К Евреям 7:25 - Новый Завет на эскимосском языке

²⁵ Тама̄кын апалъюқлъюку Иисусым ӣўлың югулияқлъыгўӣ Кияӷныӷмун аглялӷӣт лъмикун, қаюҳлъяк қӯнпың уңуваңӯқ манигӯтунъалюки тама̄кут Кияӷныӷмун.

К Евреям 7:25 Iomraidhean Croise

От Иоанна 14:13

А̄птыкуфси сямың алңунак Атымкун лыган пилъықақа, Атам а̄ңылъыҳлъяга кылгутысқылъюку Иӷныӷакун.

От Иоанна 14:16

А̄плъықақа Ата тӯнысқылъюси алъяның Каюткаҳқамың, ынка̄м тӯнылъықӣси Каюткаҳқамың лъпысинисяҳқамың қӯнпырухлъяк.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

К Римлянам 5:10

Хўаңкута Кияӷныӷым аңуяксяӷӣнкутлъю, иўырңа илялӣқақӣнкутлъю туқулъҳакун Иӷныӷми. Ма̄тын Кияӷныӷым илякумта̄қӣлъю, ынка̄м налъюнықнӣӷатаӷаӷаҳпут югулилъыңылъықукут Христосым уңувалъҳакун!

К Римлянам 5:2

Апалъюқлъюку ухпықилъыҳпут Иисусым кияҳтыстӣлъю Кияӷныӷым пиниқылъҳани. Ынка̄м қуяҳлъягӯкут қаюҳлъяк лӣсимакңўа̄ӷаҳпут Кияӷныӷым ныңиҳтыслъықӣлъю ниӷуҳқылъыӷминың.

К Римлянам 8:34

Кинаңам пилъықа̄ Кияӷныӷым юги нанқихсяҳқа̄нилюки аӷью̄ӷьяҳқа̄лютың? Христос Иисусым пилъықагӯ? Нака̄, қаюҳлъяк лъңаңӯқ туқуматкикақ хўаңкунъун, уңуваҳтыка̄гуқлъю туқулъыӷмың. Ма̄тын юӷа̄ткақӣлъю ақумлюни аӷынқигныӷани Кияӷныӷым.

1е Коринфянам 1:21

Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.

К Ефесянам 2:18

Ынка̄м Христосыкун Иудеянилъю, язычнигнилъю тагияқлъыгуҳтукут Атамун ата̄сикун Таӷныӷакун.

К Ефесянам 3:12

Ухпықилъымтыхун Христосыкун агляӷьяҳқа̄ҳсима̄кут Кияӷныӷмун тытулъңуна̄мталъю, алиңылъңуна̄мталъю.

К Ефесянам 3:20

Кияӷныӷым аҳтуӷьяҳқа̄нӷилъҳакун қыпҳалӷӣкут илюмнъи, лъңан пияқлъыгўа̄ қа̄йӷулъюку сяңўа̄ алңунак а̄птыкаҳпут налиӷмың сюмыҳтаӷа̄ткыхкаҳпут.

К Филиппийцам 3:21

Тагикуми алъяңуҳсяҳқақӣ кая̄лңӯт, туқумун аюқылӷӣт югусипут. Уңуваҳтыкатун югусимитун лъӣҳсяҳқақӣ аҳтуӷьяҳқа̄нӷилъыӷмикун. Та̄хун ата̄сикун аҳтуӷьяҳқа̄нӷилъыҳқун иглыӷусяҳқа̄ҳлъықа̄ сяңўа̄ қамахтыңъўа̄ӷлюку.

1е Тимофею 2:5

Та̄ўа ата̄сӣна̄гуқ Кияӷнық, ата̄сӣна̄гуқлъю илялӣӷутиста Кияӷныӷмунлъю, югнунлъю. Та̄наңӯқ ю̄к Христос Иисус.

2е Тимофею 1:12

Та̄кут апалъюқлъюки икфиқңӯңа. Иўырңа кайңуюнӷитуңа қаюҳлъяк лӣсимакақа кинаңутаңа ухпықыхкақа̄. Лӣсимакңўа̄ӷақа лъңан кылыңаксяқлъыгўа̄ сяңўа̄ ныӷьюкуткақа лъңанун кынляңа киңулиӷмун Аӷныӷмун.

К Евреям 11:6

Ухпықилъңунани китум алңунак ыфқуҳтыпагниңита̄ Кияӷнық. Кина алңунак тагиюкуми Кияӷныӷмун ухпықыпыста̄ӷьяҳқақа̄ Кияӷнылгунилюку, акилыҳтуӷьяҳқақӣлъю иваӷипӣлӷӣт лъңаның.

К Евреям 13:15

Иисусыкун ӣўлың аҳтуткилъта Кияӷныӷмун. Аҳтутыпут усюқилъқапут апынымтыху Иисус Атанӷунилюку.

К Евреям 2:18

Иисус икфиқыхка̄тминыңлъю, нанӷӣқулъыңыхка̄тминыңлъю, каюсиӷьяқлъыгўӣ тама̄кут нанӷӣқулъыңылӷӣт.

К Евреям 2:9

Иўырңа ысҳаӷаҳпут Иисус! Кияӷныӷым натыңӣҳақ укаваҳтыстыкақсяӷа̄ яқулыгның. Ма̄тын ысҳаӷаҳпут қаҳпалюни ниӷуҳқылъыӷмыңлъю, қӯлвалъыӷмыңлъю қаюҳлъяк икфиқлъюни туқука̄гуқ. Кияӷныӷым пиниқылъҳа апалъюқлъюку, Иисус туқука̄гуқ тамаҳа̄нун.

К Евреям 5:7

Кияӷнық аҳтуӷьяҳқа̄нӷилъылгӯқ югулияҳқа̄люку Иисус туқулъыӷмың. Ынка̄м Иисус нунамытңулюни, игляхтулюни қунитӯмаӷми юӷақа̄лӷӣлъю, туңсиқа̄лӷӣлъю Кияӷныӷмун югулисқылъюни туқулъыӷмың. Кияӷныӷым нагаткақӣ юӷалъҳи, қаюҳлъяк қусывыхлъюни қа̄ткыхка̄ Кияӷныӷым пиюкылъҳа.

К Евреям 7:16

Лӣлиҳтӯсят қылӷуткақа̄т священник киңунқысяҳқақнилюку Левийемун. Атаныҳпут священнигуңуҳтыка̄нӷитуқ Лӣлиҳтӯсят писқылъҳитхун, иўырңа священнигаңуҳтыка̄гуқ аҳтуӷьяҳқа̄нӷилңуҳқун уңувалъыӷмикун кынлытҳӯсяҳқа̄нӷилңуҳқун.

К Евреям 7:19

Лӣлиҳтӯсят кина алңунак пистысимаңита̄ Кияӷныӷым пиюкылъҳатун. Ынка̄м Кияӷныӷым тӯнумилъю пиниӷатаӷалӷӣмың сиӷималъыӷмың. Та̄хун сиӷималъыҳқун агляӷьяҳқа̄ҳтукут Кияӷныӷмун.

К Евреям 7:24

Иўырңа Иисус священнигуңӯқ қӯнпырухлъяк қаюҳлъяк уңувалъықуқ қӯнпың.

К Евреям 7:8

Священнигыт югӯт туқукаюгыт нақамлъю алъхыӷутка̄гут қуляҳқылъыӷмың. Мелхиседеклъю алъхыӷутка̄гуқ қуляҳқылъыӷмың, иўырңа кияҳтыңъӯқ, Акузитыт Игақыхкат апылъҳистун.

К Евреям 9:24

Христос ӣтҳумаңитуқ Аглыӷналъыҳпигаӷмун Нымун югыт улима̄ӷитнун. Та̄на ипапихтун қилягмылңуҳтун аюқуқ. Йыӷлыги қилягмун ӣтқа̄гуқ ынка̄м ма̄тын Кияӷныӷмытуқ Первосвященнигаңулюни хўаңкунъун.

От Иуды 1:24

Кияӷныӷым кылыңаксяҳқақӣси сыӷлыҳқылъыҳқаҳпысиның, сыӷлыҳқылъҳӣтысяҳқақӣсилъю. Ынка̄м қуяҳлъяхлъықуси ныкывыхкуфси сивуңакун ниӷуҳқылъҳан.