К Евреям 6:19 - Новый Завет на эскимосском языке

¹⁹ Та̄на сиӷималъық уйӷӣтңӯқ уңувасимнъун, пақнанӣӷутыстӣлъюлъю, айыпсюгитыстӣлъюлъю. Та̄на сиӷималъық итыҳтуқ аглыӷналъыҳпигаӷмун нымун сяфка̄ӷутым аўатаңанилңуӷмун.

К Евреям 6:19 Iomraidhean Croise

От Матфея 27:51

Таўани пилъыӷми Храмымылңуқ сяфка̄ӷун, пикыхкын канавык пӣкақ малӷуҳқылъюни. Нуна уфсюгусян, уйӷагыт қӯпаҳта̄ткат,

Деяния 23:6

Павелым лӣгиклъюки иляңи Саддукеиңутаңи, иляңи Фарисеиңутаңи игляхтулюни пикӣ: «Иудейелгутымни, Фарисейеңӯңа, сивунӷынкалъю Фарисеиңӯт. Хўа̄ нанқихнақаҳпысиңа қаюҳлъяк ухпықыхкынка туқукат уңуваҳсяҳқа̄таңи».

Деяния 27:29

Юля̄ӷыт алиңыхкат аңьяҳпак қалмысинъаюкан ынка̄м стаманың уйӷиӷа̄т киңуңакун. Та̄хкын юӷаҳтут аҳшахкӣӷысқылъюку.

Деяния 27:40

Кыпӯлъюки уйӷӣтыт униткӣт мыӷмылъюки, пытугутӣклъю ақӯтак наӷиҳқуқӣт. Та̄хкын сяюглюки тыля̄наңат сивуягмылңӯт тыңтыстут тыспикавык ыснамун.

К Римлянам 4:16

Тама̄кын апалъюқлъюку ухпықилъыӷмыхтыхун югыт алъхыҳта̄т Кияӷныӷым акықуся̄ акиңилңӯлюку тунусяқ. Ынка̄м қамахлъютың Авраамым киңунӷита алъхыҳтыпыста̄ҳлъықа̄т Кияӷныӷым акықуся̄. Та̄на акықусяқ Иудеяңинаҳаӷнун аюқынӷитуқ Лӣлиҳтӯсялыгнун. Иўырңа ухпықилӷӣнунлъю аюқуқ Авраамым ухпықилъҳатун. Ынка̄м Авраам қамахлъюта атакаҳпут ухпықилӷӣни.

К Римлянам 4:18

Авраамым авақутилъыҳқа̄ сиӷиманӣтка̄гуқ. Иўырңа ухпықыхкақа̄ Кияӷнық, сиӷимакумаңинақақа̄лъю. Ынка̄м атаңуҳтыка̄гуқ угля̄пихлъыҳӣнун нунат югитнун. Хўатын Кияӷныӷым пикақа̄: «Киңуныҳтын кыстыпагниңисяҳқа̄гут».

К Римлянам 5:4

Нуқынъыҳтулъымтыхун Кияӷныӷым итагнақақӣлъю. Итагнақилъҳан сиӷималъыңыстақӣлъю.

1е Коринфянам 13:13

Ынка̄ңам укут пиңают кынлытҳӯнъа̄нӷитут: ухпылъық, сиӷималъық, пиниқылъық; иўырңа пиниқылъҳӯқ аңылъыҳпигақ.

1е Коринфянам 15:58

Ынка̄ңам, пиниқыхкамни ухпықа̄лгутымни, кая̄лъқӣлъыҳқаҳпут ипапыстаӷутаңаның, ухпылъыси аӷулӣтыслъюки, нӯхаҳтафқа̄фси, қӯнпың қыпҳаҳтыху Атанӷым қыпҳақа̄. Лӣсимакаҳси Атаныҳқун қыпҳалъыҳси аваңинъыӷитуқ.

К Ефесянам 2:6

Кияӷныӷым уңуваҳтӣлъю малигулъюта Христос Иисусымун, хўаңкунъунлъю ақумылгусиҳтыста̄ қилягми.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

К Колоссянам 3:1

Уңуваҳтыка̄тыхпысиның малигулъюси Христосымун, пиюкақитыки сяңўа̄т Кияӷныӷым лъпысинун пикысқылъюки қилягмылңӯт. Таўани Христос ақумга̄қ аӷынқигныӷакун Кияӷныӷым.

2е Тимофею 2:19

Иўырңа аюгилңуқ тунымақ Кияӷныӷым ныкыхтыка̄ қапшахтыпагниңитуқ. Та̄хун тунымакун игақңа̄т акузитыт: «Атанӷым лӣсимакӣ лъми пини». Хўатынлъю игақңа̄қ: «Кина алңунак туқлъюӷилӷӣ а̄тҳаның Атаныӷым, сыӷлытун пиныӷмың та̄қлъи».

К Евреям 4:16

Ынка̄м тытулъңуна̄мта агля̄лъта умӣлгусигнун ақумутахкынун Кияӷныӷым, алъхыӷусаҳқа̄люта наңлъыхталъҳанун. Таўани наңлъыкылъықӣлъю, каюсиҳлъықӣлъю аклъюкилъымнъи.

К Евреям 9:3

Аўалиӷныӷани тӯңлиҳа̄н сяфка̄ӷутым иляңа ным атилъқылӷӣ Аглыӷналъыҳпигақ На.

К Евреям 9:7

Иўырңа первосвященнигаңинаҳақ итыӷьяҳқа̄гуқ тӯңлиҳа̄нун ныңанун палаткам. Таўатын пӣқуқ ата̄сиҳаӷмың аюмиқулъыӷми. Итыныӷмини таўавык нымун ӣўлың кылъқысяҳқа̄гуқ а̄ўаның аҳқуткыхкам тыӷикусям. Тӯнӣқуқ а̄ўмың Кияӷныӷмун лъми сыӷлыҳқылъыӷминун, югытлъю сыӷлыҳқылъҳитнун. Та̄на а̄ўк сыӷлыҳқылъҳитнун пиңӯқ налъюклъютың пикӣтнун.

1е Петра 1:3

Усюқылътыху Кияӷнық, Атаңа Атанымта Иисус Христосым! Апалъюқлъюку наңлъыхталъыҳлъяни алъхынқихтыстӣлъю уңуваҳтылъыӷмикун Иисусым Христосым туқулъыӷмың. Та̄м сиӷималъыңыстыҳлъягӣлъю налъюнықнӣлңуӷмың.