К Евреям 7:18 - Новый Завет на эскимосском языке

¹⁸ Тама̄кын апалъюқлъюку Кияӷныӷым симиқақа̄ Лӣлиҳтӯсяқ священнигның аюқылӷӣ қаюҳлъяк кая̄лңуқлъю, атӯнӷилңуқлъю.

К Евреям 7:18 Iomraidhean Croise

Деяния 13:39

Қа̄ткутылъҳым Моисейем Лӣлиҳтӯсӣтхун кина алңунак итымунъа̄нӷита̄ сыӷлыҳқылъҳаның, иўырңа китум алңунак ухпықыхкумигу Иисус, итымусяҳқа̄гуқ тамаҳа̄ның сыӷлыҳқылъыӷминың.

К Римлянам 3:31

Лӣлиҳтӯся̄т сятңунаниҳқыстыкӣ ухпықилъымтыхун? Нака̄! Йыӷлыгилъю! Ухпықилъымта қа̄ткысюхтыстақӣ Лӣлиҳтӯсят қылӷуткӣт.

К Римлянам 8:3

Моисейем Лӣлиҳтӯсӣ таўатын пипагниңитут қаюҳлъяк югусимта пиюкылъҳита кая̄лыҳқыхкақӣ Лӣлиҳтӯсят. Иўырңа Кияӷныӷым пикақа̄ Лӣлиҳтӯсят пипагниңитка̄т. Каяхтыкақа̄ лъми катам Иӷныни нунамун сыӷлыҳқумалӷӣтун юхтун аюқлъюку. Тӯныхкақа̄ Иӷныни аҳқутңулюку сыӷлыҳқылъымнъун. Таўатын нанқихтыкақа̄ сыӷлыҳқылъық югусимылъюку,

К Галатам 3:15

Ухпықа̄лгутымни, уңипа̄таҳлъямси успутаҳқамың аҳутаңа тамаҳа̄н пӣқылӷӣның: югык акықускумык сямың, игақлъюку игакун, атытыңлъю игақлъюкык, китум алңунак аӷулӣҳсяҳқақынӷита̄ акықутутылъҳак налиӷмың иляяҳқақынӷита̄.

К Галатам 3:17

Та̄на лӣгикысюгақсяӷақа: Кияӷнық акықусяңлъяқа̄гуқ Авраамымун ынка̄м акықусяни пинақникақа̄. 430 аюмиқулъҳыт киңуңитның акықилъыӷми, Кияӷныӷым тӯныхкӣ Лӣлиҳтӯсят. Та̄кут Лӣлиҳтӯсят та̄на акықусяқ сятңунаниҳқынъа̄нӷита̄ налиӷмың на̄фқынъа̄нӷита̄.

К Галатам 3:21

Лӣлиҳтӯся̄т тыңвимун аюқаткӣ Кияӷныӷым акықусӣ? Нака̄, йыӷлыгилъю! Лӣлиҳтӯсям уңувалъыңысяҳқақсяқумикут, та̄ўа Кияӷныӷым налъҳусяӷнаяӷӣлъю ылъқуӷутңалъыӷминун та̄хун Лӣлиҳтӯсякун.

К Галатам 4:21

Лъпыси атуқиюлӷӣни Иудеит Лӣлиҳтӯсӣтның, талўа лӣгикигатаси Лӣлиҳтӯсят сямың писӣтаңи.

К Галатам 4:9

Иўырңа ма̄тын лӣсимакаҳси Кияӷнық, налиӷмың ипапыста̄қ Кияӷныӷӯқ лӣсимакистызи. Сяңафсиңам утыҳсюгыстык кая̄лңуӷнун сясӣнӷилңуӷнун иглыӷутилӷӣнун туӷныӷаӷнун? Сяңан тама̄кунун қыпҳаҳтыля̄ӷуҳнықихсюгыстык?

1е Тимофею 4:8

Югусим уляпылъҳа пиниҳтуқ, иўырңа кияҳтылъыҳпут Кияӷныӷым пиюкылъҳатун аюқылӷӣ пиниӷатаӷаҳтуқ. Каюсӣсяҳқақӣлъю хўани уңувалъымнъи, тӯңлиҳа̄нилъю уңувалъҳым.

К Евреям 13:9

Иқитутыстыхпынаси ипапилъыӷмың алъя̄ҳӣнаӷнунлъю, алъяка̄ягнунлъю апыҳтӯсянун. Наңлъыхталъҳакун Кияӷныӷым айыпсюгиҳсяҳтыки илюси, нака̄н қа̄ткылъюки Лӣлиҳтӯсят нықның аюқылӷӣт. Та̄кут нықыт Лӣлиҳтӯсӣт қа̄ткыхкуфсики айыпсюгиҳсяӷна̄нӷитӣт илюси.

К Евреям 7:19

Лӣлиҳтӯсят кина алңунак пистысимаңита̄ Кияӷныӷым пиюкылъҳатун. Ынка̄м Кияӷныӷым тӯнумилъю пиниӷатаӷалӷӣмың сиӷималъыӷмың. Та̄хун сиӷималъыҳқун агляӷьяҳқа̄ҳтукут Кияӷныӷмун.