К Евреям 4:9 - Новый Завет на эскимосском языке

⁹ Тама̄кын апалъюқлъюку та̄ўа Суббота аӷулӣтуқ, мыӷна̄ливик Кияӷныӷым югитнун.

К Евреям 4:9 Iomraidhean Croise

От Матфея 1:21

Иӷныңнақңӯқ; атиӷнакын Иисусымың қаюҳлъяк лъми юни югулияҳқақӣ сыӷлыҳқылъҳитның».

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Евреям 11:25

Йыӷлыги накмӣқа̄гуқ икфиқылгусиӷналюки Кияӷныӷым юги, авылӷаӷлюку ыфқуӷьюгналъҳа сыӷлыҳқылъҳым мулюяҳқа̄нӷилңуқ.

К Евреям 3:11

Сякшитңулюңа акықика̄гуңа алъяңуҳсяҳқа̄нӷилңуӷмың”. Хўатын пӣңа: “Итыӷна̄нӷитңўа̄ӷа̄т мыӷна̄ливихкақ ята̄ҳқыхкақа лъңитнун”».

К Евреям 4:1

Кияӷныӷым акықуся̄ югнун аӷулӣтуқ ӣтҳысқылъюки мыӷна̄ливигминун. Иўырңа алиңылъта лю̄рақ налиҳси нӯҳунъаюкан итыҳпынани мыӷна̄ливиганун.

К Евреям 4:10

Кина алңунак ӣтқуми Кияӷныӷым мыӷна̄ливиганун, мыӷна̄лилъықуқ қыпҳақаминың катам таўатын Кияӷныӷым мыӷна̄лилъҳатун.

К Евреям 4:3

Хўаңкута ухпылӷӣни итыҳлъықукут Кияӷныӷым мыӷна̄ливиганун. Иўырңа Кияӷныӷым акузиткыхкақӣ ухпықилъҳилңӯт хўатын: «Сякшитңулюңа акықика̄гуңа алъяңуҳсяҳқа̄нӷилңуӷмың. Хўатын пӣңа: “Итыӷна̄нӷитңўа̄ҳтут мыӷна̄ливихкамнун”». Таўатын акузика̄гуқ қыпҳақани апыӷӣқақыӷңа̄ӷмики има нунаңлъялъыӷминың.

К Евреям 4:8

Иисус Навинам маӷьяҳқулъҳитӣ югыт таўавык мыӷна̄ливигмун. Лӣсимакаҳпут қаюҳлъяк та̄м киңуңаның Кияӷныӷым акузиткыхкақа̄ иляңа аӷныӷа мыӷна̄лилъҳым.

1е Петра 2:10

Сивунӷани Кияӷныӷым юкынӷисяӷӣси, иўырңа ма̄тын юлӣсимӣси. Сивунӷани налъюксяӷаҳси Кияӷныӷым наңлъыхталъҳа, иўырңа ма̄тын алъхыҳсима̄ҳси наңлъыхталъҳа.

Откровение 14:13

Та̄хкын нагақуӷақа қилягмың ма пилӷӣ: «Игақигу уна: Хўакын кынлыклъюку қуясяҳқа̄гут туқуяҳқат қыпҳа̄сималюку Атанық!» Таӷныӷак пӣк: «Қуянапыста̄ҳтут! Мыӷна̄лилъықут уӷлыӷӣлъыӷмыхның, югыт нықамикылъықӣт аныӷныҳқилъҳит».

Откровение 21:4

Қуниңиҳлъықӣ қамахлъюки. Туқуңӣлъықа̄, қивӷуңӣлъықа̄, қияңӣлъықа̄, талўа ақниҳқыңъӣлъықа̄ қаюҳлъяк тама̄кут атуқсяқаңит атуқнаниҳлъықӣт».