К Евреям 8:6 - Новый Завет на эскимосском языке

⁶ Кияӷныӷым Иисус қыпҳақалиткақа̄ священнигаңулюку. Қыпҳақа̄ мыгнунаӷатаӷаҳтуқ Левитат священнигыт қыпҳалъҳитның. Таўатыҳпигақ акықусяӷраӷақ пиниӷатаӷалӷӣңӯқ акықусялюгмың қаюҳлъяк та̄хун Иисусым илялӣӷутыстыкақӣ Кияӷнықлъю, югытлъю. Пиниӷатаӷаҳтуқ қаюҳлъяк тунымӣтңа̄қ акықусятхун пиниӷатаӷалӷӣтхун.

К Евреям 8:6 Iomraidhean Croise

От Луки 22:20

Ныныӷмың та̄қсямың таўатыҳпигақ тӯныхкӣ қаю̄симылңуӷмың виномың, хўатын пимӣта: «Уна қаю̄сиқ Кияӷныӷым нутаӷа̄гуқ акықуся̄ а̄мкун, кӯвылӷӣ лъпыси апалъюқлъюси.

К Римлянам 9:4

Юлгутынка Израилым киңунқӣ, Кияӷныӷым алъюҳқикақӣ лъңанун авақута̄люки. Алӣҳтыкақа̄ ниӷуҳқылъыни лъңитнун. Акықӯқақӣ сялъыҳқаминың лъңитнун. Тӯныхкақӣ Лӣлиҳтӯсяминың. Апыҳтуқақӣ лъңанун манигӯтылъыҳқамың ылъқуӷулъюки. Акықӯқақӣлъю қуяслъықнилюки қа̄ткыхкаңатни.

К Ефесянам 2:12

Нықамиклъюку тама̄ни пилъыӷни налъюксяӷаҳси Христос кинаңутаңа. Нуната̄яҳтуси Израилыӷмӣнун ынка̄м илятылъҳисяҳтуси Кияӷныӷым акықусяқыхка̄нун лъңитнун. Нунами хўани кияҳтыңъуяҳтуси сиӷималъңунасилъю, Кияӷныңунасилъю.

1е Тимофею 2:5

Та̄ўа ата̄сӣна̄гуқ Кияӷнық, ата̄сӣна̄гуқлъю илялӣӷутиста Кияӷныӷмунлъю, югнунлъю. Та̄наңӯқ ю̄к Христос Иисус.

К Титу 1:2

Та̄хкын ата̄симың ипапилъыӷмың сиӷималъылгӯкут кынлыңилңуӷмың уңувалъыӷмың. Иқлъыңиқигатңўа̄ӷым Кияӷныӷым акықусяқыхкақа̄ та̄на уңувалъық има аюмирухлъяха̄ның.

К Евреям 12:24

Тагика̄гуси Иисусымун, лъңакун Кияӷнық акықусяӷраӷаңлъяқа̄гуқ. Тагика̄гусилъю сивилъяхта̄ткамун а̄ўанун Иисусым. Пиниӷатаӷаҳтуқ Авелым а̄ўаның, қаюҳлъяк Кияӷныӷым сыӷывутӣ сыӷлыҳқылъҳыт Иисусым а̄ўакун.

К Евреям 7:22

Тама̄кын апалъюқлъюку Иисусыңӯқ ипапиҳқылъық Кияӷныӷым акықусяни пипыста̄ҳлъықа̄. Та̄на акықусяқ пиниӷатаӷаҳтуқ акықусяқыхкаминың Моисейкун.

2е Петра 1:4

Аҳтуӷьяҳқа̄нӷилъыӷмикун, Иисусым тӯныхкақӣлъю акықусяминың мыгнунапихлъыҳӣныңлъю, пивагнапихлъыҳӣныңлъю. Тама̄гун акықусятхун Кияӷныӷым илятыслъықӣси наңаӷныӷминун. Та̄хкын анагьяқлъыгуҳлъықаси сыӷлыӷым пиюкылъҳи нунамылңӯт на̄фқӣяқлъыгыт лъпысиның.