К Евреям 6:2 - Новый Завет на эскимосском языке

² крестиӷылъыӷның, ӣхтилъыӷның, уңуваҳтилъыӷның туқуканың, Кияӷныӷымлъю нанқихтилъыҳқа̄ның югның аӷью̄ӷьяҳқа̄люки кынлыңуна̄н.

К Евреям 6:2 Iomraidhean Croise

От Матфея 28:19

Тама̄кын апалъюқлъюку аӷуляқлъюси қамахлъюки югыт малихся̄ҳтыңлъяҳтыки хўаңамнун, крестиӷаляҳтыки А̄тҳакун Атам, Иӷныӷым, Аглыӷналӷӣмлъю Таӷныӷам.

От Матфея 3:14

Иўырңа Иоанным акузинъақуткыхкақсяқаңа хўатын: «Хўаңа лъпык крестиӷьяҳқақсяӷаҳпыңа. Сяңавык хўаңамнун тагизин?»

От Марка 16:16

Кина алңунак ухпықилӷӣлъю, крестилӷӣлъю югулилъыңьяҳқа̄гуқ. Иўырңа кина алңунак ухпықинӷилңуқ аӷью̄лъыңьяҳқа̄гуқ сыӷлыҳқылъыӷминун.

От Марка 7:4

Талўа акилъпыгаӷвигмың тагиныӷмыхни ныӷигалңӯт ўытку сивуклъютын укмаңиҳсяӷўа̄ӷақылӷӣт. Иляңилъю сивуныӷмың апыҳтӯсялӷутаңит атуқңукаңит. Атуқфагилгамыхтики қаю̄ситың, сягнытың, сӣлют га̄ӷуситың сяңиҳқуӷўа̄ӷақыхкаңит.)

От Марка 7:8

Ынка̄м лъпыси Кияӷныӷым Лӣлиҳтӯсӣ пакиглюки қа̄ткақаси югыт апыҳтӯсӣт».

От Луки 11:38

Фарисейем ысҳаӷлюку сяӷӣӷаягутка̄ ӯҳтунӷилңуқ ныӷылъыҳқами сивуңани.

От Луки 12:50

Иўырңа та̄м сивуңани крестиӷьяҳқа̄гуңа икфиқылъыҳқунлъю, туқулъыҳқунлъю. Ынка̄м сыӷлылӣҳлъягӯңа кынляңа крестилъыӷма апыӷӣлъҳанун.

От Луки 14:14

Ынка̄м қуястылъыңылъықутын қаюҳлъяк тама̄кут акитыпагниңита̄тын. Кияӷныӷым акилыҳтуҳлъықа̄тын уңуваҳтыкумики қа̄ткутңалӷӣт югыт».

От Луки 3:16

Ынка̄м Иоанным пикӣ: «Тагияҳқақ та̄на аҳтуӷьяҳқа̄нӷитыҳлъяхтуқ хўаңамның, ынка̄м хўаңа пининӷитңўа̄ҳтуңа итымсяҳқа̄люки сиңӣ. Крестиӷӣқуңа мыҳқун, иўырңа лъңан крестиӷылъықӣси Аглыӷналӷӣгның Таӷныӷагның, кыныӷмыңлъю.

От Иоанна 5:29

а̄нлыӷа̄сяҳқа̄гут лъивыӷмыхның. Тама̄кут пинитун пикат уңуваҳтысяҳқа̄гут уңувалъыӷмун. Иўырңа тама̄кут сыӷлытун пикат уңуваҳтысяҳқа̄гут нанқихтылъыӷмун аӷью̄ӷьяҳқа̄лютың».

Деяния 10:47

«Укут югыт алъхыӷутут Аглыӷналӷӣгның Таӷныӷагның хўаңкутыҳпигаӷыстун. Китумңам крестиӷиснаниӷнақаки мыҳқун?»

Деяния 13:3

Та̄қсямың посталъыӷмыңлъю, юӷалъыӷмыңлъю ся̄флъюкык юӷа̄ткылъюкык аӷуляқыстыкахкыт.

Деяния 16:15

Қамахлъютың ныңлъюгуткулъҳӣт крестиӷьямың Лидиям ақылъқаңлъяӷӣлъю: «Сюмыҳпысини ипапик ухпыӷумакума Атаныҳқун, хўаңкунъитаҳнаянӷыстык?» Ынка̄м сягиқусинкут лъңитнитукут.

Деяния 16:33

Таўани унугми анусимиңлъяӷвигым умӣлган уӷвуҳтықӣ та̄кук югык анагулылъҳыхкынка кӣңит. Та̄хкын ныңлъюгуткулъҳӣт крестиӷъяңина̄маӷмың пикат.

Деяния 17:18

Иляңита апыҳтуӷистыңита Эпикурейскийетлъю, Стоикытлъю такулюку Павел а̄ҳтӣра̄қа̄т. Иляңита илятың а̄птыкӣт: «Уна акузивалъюҳлъяк сямың пӣқа?» Тама̄кут иляңита пика̄т: «Лъяңақа накумӣт кияӷныӷит акузиткақӣ». Таўатын пикат қаюҳлъяк Павелым уңипақңукаңа Иисус, уңувалъҳалъю туқулъыӷмың.

Деяния 2:38

Петырым кӣмсиқӣ: «Авутыҳқылъюси, сыӷлыҳқынъаниӷлюси қӣвитык Кияӷныӷмун, крестиӷытыклъю А̄тҳакун Иисус Христосым, сыӷлыҳқылъыси сыӷывутылъыңысқылъюки, ынка̄м Кияӷныӷым тунусякык Аглыӷналӷӣк Таӷныӷак алъхыҳтыкык.

Деяния 2:41

Та̄хкын ухпықилӷӣт уңипа̄мың крестиқат. Ынка̄м таўани аӷныӷми 3,000 ю̄к иляткақ ухпықанун.

Деяния 23:6

Павелым лӣгиклъюки иляңи Саддукеиңутаңи, иляңи Фарисеиңутаңи игляхтулюни пикӣ: «Иудейелгутымни, Фарисейеңӯңа, сивунӷынкалъю Фарисеиңӯт. Хўа̄ нанқихнақаҳпысиңа қаюҳлъяк ухпықыхкынка туқукат уңуваҳсяҳқа̄таңи».

Деяния 24:15

Анахунъистымтунлъю ухпықақа Кияӷныӷым уңуваҳтысяҳқақӣ қамахтыңъўа̄ӷлюки туқукат пиниӷьяӷңа̄та, сыӷлыӷуяӷңа̄та.

Деяния 24:21

Ынтақун лъңитни сыӷлыӷӯқ хўатын пӣқңамки: “Нанқихтаҳпысиңа қаюҳлъяк ухпықыхкынка туқукат уңуваӷьяҳқа̄нилюки”».

Деяния 24:25

Павелым акузиткысяки укут: пинитун кияҳта̄лъық, нуқынъыҳтулъық, Кияӷныӷымлъю нанқихтилъыҳқа̄ тамаҳа̄нун. Правитель Феликсым алиңлюни пика̄: «А̄нылӷа̄тынңам, алъя ақфаслъықамкын пилъыҳқаңыхкума».

Деяния 26:8

Сяңафси сюмыҳтаӷаӷақыстык Кияӷнық уңуваҳтипагниңинъилюку туқуканың?

Деяния 4:2

Пиюкумаңилъкаңат апостолык апыҳтӯся̄т югнун Иисус уңувақа̄нилюку туқулъыӷмың, та̄м ипапиҳқыхкаңа туқукат уңуваӷьяҳқа̄нилюки уңувалъыӷмун.

Деяния 6:6

Та̄кут югыт тагиткӣт апостолытун юӷа̄ткысқылъюки, на̄сқўитхун ся̄флъюки юӷа̄ткыхкӣт.

К Римлянам 2:16

Нанқихтилъҳым Аӷныӷани, Кияӷныӷым нанқихлъықӣ югыт аксяқыхкӣт Христос Иисусыкун. А̄пҳақақа та̄на уңипақнымки Пинилӷӣт Уңипат.

1е Коринфянам 10:2

Қамахлъютың крестиӷқа̄лӷӣт қиляўа̄ҳқунлъю, Кавилңуҳқунлъю Кылъӣкун малихся̄ҳтыңулютың Моисейемун.

1е Коринфянам 12:13

Қамахлъюки ухпықат налиӷнықуӷӣ Христосым югусӣн. Иляпут Иудеяңӯт, иляңи язычнигыт, иляңи қыпҳаҳтыля̄ӷыт, иляңи қыпҳаҳтыля̄ӷунӷитут. Иўырңа қамахлъюта крестиӷыка̄гукут та̄хун ата̄сикун Аглыӷналӷӣгныкун Таӷныӷагныкун, Христосымун югусилӣтысқылъюта. Қамахлъюта тугуклъиқақахпут ата̄сик Таӷныӷак.

2е Коринфянам 5:10

Қамахлъюта ныкывыпыста̄ӷьяҳқа̄гукут Христосым сивуңакун нанқихтысқылъюта. Ата̄сикаҳта̄мта алъхыӷулъықукут пинилӷӣмың налиӷмың сыӷлыӷмың апыӷӣӷутылъымтыстун югусимтыхун.

К Филиппийцам 3:21

Тагикуми алъяңуҳсяҳқақӣ кая̄лңӯт, туқумун аюқылӷӣт югусипут. Уңуваҳтыкатун югусимитун лъӣҳсяҳқақӣ аҳтуӷьяҳқа̄нӷилъыӷмикун. Та̄хун ата̄сикун аҳтуӷьяҳқа̄нӷилъыҳқун иглыӷусяҳқа̄ҳлъықа̄ сяңўа̄ қамахтыңъўа̄ӷлюку.

К Колоссянам 2:12

Крестиӷақңафси қуңӯтка̄гуси Христосыкун. Та̄хкын макытка̄гуси уңувалъыӷмун Христосыкун қаюҳлъяк ухпықыхкыси Кияӷныӷым аҳтуӷьяҳқа̄нӷилъҳа. Кияӷныӷым макыткақа̄ Христос туқумың.

2е Тимофею 2:18

Пыхтыкақӣк апыҳтӯсяпигыт қаюҳлъяк пӣқук сӣңынлъю туқукат уңуваҳтысиманилюки. Ынка̄м иляңитнун ухпықнаниҳтыстыкақа̄к ипапилъық.

К Евреям 11:35

Ухпықилъыҳқун аӷнат туқумастӣтың выҳтақӣт туқулъыӷмың Кияӷныӷым уңуваҳныӷаки. Иляңи ынңа̄талъ икфиқыстыҳлъягақӣт пыхтысқылъюку ухпықилъҳат. Иўырңа туқуналютың пӣқут Кияӷныӷмун уңуваҳтысқылъютың пиниӷатаӷалӷимун уңувалъыӷмун.

К Евреям 9:10

Тама̄кут тунусятлъю, аҳтутытлъю атуқыхка̄гут қа̄ткысяҳқа̄люки қылӷусят нықныңлъю, мыӷьяҳқаныңлъю, пылюңиҳсялъыҳқаныңлъю югусӣтның аюқылӷӣт. Тама̄кут қылӷусят югусиҳӣнаӷмун аюқут. Қа̄ткысяҳқа̄гут кынляңа Кияӷныӷым акықусяӷраӷа̄ атӯҳтылъҳанун.

2е Петра 3:7

Иўырңа та̄хун акузиткун Кияӷныӷым афлъыңакақӣ қилягалъю, нуналъю на̄фқысяҳқа̄люки кыныҳқун. Афлъыңакңӯт кынляңа аӷныӷанун нанқихтилъҳым. Таўанилъю аӷныӷми на̄фқылъықӣ югыт авылӷасиңўа̄ӷикат лъңаның.