К Евреям 5:12 - Новый Завет на эскимосском языке

¹² Ныӷипихлъюси ухпықа̄лӷӣси ынка̄м апыҳтуӷияҳқа̄ҳтыка̄гуси иляхпысинун. Йыӷлыги паниның аклъя̄қуси китумун апыҳтунқихтысқылъюси ухпынҳат лӣсюхўа̄ӷьяҳқӣтның Кияӷныӷым акузитаңаның. Катам таӷнуҳаҳаӷыстун мамаҳтуӷьюгақуси, нықыпигьюхпынаси.

К Евреям 5:12 Iomraidhean Croise

От Матфея 17:17

Иисусым пикӣ: «Лъпыси югни, ухпықилъҳитусилъю, сыӷлыӷўа̄ӷӯсилъю! Натын тахка̄н лъпысининъақсиңа ухпықысқылъюңа? Мыкылӷӣқ хўавык тагитыху!»

От Марка 9:19

Иисусым малихся̄ҳтыни пикӣ: «Лъпыси югни ухпықилъҳитуси! Натын тахка̄н лъпысининъақсиңа ухпықысқылъюңа? Мыкылӷӣқ хўавык тагитыху!»

Деяния 7:38

Та̄наңӯқ Моисей сивунымнъиткақ қырңуӷутақңата килга̄ни Синайым найӷаҳан туңаңани. Таўани на̄йӷами яқулгым алыҳқуӷьятни тугукӣ Кияӷныӷым Лӣлиҳтӯсӣ апыҳтӯсят натын кияҳтылъыҳқамың. Та̄хкын а̄пқӣ та̄кут сивунымнъун ынка̄м лъңита нагныҳтыкақӣт хўаңкунъун.

К Римлянам 3:2

Угля̄пихтут аныӷныҳқусит! Сивулиҳпигақ Кияӷныӷым ныӷьюкуткақӣ Иудеянун Акузитыт Игақыхкат.

1е Коринфянам 14:19

Иўырңа юӷаӷвигмынъымни апыҳтуӷиюгақуңа. Тама̄кын апалъюқлъюку апыҳтуӷӣқуңа қафсинкӯраҳа̄т акузитыт атуқлъюки лӣгиксяҳқаси, акузина̄нӷитуңа алъястун улюстун угля̄пихлъюку лӣгиксяҳқақынӷилъкыхпысиның.

1е Коринфянам 14:20

Ухпықа̄лгутымни, сюмыҳтаӷаҳпынаси таӷнуҳаҳаӷыстун. Сюмыҳтаӷаӷақитык аңликастун, иўырңа сыӷлыҳқысюлъыҳси таӷнуҳаҳаӷыстун аюқуқ.

К Галатам 4:3

Хўаңкуталъю таўатысяҳтукут. Таӷнуҳа̄люта қыпҳаҳтыля̄ӷуяҳтукут нунам иглыӷутистыңитнун туӷныӷаӷнун.

К Филиппийцам 3:1

Ухпықа̄лгутымни, на̄ңнӣткун уңипа̄сюўамси: «Қуяма̄қитык Атаныҳқун!» Қинуягусигатуңа уңипа̄нъықихнымси посланиятхун игақыхкамның сивунӷани, ынка̄м илялъықуқ пақнӣтылъыҳпысинун.

К Колоссянам 3:16

Йықай Христосым апыҳтӯсӣ кымнаӷлютың кияҳлъит илюхпысини. Апыҳтӯтутақлъюси, кылыңася̄ӷутутақлъюсилъю тамаҳа̄кун пыҳқинылъыҳқун. Илягаҳтык Кияӷныӷмун игамсиқаюлъылиӷлюси илюхпысигун, илягаҳтык псалмының, иляга̄тның, манигӯтмунлъю иляга̄тның.

К Евреям 10:32

Нықамикыхкыси тама̄кут аӷныӷыт сивунӷани лӣсюхўа̄ӷақңафсигу ипапилъық Христосымың аюқылӷӣ. Аӷулӣтка̄гуси ата̄сӣӷмылъюси қайўа икфиқыҳлъяӷңа̄ҳпыси.

К Евреям 5:11

Апыӷьяҳқаҳлъягӯкут тама̄куның. Иўырңа апыҳтуныҳлъюпихтуси тама̄куның қаюҳлъяк лӣгикаӷаҳсигалңӯси.

К Евреям 5:13

Кина алңунак мамаҳтуқаюк паниның таӷнуҳаҳа̄гуқ. Сялин налъюка̄ ылъқуӷутңалъықлъю, анахутңалъықлъю.

К Евреям 6:1

Ынка̄м лӣтылътыки апыҳтӯсят аңтанӣтканун ухпықанун аюқылӷӣт. Лӣтңўа̄қақаси апыҳтӯсюхўа̄қат Христосымың аюқылӷӣт ынка̄ңам лӣнъықихсяҳқақынӷитаси. Лӣтңўа̄ӷума̄си атуқсяҳқа̄фқӣта пиналюки тама̄кут туқумун аюқылӷӣт. Лӣнъықихсяҳқақынӷитаҳсилъю ухпықилъыӷмың аюқылӷӣ Кияӷныҳқун,

1е Петра 2:2

Алъхынҳаҳа̄т қӯнпың мамаӷьюгақут. Лъңистун қӯнпың мамаӷьюхтык пылюңилңуӷмың таӷныӷам мама̄ның. Аңтанӣтыслъықа̄ югулилъыҳси,

1е Петра 4:11

Тунусялгыт акузимун акузилит Кияӷныӷым акузитаңаның. Тунусялгыт қыпҳга̄тимун қыпҳга̄тилит икнақылъылиӷлютың Кияӷныӷым тӯныхка̄ның. Ынка̄м сялъыҳпысигун тамаҳа̄кун Кияӷнық усюқылъыңылъықуқ Иисус Христосыкун. Лъңан пика̄т ниӷуҳқылъықлъю, аҳтуӷьяҳқа̄нӷилъықлъю қӯнпырухлъяк кынлыңуна̄н. Аминь.