К Евреям 6:18 - Новый Завет на эскимосском языке

¹⁸ Кияӷныӷым таўатын кайымилъю. Кияӷнық иқлъыңиқигатуқ акықиныӷмини, иқлъыңиқна̄нӷитуқлъю акықикуми атуқлъюку атыни ипапиҳқынъалюку пияҳқақутни. Та̄кук алъяңуҳтықаҳна̄нӷитук. Хўаңкута анагнӣқани Кияӷныӷмун пақнӣнъалюта, кайымылъыңыҳлъяхтукут сиӷимакналюку Кияӷныӷым акықуся̄.

К Евреям 6:18 Iomraidhean Croise

От Матфея 24:35

Қилягалъю, нуналъю авӣӷусяҳқа̄гук, иўырңа хўаңа акузитынка авӣӷунъа̄нӷитут».

От Матфея 3:7

Иоанным ысҳаӷлюки Фарисеилӷутытлъю, Саддукеилӷутытлъю тагилӷӣт лъңанун крестиӷысқылъютың пикӣ: «Лъпыси нымыӷьяни! Китум анагысқиси Кияӷныӷым нанқихтылъыҳқа̄ның ка̄нъақылӷӣмың?

От Луки 2:25

Иерусалимымытыфтуқ ю̄к, а̄тҳа Симеон. Қа̄ткутңалӷӣлъю, манигӯткаюклъю Кияӷныӷмун. Утақӣңулӷӣ Кияӷныӷмун югулисқылъюки Израилыӷмӣт. Аглыӷналӷӣк Таӷныӷак лъңанилңӯк.

К Римлянам 15:5

Нуқынъыҳтулъҳылъю, кайымылъҳылъю Кияӷныҳта̄гук. Лъңан кияҳтыслъиси итагнақулъюси катам Христос Иисусым пилъҳатун.

К Римлянам 3:25

Кияӷныӷым тӯныхкақа̄ Иисус аҳқутңулюку сыӷлыҳқылъыӷнун. Ынка̄м Иисусым а̄ўакун сыӷывутақӣ югыт сыӷлыҳқылъҳит ухпықиңалӷӣт лъңакун. Таўатын лӣгикыстыкақа̄ ылъқуӷутңанилюни. Сивунӷани агани Кияӷныӷым нуқытуткақӣ югыт ынка̄м ныпӣӷуткақӣ сыӷлыҳқылъҳит.

К Римлянам 3:4

Йыӷлыгилъю! Тамаҳаӷми ю̄к иқлъыңиқыстыңуӷңа̄н, Кияӷнық ипаңӯқ. Акузитни Игақыхкани Кияӷныӷмың аюқылӷӣ игақңа̄қ хўатын: «Акузиныҳпыни, тамаҳаӷми лӣсимакылъықа̄тын ылъқуӷутңанилютын. Югыт нанқихтыкаңатын, ипапиҳқылъықатын анахутңанилюки».

К Римлянам 5:5

Та̄м сиӷималъҳым ӣлъқамиқна̄нӷитӣлъю қаюҳлъяк Кияӷныӷым кӯвыхкақа̄ пиниқылъыни қамавык илюмнъун Аглыӷналӷӣгныкун Таӷныӷагныкун, Кияӷныӷым тӯныхкамикун хўаңкунъун.

К Филиппийцам 2:1

Кияҳта̄лъыҳпыси Христосыкун икнақуҳтисӣ? Пиниқылъҳан илютуҳтисӣ? Қуя̄стык ата̄систун лъӣлӷӣси ухпықа̄лгуткулъҳӣни Аглыӷналӷӣгныкун Таӷныӷагныкун? Пинитун пӣқыстыкӣ, наңлъыкақыстыкӣ иляси?

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

К Колоссянам 1:5

Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси.

1е Фессалоникийцам 1:10

Утақа̄қаҳсилъюңуқ Кияӷныӷым Иӷныӷа, Иисус, тагияҳқақ қилягмың. Лъңаңӯқ Кияӷныӷым уңуваҳтыка̄ туқулъыӷмың, югулӣқа̄қалъю Кияӷныӷым сякша̄лъҳаның ка̄сяҳқамың.

1е Тимофею 1:1

Укут посланият Павелымың пиңӯт апостолаңаның Христос Иисусым. Апостолыңуҳтыка̄гуңа қылылъҳакун Кияӷныӷым Югулиӷистымта, Христос Иисусымлъю сиӷимакыхкамта.

1е Тимофею 6:12

Пилъюўа̄тигу ухпықилъық қаюҳлъяк таўатын пилъюўалъық пинилӷӣңӯқ. Тугугулъю кынлыңилңуқ уңувалъық. Кияӷныӷым тахсиқақа̄тын тугуклъӣсқылъюку та̄на уңувалъық а̄пҳақңавгу ухпықилъҳын ухпықалӷутнун.

2е Тимофею 2:13

Ата̄сӣӷмынъыӷилъкумта, лъңа ата̄сӣӷмытақуқ қаюҳлъяк та̄қна̄нӷитуқ ата̄сӣӷмынъыӷмың».

К Титу 1:2

Та̄хкын ата̄симың ипапилъыӷмың сиӷималъылгӯкут кынлыңилңуӷмың уңувалъыӷмың. Иқлъыңиқигатңўа̄ӷым Кияӷныӷым акықусяқыхкақа̄ та̄на уңувалъық има аюмирухлъяха̄ның.

К Евреям 11:7

Ухпықилъыҳқун Нойем нагаткақӣ Кияӷныӷым кылыңася̄ӷуткӣ тама̄кут сялин пиңигалъюки. Ынка̄м қа̄ткылъюку Кияӷнық аңьяҳпаңлъяқа̄гуқ ныңлъюгутни югулиналюки улывылъыӷмың. Таўатын пилъыӷмикун Нойем нунам юги нанқихтыстыкақӣ Кияӷныӷмун аӷью̄ӷысқылъюки. Ухпықилъыни апалъюқлъюку Нойем алъхыҳтыкақа̄ ылъқуӷутңалъық Кияӷныӷмың.

К Евреям 3:11

Сякшитңулюңа акықика̄гуңа алъяңуҳсяҳқа̄нӷилңуӷмың”. Хўатын пӣңа: “Итыӷна̄нӷитңўа̄ӷа̄т мыӷна̄ливихкақ ята̄ҳқыхкақа лъңитнун”».

К Евреям 3:6

Иўырңа Христос иӷныӷулюни ата̄сӣӷмытка̄гуқ иглыӷутиста Кияӷныӷым мыңтыӷа̄ни. Хўаңкута мыңтыӷақӣлъю Кияӷныӷым, илютумаңинақумта, ипапиҳқуткумаңинақумтыхулъю сиӷимакыхкаҳпут.

К Евреям 6:17

Алъхыӷусяҳқат акықусяминың, Кияӷныӷым лӣгикыстысюгўӣ алъя̄ңуҳсяҳқақынӷитңўа̄ӷнилюки агӷилъыни. Ынка̄м акықика̄гуқ атуқлъюку атыни.

К Евреям 7:19

Лӣлиҳтӯсят кина алңунак пистысимаңита̄ Кияӷныӷым пиюкылъҳатун. Ынка̄м Кияӷныӷым тӯнумилъю пиниӷатаӷалӷӣмың сиӷималъыӷмың. Та̄хун сиӷималъыҳқун агляӷьяҳқа̄ҳтукут Кияӷныӷмун.

К Евреям 7:21

Иўырңа таўатылңуӷмың акықилъҳитуқ Левийем киңунӷи священнигаңуҳтақңата. Иисусыңинаӷмун хўатын пика̄гуқ: «Атанық акықима̄қ, алъяңуҳна̄нӷита̄клъю умьюгагни; “Лъпык священнигуңӯтын қӯнпырухлъяк”».

1е Иоанна 1:10

Сыӷлыҳқиганъикумта, Кияӷнық иқлъыңиқыстыңуҳлъықаҳпут, акузитаңилъю атуқңунӷитапут.

1е Иоанна 5:10

Ынка̄м китум алңунак ухпықыхкумигу Иӷныӷа Кияӷныӷым қама илюңанитуқ Кияӷныӷым а̄пқа̄. Иўырңа китум алңунак ухпықынӷилъкумигу Кияӷнық иқлъыңиқыстыңлъяҳлъықа̄, қаюҳлъяк Кияӷныӷым а̄пқа̄ Иӷныӷминың ухпықынӷилъкаңа.