄м ипапиҳқа̄ Атаныҳпагулъҳа Кияӷныӷым ка̄сима̄қ лъпысинун.

От Матфея 16:16

Симон Петырым кӣмсиқа̄: «Христосыңӯтын, Иӷныӷа уңувалӷӣм Кияӷныӷым».

От Матфея 20:28

катам таўатын Иӷныӷан Югым пилъҳатун. Тагимаңитуқ қыпҳа̄тысқылъюни иўырңа тагика̄гуқ қыпҳа̄тиналюни, тӯналюкулъю уңувалъыни навыҳқылъисиқналюку угляпихлъыҳӣнун югнун».

От Матфея 7:11

Сыӷлыӷуӷңа̄ҳпыси, авақутаси тӯньяҳқақаси пинилӷӣмың тунусямың. Атази қилягмылңуқ тӯниюгатаӷаӷлюни аюқуқ пинилӷӣмың тунусямың тама̄кунун а̄плъыҳинун лъңанун.

От Луки 1:74

Акықӣлъю югулилъықнилюта аңуямнъың, ынка̄м қыпҳа̄лъықаҳпут алиңыхпына̄мта аңуямнъың,

От Луки 12:24

Ысҳақаҳтыкиқун мытыҳлъюгыт, пӣтысиӷӣгатут, налиӷмың унатӣгатут, налиӷмың кахпагиңигатут, нақамлъю Кияӷныӷым ныҳқақӣ. Лъпыси мыгнунаӷатаӷаҳтуси қаўа̄гның!

От Луки 12:28

Кияӷныӷым а̄сиҳтуӷақӣ выга̄ӷыт пӣтфигмыхнилңӯт аӷныӷми таўани, иўырңа уна̄миңани қӣтақӣт. Кияӷныӷым а̄сиҳтӯңукаки выга̄ӷыт, лъпыси а̄сиҳтуӷатаӷаӷна̄нӷитисӣ? Ухпықилъыҳқыста̄пигӯси!

От Луки 4:18

«Атанӷым Таӷныӷакык хўаңамнитуқ, қаюҳлъяк накмикыхкақа̄ңа Пинилӷӣның Уңипаның уңипақисқылъюңа аклъюмалӷӣнун. Каяхта̄ңа анусимиңлъяӷат итымутысқылъюки, ая̄катлъю ысҳа̄сягутысқылъюки, амьюқыта̄ткысилӷӣтлъю итымутысқылъюки амьюқыта̄ткистыңитның.

От Иоанна 3:34

Та̄м Кияӷныӷым каяхтыка̄н атуқақӣ Кияӷныӷым акузитаңи, қаюҳлъяк Кияӷныӷым Таӷныӷагни тӯнңукык лъңанун ӣңуналъкиҳлъюкык.

Деяния 10:38

Лӣсимакаҳси Иисус Назаретыӷмӣ, Кияӷныӷым имиқа̄ Аглыӷналӷӣгның Таӷныӷагның, аҳтуӷьяҳқа̄нӷилъыӷмыңлъю. Навык алңунак пиныӷмини пинитун пӣқыхкаңи югыт, на̄лъҳуқуқӣлъю тама̄кут Туӷныӷа̄м а̄ҳқутақыхкӣ, қаюҳлъяк Кияӷнық Иисусымылңуқ.

Деяния 14:15

«Укуҳси югни, сяңафси таўатын пистык? Хўаңкутуңлъю югӯкуң лъпысистуңўа̄қ! Уңипақияҳтӯгукуң Пинилӷӣның Уңипаның лъпысинун, туналъюси сятңунӷилңуӷның манигуқаҳпысиның қӣвысқылъюси уңувалӷӣмун Кияӷныӷмун. Лъңан улимакақӣ қиляк, нуна, кылъӣ, сяңўа̄лъю тамаҳа̄н та̄кунилңуқ.

Деяния 15:9

Хўаңкутыстуңўа̄қ кияӷутақӣ; хўаңкутыстуңўа̄қ укмаңиӷақӣ илюңит ухпынӷата.

К Римлянам 1:20

Кияӷныӷым улиматаңаның нуна, югыт лӣгикңўа̄ӷақа̄т аҳтуӷьяҳқа̄нӷилъҳа аӷулӣӷигалңуқ, ипалъю Кияӷныӷутаңа. Қайўа югыт ысҳаҳпагниңитыӷңа̄ӷмыхтыкык та̄кук, паниның лӣсимакахкыт Кияӷныӷым улима̄ӷакун. Ынка̄м югыт апалъӣтут хўатын пилъыҳқамың, Налъюкаҳпут Кияӷнылгутаңа.

К Римлянам 1:4

Аглыӷналӷӣм Таӷныӷам лӣгикыстӣлъю Атаныҳпут Иисус Христос, Кияӷныӷым аҳтуӷьяҳқа̄нӷилңӯгуқ Иӷныӷа. Таӷныӷам ипапиҳқыхкақа̄ уңуваҳтыслъюку Иисус туқулъыӷмың.

К Римлянам 11:12

Кияӷныӷым атуқыхкақӣ сыӷлыҳқылъҳит Израилыӷмӣт тагинъалюку қуястылъыҳлъяк нунам юганун. Израилыӷмӣт ифлъӣлъҳита тагита̄т қуястылъыҳлъяк язычнигнун. Та̄хкын қамахлъютың накмикыхка̄т Израилыӷмӣт, иляскумың югуликанун, қуястылъҳыт натынми угляҳтаткалъықат!

К Римлянам 11:24

Лъпыси язычнигни аваяпикынӷитӣси пӣтысиӷақам маслинам уқфиган. Кияӷныӷым кыпыхкақӣси пӣтысиӷалъҳилңуӷмың маслинам уқфиганың. Та̄хкын ныкыхтыкақӣси пӣтысиӷақамун маслинам уқфиганун, қайўа югыт ныкыхтиңигасяӷңа̄та уқфигмун таўатылңуӷмың аваямың. Иудеит пӣтысиӷақамың маслинам уқфиганың пиңутмыхның, Кияӷныӷми пияқнӣтут ныкыхнықихсяҳқа̄люки лъңита катам уқфигитнун.

К Римлянам 6:13

Алңунак налиӷныӷи югусиҳпыси тӯныхпынаки сыӷлыҳқусӣлюки, қаюҳлъяк таўатын пикуфси тӯнылъықаси сыӷлыӷмун. Итупилъ тӯнитык Кияӷныӷмун. Туқукастун аюқсяҳтуси, иўырңа Кияӷныӷым уңуваҳтыкақӣси. Ынка̄м тӯнитыки ӣңунӣта югусиси Кияӷныӷмун лъңанун атуқысқылъюки ылъқуӷутңалъыӷмун.

К Римлянам 6:22

Иўырңа ма̄тын итымулъюси сыӷлыҳқылъыӷмың қыпҳаҳтыля̄ӷуҳтыка̄гуси Кияӷныӷмун. Ынка̄м Кияӷныӷым пылюңӣҳтысимӣси, алъхыӷутысимӣсилъю кынлыңилңуӷмың уңувалъыӷмың.

1е Коринфянам 15:45

Ынка̄м Акузитни Игақыхкани игақыхка̄гуқ: «Юксюхўа̄қ Адам уңувалӷӣңуҳтыка̄гуқ». Иўырңа киңулиқ Адам уңувалъылитикаюгӯқ таӷныӷақ, Христосыңӯқ.

2е Коринфянам 5:21

Христос сыӷлыҳқумаңитңўа̄ҳтуқ, иўырңа сыӷлыҳқылъымнъун Кияӷныӷым аӷью̄қақа̄ сыӷлыҳқыхка̄люку. Ынка̄м Христосыкун Кияӷныӷым ылъқуӷутңаңлъяқақӣлъю.

2е Коринфянам 6:16

Кияӷныңлъяқат манигуӷьяҳқа̄нӷитут Кияӷныӷым Храмыңани. Қаюҳлъяк хўаңкута Храмыкӣлъю уңувалӷӣм Кияӷныӷым, Кияӷнық пика̄лӷӣ: «Лъңитнилъықуңалъю, акулңитнилъықуңалъю; Кияӷнықылъықа̄тңа, лъңитлъю юкылъықанка».

К Галатам 2:19

Лӣлиҳтӯсятхун туқука̄гуңа Лӣлиҳтӯсянун кияҳсяҳқа̄люңа Кияӷныӷмун.

К Ефесянам 2:5

Қайўа таӷныӷапут туқуңаяӷңӣта апалъюқлъюки сыӷлыҳқылъыпут, Кияӷныӷым уңуваҳтӣлъю малигулъюта Христосымун. (Югулика̄гуси Кияӷныӷым наңлъыкылъҳакун.)

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

1е Фессалоникийцам 1:9

Тамаңани а̄пҳақа̄т упуӷатилъыҳлъяхси хўаңкунъың лъпысинитңулюта. Қӣвуманилюсилъю уңувалӷӣмун Кияӷныпигмун қыпҳа̄нъалюку, пыхлъюки кияӷныңлъяқат.

1е Тимофею 1:17

Умӣлыгмун кынлыңилңуӷмун, туқупагниңилңуӷмун, алӣнъыӷилңуӷмун, лъңина̄ Кияӷныӷӯқ; лъңа қӯлвалъыңлилъю, усюқылъыңлилъю қӯнпырухлъяк кынлыңуна̄н! Аминь.

1е Тимофею 3:15

Ынка̄м кима̄ўимакума посланияма лӣсимакыслъықа̄тын натын ухпықат кияҳсяҳқа̄таңи Кияӷныӷым ныңлъюгутаңанилңӯт. Лъңитңут ухпықистыңи уңувалӷӣм Кияӷныӷым, аӷвыӷақыта̄гут, тумыңутлъю ипапилъыӷмун.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Евреям 1:3

Иӷныӷым кӯкхутақа̄ Кияӷныӷым ниӷуҳқылъҳа, Кияӷныҳтуңўа̄қлъю аюқуқ. Сяңўа̄т қамахлъюки нагныӷастыңъўӣ таўатылъюки аҳтуӷьяҳқа̄нӷилңӯтхун акузитмикун. Иӷныӷым тӯныхкақа̄ лъми катам уңувалъыни укмаңиӷналюта тамаҳа̄ның сыӷлыҳқылъымнъың. Апыӷӣӷьямигу таўатын пилъыни, қилягми ақумыхка̄гуқ аӷынқигныӷакун Кияӷныӷым, аҳтуӷьяҳқа̄нӷитылъыҳпига̄м.

К Евреям 10:10

Иисус Христосым қа̄ткысяқминигу Кияӷныӷым пиюкылъҳа, пылюңиқақӣлъю сыӷлыҳқылъымнъың тӯнылъыӷмикун югусини ата̄сиҳаӷмың қӯнпырухлъяк.

К Евреям 10:12

Иўырңа Христосым тӯныхкақа̄ ата̄сиқ аҳқун сыӷлыҳқылъыӷнун қӯнпырухлъягмун. Та̄хкын ақумыхкақ аӷынқигныӷакун Кияӷныӷым.

К Евреям 10:2

Югыт манигӯтыстыңи Кияӷныӷым укмаңипӣгумакумың сыӷлыҳқылъыӷмыхның, сыӷлыҳқинаниӷнаяҳтут. Ынка̄м аҳтуткинаниӷнаяҳтут.

К Евреям 10:22

Тама̄кут апалъюқлъюки тугӯлътыху Кияӷнық ипапиҳқылъюта, ныӷьюкңўа̄ӷлюку. Таўатын пилъыҳқаңукут қаюҳлъяк умьюгалъюпут сивилъяхтақа̄гут Христосым а̄ўаның укмаңӣҳтысқылъюки, югусипутлъю уӷвуҳқыхка̄гут пылюңилңуҳқун мыҳқун.

К Евреям 11:21

Ухпықилъыҳқун Иаковым, туқунақңулюни қуястыкақа̄к алъякақаҳта̄хкынка иӷныӷык Иосифым. Та̄хкын қуңуҳлъюни аявӣӷмикун манигуқақа̄ Кияӷнық.

К Евреям 13:12

Тама̄кын апалъюқлъюку Иисусылъю иқитутка̄гуқ ныҳлъягмың. Таўани туқука̄гуқ, пылюңиҳсяӷналюки югыт сыӷлыҳқылъҳитның лъми катам а̄ўминың.

К Евреям 3:12

Ухпықа̄лгутымни кылыңалюси, сыӷлыӷмың сюмыҳтаӷалъыӷныңлъю, ухпынӷитылъыӷныңлъю, иқитутыстыхпынаси уңувалӷӣмың Кияӷныӷмың.

К Евреям 6:1

Ынка̄м лӣтылътыки апыҳтӯсят аңтанӣтканун ухпықанун аюқылӷӣт. Лӣтңўа̄қақаси апыҳтӯсюхўа̄қат Христосымың аюқылӷӣт ынка̄ңам лӣнъықихсяҳқақынӷитаси. Лӣтңўа̄ӷума̄си атуқсяҳқа̄фқӣта пиналюки тама̄кут туқумун аюқылӷӣт. Лӣнъықихсяҳқақынӷитаҳсилъю ухпықилъыӷмың аюқылӷӣ Кияӷныҳқун,

К Евреям 7:16

Лӣлиҳтӯсят қылӷуткақа̄т священник киңунқысяҳқақнилюку Левийемун. Атаныҳпут священнигуңуҳтыка̄нӷитуқ Лӣлиҳтӯсят писқылъҳитхун, иўырңа священнигаңуҳтыка̄гуқ аҳтуӷьяҳқа̄нӷилңуҳқун уңувалъыӷмикун кынлытҳӯсяҳқа̄нӷилңуҳқун.

К Евреям 7:27

Иисус иляңистун первосвященнигыстун аюқынӷитуқ. Аҳутаңа тамаҳа̄н первосвященнига аҳқыша̄ӷьяҳқа̄гуқ, сивуклъюни лъми сыӷлыҳқылъыӷминун, та̄хкын югыт сыӷлыҳқылъҳитнун. Иисус тӯнақңами лъми катам, аҳқуткыхка̄гуқ сыӷлыҳқылъҳитнун югыт, ата̄сиҳаӷмың.

К Евреям 9:12

Та̄хкын Христос ӣтқа̄гуқ ата̄симың қӯнпырухлъяк Аглыӷналъыҳпигаӷмун Нымун сыӷлыҳқылъымнъың итымунъалюта кынлыңуна̄н. Таўатын пика̄гуқ тӯнылъыӷмикун лъми катам а̄ўни, атуҳпынаки а̄ўит козёлытлъю, каумӷа̄тлъю.

К Евреям 9:26

қаюҳлъяк икфиқнаяҳтуқ углӣнаӷлюку има улималъҳаның нунам. Иўырңа укуни киңулиӷни аӷныӷни тагика̄гуқ ата̄симың қӯнпырухлъяк иқинъалюки сыӷлыҳқылъҳыт аҳтуткылъыӷмикун лъминың.

К Евреям 9:7

Иўырңа первосвященнигаңинаҳақ итыӷьяҳқа̄гуқ тӯңлиҳа̄нун ныңанун палаткам. Таўатын пӣқуқ ата̄сиҳаӷмың аюмиқулъыӷми. Итыныӷмини таўавык нымун ӣўлың кылъқысяҳқа̄гуқ а̄ўаның аҳқуткыхкам тыӷикусям. Тӯнӣқуқ а̄ўмың Кияӷныӷмун лъми сыӷлыҳқылъыӷминун, югытлъю сыӷлыҳқылъҳитнун. Та̄на а̄ўк сыӷлыҳқылъҳитнун пиңӯқ налъюклъютың пикӣтнун.

К Евреям 9:9

Та̄кут успута̄гут ма̄тымун. Лӣгикыстӣлъю тунусятлъю, аҳтуткыхкатлъю тыӷикусят налъҳусяҳпагниңита̄т манигӯтистым сюмыӷныӷа.

1е Петра 1:19

иўырңа тукфиқақӣси мыгнунапихлъыҳӣмың а̄ўаның Христосым. Лъңа пынъӣӷаӷаҳтун аюқуқ сялъхўа̄ҳӣлңуқ.

1е Петра 2:22

Лъңа сыӷлыҳқигатуқ, иқлъыңиқигатуқ.

1е Петра 2:24

Христосым лъминың катам агля̄ткақӣ сыӷлыҳқылъыпут югусиӷмиклъюки қақӯрамун. Таўатын пика̄гуқ туқумасқылъюта сыӷлыҳқылъыӷмун уңувасқылъюта ылъқуӷутңалъыӷмун. Кӣтиқулъҳакун на̄лъҳутка̄гуси.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Петра 4:2

Ынка̄м хўакын кынлыклъюку уңувалъыҳпыси тахталңатун малиҳқутақыхпынаси югусиҳпыси пиюкылъҳанун, иўырңа атуқитыху Кияӷныӷым пиюкылъҳа.

1е Иоанна 1:7

Иўырңа ниӷугми кияҳтыкумта лъңан ниӷугмытылъҳатун та̄ўа илятңа̄кут илямнъун, а̄ўанлъю Иисусым, Кияӷныӷым Иӷныӷан, укмаңӣўӣлъю тамаҳа̄ның сыӷлыҳқылъымнъың.

1е Иоанна 3:5

Лӣсимакаҳси Христос алъхықа̄гуқ иқинъалюки сыӷлыҳқылъыпут, лъңа сыӷлыҳқылъҳитуқ.