К Евреям 5:7 - Новый Завет на эскимосском языке

⁷ Кияӷнық аҳтуӷьяҳқа̄нӷилъылгӯқ югулияҳқа̄люку Иисус туқулъыӷмың. Ынка̄м Иисус нунамытңулюни, игляхтулюни қунитӯмаӷми юӷақа̄лӷӣлъю, туңсиқа̄лӷӣлъю Кияӷныӷмун югулисқылъюни туқулъыӷмың. Кияӷныӷым нагаткақӣ юӷалъҳи, қаюҳлъяк қусывыхлъюни қа̄ткыхка̄ Кияӷныӷым пиюкылъҳа.

К Евреям 5:7 Iomraidhean Croise

От Матфея 27:46

Тама̄ни нани пиңаюмункылъя̄гми Иисус акилӷӯҳлъякақ хўатын: «Или, Или, лама савахфани?» Хўатын писиқ: «Кияӷнымни, Кияӷнымни, сяңама унисиңа?»

От Матфея 27:50

Алъямың Иисус араҳлъяглюни пыхтыкакык таӷныӷагни.

От Марка 15:34

Таўани пиңаюмикылъя̄гми Иисус акилӷӯҳлъякақ: «Элои, Элои, лама савахфани?» хўатын писиқ: «Кияӷнымни, Кияӷнымни, сяңама унисиңа?»

От Марка 15:37

Та̄хкын Иисус араҳлъяглюни туқукақ.

От Луки 23:46

Та̄хкын Иисус игляхтупихлъюни пикақ: «Ата̄й, таӷныӷахка афлъыңакылъыҳқаҳпынун пыхтахка!» Таўатын пилюни туқукақ.

От Иоанна 1:14

Акузин кымгуҳлъюни акулымнъиткақ. Лъңакун Кияӷнық лӣтыстыңъўа̄қа̄гуқ, лӣтыстыңъўа̄қақа̄лъю пиниқылъыни хўаңкунъун. Ысҳақақаҳпут та̄ўа сыӷлыҳлъягуфтуқ. Сыӷлыҳлъягуфтуқ қаюҳлъяк та̄наңинаҳа̄лӷӣ Иӷныӷа Атам.

От Иоанна 11:35

Иисус қиякақ.

От Иоанна 11:42

Лӣсимакақа қӯнпың нагақуӷақаҳпыңа. Иўырңа таўатын пӣңа югыт увитымнилңӯт апалъюқлъюки, ухпықысқылъюку лъпынун каяхтыка̄тка».

От Иоанна 17:1

Иисус та̄қсями акузиныӷмың сивухлъюни қилягмун юӷақақ: «Ата̄й, аӷнық ка̄туқ. Қӯлваҳу Иӷныӷын, қӯлвӣсқылъютын Иӷныҳпынун.

К Римлянам 8:3

Моисейем Лӣлиҳтӯсӣ таўатын пипагниңитут қаюҳлъяк югусимта пиюкылъҳита кая̄лыҳқыхкақӣ Лӣлиҳтӯсят. Иўырңа Кияӷныӷым пикақа̄ Лӣлиҳтӯсят пипагниңитка̄т. Каяхтыкақа̄ лъми катам Иӷныни нунамун сыӷлыҳқумалӷӣтун юхтун аюқлъюку. Тӯныхкақа̄ Иӷныни аҳқутңулюку сыӷлыҳқылъымнъун. Таўатын нанқихтыкақа̄ сыӷлыҳқылъық югусимылъюку,

К Галатам 4:4

Иўырңа Кияӷныӷым накмикыхка̄ аӷнық ка̄сян каяхтыка̄ Иӷныни, алъхықақ аӷнакун. Лъңан қа̄ткыхкақӣ Лӣлиҳтӯсят

1е Тимофею 3:16

Налъюнықнаҳаңунаки ухпықапут апыҳтӯсят Кияӷныӷым қайвиҳтыкӣ сыӷлыҳлъягӯтлъю, ипапыста̄ӷӯтлъю: Христос алъхықа̄гуқ югусипигулюни, Кияӷныӷым Таӷныӷахкынка лӣсимакыстӣ тама̄кут лъңан пикӣ ылъқуӷутңатаңи, яқулгытлъю ысҳақақа̄т. Уңипақыхка̄гуқ нунатаҳа̄ни тамаҳа̄ни, ухпықыхкақа̄т нунатаҳа̄ни тамаҳа̄ни, та̄хкын қилягмун маю̄ткагуқ.

К Евреям 10:10

Иисус Христосым қа̄ткысяқминигу Кияӷныӷым пиюкылъҳа, пылюңиқақӣлъю сыӷлыҳқылъымнъың тӯнылъыӷмикун югусини ата̄сиҳаӷмың қӯнпырухлъяк.

К Евреям 10:5

Тама̄кут апалъюқлъюки Христос тагӣқңами нунамун пикақа̄ Кияӷнық: «Аҳтутыюгумаңитутынлъю, тунусяӷьюгумаңитутынлъю, иўырңа ята̄ҳқыхкақан югусиқ хўаңамнун.

К Евреям 11:7

Ухпықилъыҳқун Нойем нагаткақӣ Кияӷныӷым кылыңася̄ӷуткӣ тама̄кут сялин пиңигалъюки. Ынка̄м қа̄ткылъюку Кияӷнық аңьяҳпаңлъяқа̄гуқ ныңлъюгутни югулиналюки улывылъыӷмың. Таўатын пилъыӷмикун Нойем нунам юги нанқихтыстыкақӣ Кияӷныӷмун аӷью̄ӷысқылъюки. Ухпықилъыни апалъюқлъюку Нойем алъхыҳтыкақа̄ ылъқуӷутңалъық Кияӷныӷмың.

К Евреям 12:28

Тама̄кын апалъюқлъюку игамсиқаюгвикылътыху Кияӷнық қаюҳлъяк тӯныхкаңилъю атаныҳпагулъыӷмың уфсюгусяҳқа̄нӷилңуӷмың. Ынка̄ңам манигӯлътыху Кияӷнық ыфқуӷналъкыхка̄тун алиңылъылиӷлюталъю, қӯлваӷилъылиӷлюталъю,

К Евреям 13:20

Кияӷныӷым ныкыхмылъылитистым Атаныҳпут Иисус уңуваҳтыстыкақа̄ туқулъыӷмың. Ынка̄м а̄ўмикун Пынъӣӷнӣҳтыҳлъягуҳтыка̄гуқ пынъӣӷнун. А̄ўан атӯяҳқа̄ҳтыстыкақа̄ Кияӷныӷым қӯнпыкаҳқақ акықуся̄.

К Евреям 2:14

Та̄кут таӷнуҳа̄т югӯт кымыкшалгутлъю, а̄лгӯтлъю ынка̄м Иисус лъңистун лъӣқа̄гуқ. Таўатын пика̄гуқ туқуналюни на̄фқынъалюку Туӷныӷақ, аҳтуӷьяҳқа̄нӷилъылык туқумун.

1е Иоанна 4:3

Иўырңа тамаҳаӷми таӷныӷам мысӣӷа̄скагу Иисус югулюни алъхықа̄нӷинъилюку Кияӷныҳта̄нӷитуқ. Та̄кук таӷныӷак аңуякилӷӣмың Христосымың пиңӯк нагақуқаҳпысиның тагӣяҳқа̄нилюкык. Та̄ўа ма̄тын ка̄тңўа̄ӷлютык нунамун аюқук.

2е Иоанна 1:7

Угляпихлъыҳӣ пӯҳтиста нунами миңилъюни аюқуқ. Тама̄кут югыт апыӷна̄нӷита̄т Иисус Христос югулюни алъхықа̄нилюку қаюҳлъяк ухпықигата̄т. Таўатылңуқ ю̄к пӯҳтистыңӯқлъю, аңуякилӷӣңӯқлъю Христосымың.