К Евреям 8:13 - Новый Завет на эскимосском языке

¹³ Кияӷныӷым акузиткақңамигу акықусяӷраӷақ, сивулиқ акықусяқ атӯнаниҳтыстыкақа̄. Ынка̄м сяңўа̄ алңунак атӯнаниӷлюни аӷьюӷлюни мулюхпынани авӣӷулъықуқ.

К Евреям 8:13 Iomraidhean Croise

От Матфея 24:35

Қилягалъю, нуналъю авӣӷусяҳқа̄гук, иўырңа хўаңа акузитынка авӣӷунъа̄нӷитут».

От Луки 22:20

Ныныӷмың та̄қсямың таўатыҳпигақ тӯныхкӣ қаю̄симылңуӷмың виномың, хўатын пимӣта: «Уна қаю̄сиқ Кияӷныӷым нутаӷа̄гуқ акықуся̄ а̄мкун, кӯвылӷӣ лъпыси апалъюқлъюси.

1е Коринфянам 13:8

Пиниқылъық кынлыңилңуқ. Ӯкналиқылъҳыт кынлытҳӯсяҳқа̄гут; алъястун акузилъҳыт та̄қсяҳқа̄гут; лӣсималъық кынлытҳӯсяҳқа̄гуқ.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 5:17

Кина алңунак Христосым пилӣнъыӷминигу нутаӷаҳлъюгуҳтақуқ. Кияҳта̄лъылъюга авӣӷутақуқ, иўырңа нутаӷаҳлъюк кияҳта̄лъҳа пӣнлиӷақуқ.

К Евреям 1:11

Қамахлъютың авӣӷусяҳқа̄гут, иўырңа лъпык кияҳсяҳқа̄гутын. Аӷьюӷьяҳқа̄гут а̄ткастун.

К Евреям 12:24

Тагика̄гуси Иисусымун, лъңакун Кияӷнық акықусяӷраӷаңлъяқа̄гуқ. Тагика̄гусилъю сивилъяхта̄ткамун а̄ўанун Иисусым. Пиниӷатаӷаҳтуқ Авелым а̄ўаның, қаюҳлъяк Кияӷныӷым сыӷывутӣ сыӷлыҳқылъҳыт Иисусым а̄ўакун.

К Евреям 7:22

Тама̄кын апалъюқлъюку Иисусыңӯқ ипапиҳқылъық Кияӷныӷым акықусяни пипыста̄ҳлъықа̄. Та̄на акықусяқ пиниӷатаӷаҳтуқ акықусяқыхкаминың Моисейкун.

К Евреям 8:6

Кияӷныӷым Иисус қыпҳақалиткақа̄ священнигаңулюку. Қыпҳақа̄ мыгнунаӷатаӷаҳтуқ Левитат священнигыт қыпҳалъҳитның. Таўатыҳпигақ акықусяӷраӷақ пиниӷатаӷалӷӣңӯқ акықусялюгмың қаюҳлъяк та̄хун Иисусым илялӣӷутыстыкақӣ Кияӷнықлъю, югытлъю. Пиниӷатаӷаҳтуқ қаюҳлъяк тунымӣтңа̄қ акықусятхун пиниӷатаӷалӷӣтхун.

К Евреям 8:8

Иўырңа Кияӷныӷым афкуялгуникақӣ юни хўатын пӣқңами: «Аӷныӷыт ка̄лъықут, пӣқ Атанық, акықусяӷраӷақ пилъықақа Израилыӷмӣнунлъю, Иудаӷмӣнунлъю.

К Евреям 9:15

Ынка̄м Христосым тагиткақа̄ Кияӷныӷым акықусяӷраӷа̄ югнун туқлъюқа̄нун. Христос таўатын пика̄гуқ лъңитнун алъхыҳтысқылъюку кынлыңилңуқ пагитақ Кияӷныӷым акықусяқыхка̄ лъңитнун. Алъхыҳлъықӣт пагитат қаюҳлъяк Христосым туқуматкыхкақыхкаңи. Ынка̄м югыт кияҳтыкат акықусяқсюхўа̄ӷми, итымума̄т сыӷлыҳқылъыӷмыхның.