К Евреям 6:8 - Новый Завет на эскимосском языке

⁸ Иўырңа нуна пӣтыстимакуми сикуҳлъюгныңлъю, плевелыныңлъю сятңунӷитуқ. Якуӷна̄нитуқ Кияӷныӷым сыӷлыӷунилъыҳқа̄ның, ынка̄м паныҳсяҳқа̄гуқ.

К Евреям 6:8 Iomraidhean Croise

От Матфея 25:41

Та̄хкын Умӣлгым сяӷумигныӷминилңӯт пилъықӣ: “Лъпысиңӯт Кияӷныӷым аӷью̄ӷьяҳқӣ. Аўӣтык хўаңамның, агляҳтык кынлыңилңӯгнун кынӷыгнун Кияӷныӷым ята̄ҳқыхка̄нун Туӷныӷаӷмунлъю, яқулганунлъю!

От Матфея 3:10

Хўа̄ ма̄тын қалъқалимаяқлъыхӣнаҳлъютың аюқут уқфигыт акўӣтхун. Қамахлъютың уқфигыт пинилӷӣмың пӣтыстинӷилңӯт кыплъюки, кынӷыгнун милю̄сяҳқа̄гут.

От Матфея 7:19

Ынка̄м алңунак уқфик пӣтыстинӷилңуқ пинилӷӣмың кыплъюни кумаҳсяҳқа̄гуқ.

От Марка 11:14

Иисусым уқфик пика̄: «Алъямыңлъю китум алңунак смокватуӷвикна̄нӷита̄тын!» Малихся̄ҳтыңита нагатка̄т.

От Марка 11:21

Петырым ысҳаӷлюку нықа̄тка̄ Иисусым пилъҳа. Ынка̄м пика̄: «Апыҳтуӷиста, ӣи, смоквам уқфига иныҳтыңъўа̄қан палиӷўа̄ӷума̄қ».

От Иоанна 15:6

Кина алңунак хўаңамнинъыӷилъкуми аваястун аюқуқ ыхлъюни палиқақ. Таўатылңӯт аваят қырңуҳлъюки паныҳтақӣт.

К Евреям 10:27

Тама̄кут таўатын пилӷӣт алиңрӯӷмың утақӣлъықут Кияӷныӷым нанқихтилъҳаның. Атуқылъықа̄к угуқнаҳлъягык кынӷык на̄фқынъалюки тама̄кут кипулъхина̄лӷӣт лъңаның.

К Евреям 12:17

Лӣсимакаҳси та̄м киңуңаның, алъхыҳсюгақңамигу атами қуястылъҳа, атаңан иҳсякыхкақа̄. Исавым алъяңуҳтыпагниңиткақа̄ апыӷӣқани, қайўа қунитӯмаӷми туңсиӷңа̄ӷмигу атами қуястилъҳа.

Откровение 20:15

Китум алңунак а̄тҳа игақумаңилңуқ Ига̄ни Уңувалъҳым, милю̄сима̄т на̄йвам кынӷанун.