К Евреям 5:13 - Новый Завет на эскимосском языке

¹³ Кина алңунак мамаҳтуқаюк паниның таӷнуҳаҳа̄гуқ. Сялин налъюка̄ ылъқуӷутңалъықлъю, анахутңалъықлъю.

К Евреям 5:13 Iomraidhean Croise

От Матфея 11:25

Та̄хкын Иисус пикақ: «Ка̄й Ата, Атанқа̄тын қилягымлъю, нунамлъю! Игамсиқаюгвикамкын қаюҳлъяк лӣтка̄нӷилңуӷнун лӣтыстыкақан ипапиҳқылъық ӣқан лӣтканыңлъю, пыҳқиныӷныңлъю.

От Марка 10:15

Ипа уңипа̄тамси, китум алңунак тугуклъинӷилъкумигу Атаныҳпагулъҳа Кияӷныӷым таӷнуҳаҳтун, итыӷна̄нӷитуқ».

К Римлянам 2:20

Сюмыҳпыни налъҳусяҳтыңунӣқутын налъю̄қанун, апыҳтуӷистыңунӣқутыңлъю таӷнуҳаӷнун. Лӣлиҳтӯсялгутыхпының, сюмыҳпыни лӣсимакнилюку сяңўа̄ тамаҳа̄н пӣқан, қамахлъюкилъю ипапилъық.

1е Коринфянам 13:11

Таӷнуҳа̄люңа акузикаюгуяҳтуңа, сюмыҳтаӷақаюгуяҳтуңа, лӣгикыхкаюгуяҳтуңа таӷнуҳаӷыстун, иўырңа югуҳсялӷӣңа таӷнуҳаӷыстун пинаниҳтуңа.

1е Коринфянам 14:20

Ухпықа̄лгутымни, сюмыҳтаӷаҳпынаси таӷнуҳаҳаӷыстун. Сюмыҳтаӷаӷақитык аңликастун, иўырңа сыӷлыҳқысюлъыҳси таӷнуҳаҳаӷыстун аюқуқ.

1е Коринфянам 3:1

Ухпықа̄лгутымни, лъпысинитақңама алыҳқуҳпагниңиткақамси алыҳқуӷўақылъымтун ухпықаҳлъягыт. Йыӷлыги алыҳқуқақамси ухпылъыси аңлилъҳилңуӷыстун аюқлъюки. Ухпықылъыҳси Христосыкун таӷнуҳаҳаӷыстун аюқут.

2е Коринфянам 3:9

Лӣлиҳтӯсяқ нанқихтияҳқа̄кан югмың аӷью̄ӷьяҳқа̄люки ниӷуҳқыңъаяҳтуқ; анахутылъҳинъилютың югыт пилӷӣт натынми аңка̄н ниӷуҳқыңъалъыҳтулъықат!

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

2е Тимофею 3:16

Қамахлъютың Акузитыт Игақыхкат Кияӷныӷым аныӷзӣлъқӣ. Ынка̄м апыҳтуӷисиҳқа̄гут, аӷью̄ӷусиҳқа̄гут, налъҳуся̄сиҳқа̄гут анахутылъыӷмун, апыҳтуӷисиҳқа̄гутлъю пинитун кияҳта̄лъыҳқамун.

1е Петра 2:2

Алъхынҳаҳа̄т қӯнпың мамаӷьюгақут. Лъңистун қӯнпың мамаӷьюхтык пылюңилңуӷмың таӷныӷам мама̄ның. Аңтанӣтыслъықа̄ югулилъыҳси,

2е Иоанна 1:11

қаюҳлъяк китум алңунак қуякыхкумигу қыпҳалгусиқалъҳӯҳлъықа̄ сыӷлыӷмың қыпҳақа̄ның.