К Евреям 6:11 - Новый Завет на эскимосском языке

¹¹ Нагныҳтысюгамси сягиқлъюси қыпҳа̄тысқылъюку Кияӷнық уңувалъыҳпыси тахталңатун. Ынка̄м алъхыҳтыпыста̄ҳлъықаҳси сиӷимакыхкаҳси.

К Евреям 6:11 Iomraidhean Croise

От Матфея 24:13

Иўырңа кина алңунак нуқынъыҳтуқақ кынлымун югулилъыңьяҳқа̄гуқ.

От Луки 1:1

Аңылъымни Феофил Углялӷӣм югым игақуқақӣт таўатын пилъҳыт акулымнъи. Игақуқӣт та̄куңӯт ата̄сит нагақуқапут ысҳапаканың таўатын пилъҳистун има пӣнлилъҳитның. Лъңиталъю қыпҳа̄ткақа̄т Кияӷнық уңипақылъыӷмыхтыхун уңипақ Христосымың аюқылӷӣ.

К Римлянам 12:8

кайымиңукан илямың, кайымилъта; тӯниңукан, иӷлыхпына̄мта тӯнилъта; иглыӷутиңукан, сягиқлъюта иглыӷутилъта; наңлъыкиңукан, қуякусиқлъюку наңлъыкилъта.

К Римлянам 15:13

Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.

1е Коринфянам 13:13

Ынка̄ңам укут пиңают кынлытҳӯнъа̄нӷитут: ухпылъық, сиӷималъық, пиниқылъық; иўырңа пиниқылъҳӯқ аңылъыҳпигақ.

1е Коринфянам 15:58

Ынка̄ңам, пиниқыхкамни ухпықа̄лгутымни, кая̄лъқӣлъыҳқаҳпут ипапыстаӷутаңаның, ухпылъыси аӷулӣтыслъюки, нӯхаҳтафқа̄фси, қӯнпың қыпҳаҳтыху Атанӷым қыпҳақа̄. Лӣсимакаҳси Атаныҳқун қыпҳалъыҳси аваңинъыӷитуқ.

К Галатам 5:5

Аглыӷналӷӣгныкун Таӷныӷагныкун утақаңўа̄ҳпут сиӷималъыҳпут апыӷӣӷысқылъюку. Сиӷималъыҳпут та̄наңӯқ: Кияӷныӷмун налъҳусӣсқылъюта ылъқуӷутңалъҳанун ухпықылъымтыхун Христосыкун.

К Галатам 6:9

Ынка̄м қинуягутыхпына̄н пинитун пилъық пилътыху, қаюҳлъяк ӣлъқаюнӷилъкумта пилъыҳқақ ка̄скан акилыҳтӯсяңылъықукут.

К Филиппийцам 3:15

Таўатын сюмыҳтаӷанӷилъкуфси, Кияӷныӷым лӣгикысна̄ӷӣ сюмыҳтаӷалъыси анахутңалӷӣт.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 1:5

Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси.

К Колоссянам 2:2

Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.

1е Фессалоникийцам 1:5

қаюҳлъяк Пинилӷӣның Уңипаның тагитақңамси, акузитыра̄ӷинаҳтыхун пимаңитукут, иўырңа аҳтуӷьяҳқа̄нӷилъыҳқунлъю, Аглыӷналӷӣгныкунлъю Таӷныӷагныкун пика̄гукут. Ынка̄м ухпықаси Пинилӷӣт Уңипат ипаңутаңи. Лӣсимакаҳсилъю натын кияҳтыка̄тфут лъпысинилъюта, таўатын каюсӣнъалюси кияҳтыка̄гукут.

1е Фессалоникийцам 4:10

Ипаңӯқ пиниқыхкаси қамахлъюки ухпықа̄лгутыси тамаҳа̄ни Македониями. Иўырңа ухпықа̄лгутымнъи, қылӷамси пиниқутаӷӣсқылъюси.

2е Фессалоникийцам 3:13

Ухпықа̄лгутымнъи, қинуягутыхпынаси пинитун пиныӷмың.

К Евреям 10:22

Тама̄кут апалъюқлъюки тугӯлътыху Кияӷнық ипапиҳқылъюта, ныӷьюкңўа̄ӷлюку. Таўатын пилъыҳқаңукут қаюҳлъяк умьюгалъюпут сивилъяхтақа̄гут Христосым а̄ўаның укмаңӣҳтысқылъюки, югусипутлъю уӷвуҳқыхка̄гут пылюңилңуҳқун мыҳқун.

К Евреям 3:14

Иўырңа ата̄сӣӷмылъкумта уңувалъымта кынлыңанун, ныӷьюклъюку Кияӷнық ухпыӷьюхўа̄лъымтыстун, та̄ўа Христосым пилгуткылъықӣлъю лъми пиминың.

К Евреям 3:6

Иўырңа Христос иӷныӷулюни ата̄сӣӷмытка̄гуқ иглыӷутиста Кияӷныӷым мыңтыӷа̄ни. Хўаңкута мыңтыӷақӣлъю Кияӷныӷым, илютумаңинақумта, ипапиҳқуткумаңинақумтыхулъю сиӷимакыхкаҳпут.

1е Петра 1:21

Христосыкун ухпықаҳси Кияӷнық. Лъңан уңуваҳтыкақа̄ Христос туқулъыӷмың, қӯлваҳлъякақа̄лъю. Тама̄кын апалъюқлъюку ухпықилъыҳси, сиӷималъыҳси Кияӷныӷмун аюқуқ.

2е Петра 1:10

Ынка̄ңам ухпықа̄лгутымни, налъюнықнӣӷўа̄ҳтыху Кияӷныӷым туқлъюқақӣсилъю, накмикыхкақӣсилъю. Таўатын пикуфси та̄ўа иқитықаҳна̄нӷитуси Христосымың.

2е Петра 3:14

Ынка̄ңам илякумта̄мни, утақӣмалюси таўавык Аӷныӷмун пинақылъҳаҳси қамахлъюку пылюңитыклъю, афкуйӣтыклъю Кияӷныӷым ысҳа̄малъҳани. Ныкыхмытыклъю Лъңани.

1е Иоанна 3:14

Лӣсимакаҳпут туқумың алъпака̄гукут уңувалъыӷмун қаюҳлъяк пиниқыхкыпут ухпықа̄лгутыпут. Кина алңунак пиниқиңигалңуқ паниның туқумытуқ.

1е Иоанна 3:19

Ынка̄ңам лӣсимакылъықукут Кияӷныӷмун ипапиҳқылъыӷмун пикутфут. Сыӷлыӷнинымталъю Кияӷныӷым сивуңани налъюнықсюкна̄нӷитаҳпут сыӷывутиңалъҳа қаюҳлъяк Кияӷнық а̄ңатаӷаҳтуқ сыӷлыӷьюгңалъымнъың, лӣсимакыхкаңалъю сяңўа̄ тамаҳа̄н.

Откровение 2:26

Лъңа та̄на кая̄лъқӣлӷӣ кая̄лъқӣлъыӷмың, атуқилӷӣлъю аныӷныҳқилъымның кынлымун, аҳтуӷьяҳқа̄нӷилъылилъықақа иглыӷутысқылъюки народыт.