К Евреям 4:2 - Новый Завет на эскимосском языке

² Пинилӷӣ уңипақ Кияӷныӷым мыӷна̄ливиганың аюқылӷӣ нагақуқақаҳпут катам тама̄кустун югыстун Моисейем маӷьяҳқуқӣстун Египетмың. Иўырңа пинилӷӣм уңипам каюсӣтылъҳитӣ қаюҳлъяк ухпықумаңита̄т нагақуқаҳтың.

К Евреям 4:2 Iomraidhean Croise

Деяния 13:46

Иўырңа Павелылъю, Варнавалъю тытухпынаки Иудеит пикӣк: «Кияӷныӷым уңипа̄ лъпысинун сивуклъюни апыӷьяҳқа̄яҳтуқ иўырңа нагасюгумаңитуси. Кияӷныӷым уңипа̄ иҳсякыхкақутыхпысиның, паляқыхка̄тыхпысиныңлъю кынлыңилңуӷмың уңувалъыңылъыҳқаҳпысиның, хўа̄ язычнигнун уңипақинақукут Кияӷныӷым уңипа̄мың.

Деяния 3:26

Ынка̄ңам Кияӷныӷым накмикыхкани Қыпҳаҳтыни каяхсюхўа̄қақа̄ лъпысинун. Каяхтыкақа̄ қуясналюси қамахлъюси тунутыстылъыӷмикун сыӷлыҳқумалъыҳпысиның».

К Римлянам 2:25

Қа̄ткыңъукуфки Кияӷныӷым Лӣлиҳтӯсӣ обрезаниялъҳын пиниҳтуқ. Иўырңа қа̄ткынӷилъкуфки Лӣлиҳтӯсят обрезаниялъҳилңуӷыстун аюқутын. Ынка̄м қуястылъыңна̄нӷитутын Кияӷныӷым акықуся̄ның.

К Римлянам 3:3

Иляңи ата̄сӣӷмынъыӷилъката Кияӷныӷмун, Кияӷнық ата̄сӣӷмынъыӷитыслъықатхӯ?

1е Коринфянам 13:3

Тӯньяӷңа̄мки қамахлъюки сянка аклъюмалӷӣнун, налиӷмың паныҳтысяӷңа̄ӷма уңипақилъқа Пинилӷӣның Уңипаның апалъюқлъюку, алъхыӷунъа̄нӷитуңа пиниқинӷилъкума.

К Галатам 3:2

А̄птаҳлъямси: натын алъхыҳтыкақыстыкык Аглыӷналӷӣк Таӷныӷак, қа̄ткутылъыҳпысигун Лӣлиҳтӯсянун налиӷмың ухпықылъыҳпысигун нагаткаҳпысигун?

К Галатам 3:8

Акузитыт Игақыхкат а̄пқыстақақа̄т Кияӷныӷмун налъҳусяӷнақнилюки язычнигыт ылъқуӷутңалъыӷминун ухпықилъҳитхун. Ныӷиӷлюку Кияӷныӷым а̄пқақа̄ та̄на Пинилӷӣ Уңипақ Авраамымун, хўатын пӣқңами: «Қамахтыңъўа̄ӷлютың нунам рамкыңи қуястылъыңнақңӯт лъпыгун».

1е Фессалоникийцам 1:5

қаюҳлъяк Пинилӷӣның Уңипаның тагитақңамси, акузитыра̄ӷинаҳтыхун пимаңитукут, иўырңа аҳтуӷьяҳқа̄нӷилъыҳқунлъю, Аглыӷналӷӣгныкунлъю Таӷныӷагныкун пика̄гукут. Ынка̄м ухпықаси Пинилӷӣт Уңипат ипаңутаңи. Лӣсимакаҳсилъю натын кияҳтыка̄тфут лъпысинилъюта, таўатын каюсӣнъалюси кияҳтыка̄гукут.

1е Фессалоникийцам 2:13

Игамсиқаюгвикумаңина̄ңўа̄ҳпутлъю Кияӷнық уна апалъюқлъюку: хўаңкунъың нагақуӷлюку тугуклъиӷаҳси Кияӷныӷым уңипа̄. Лъпыси тугуклъиӷаҳси Кияӷныӷмың уңипа̄, нака̄н югның уңипа̄люку. Та̄наңӯқ Кияӷныӷым уңипаҳпига̄ қыпҳалӷӣ лъпысини ухпықилӷӣни.

1е Тимофею 4:8

Югусим уляпылъҳа пиниҳтуқ, иўырңа кияҳтылъыҳпут Кияӷныӷым пиюкылъҳатун аюқылӷӣ пиниӷатаӷаҳтуқ. Каюсӣсяҳқақӣлъю хўани уңувалъымнъи, тӯңлиҳа̄нилъю уңувалъҳым.

К Евреям 11:6

Ухпықилъңунани китум алңунак ыфқуҳтыпагниңита̄ Кияӷнық. Кина алңунак тагиюкуми Кияӷныӷмун ухпықыпыста̄ӷьяҳқақа̄ Кияӷнылгунилюку, акилыҳтуӷьяҳқақӣлъю иваӷипӣлӷӣт лъңаның.

К Евреям 3:12

Ухпықа̄лгутымни кылыңалюси, сыӷлыӷмың сюмыҳтаӷалъыӷныңлъю, ухпынӷитылъыӷныңлъю, иқитутыстыхпынаси уңувалӷӣмың Кияӷныӷмың.

К Евреям 4:6

Паниның иляңи югыт итыҳлъықут Кияӷныӷым мыӷна̄ливиганун. Иўырңа нагақӯсюхўа̄қат пинилӷӣмың уңипа̄мың, итылъҳитут мыӷна̄ливигмун қаюҳлъяк қа̄ткутылъҳилңӯт Кияӷныӷмун.

От Иакова 1:21

Тама̄кын апалъюқлъюку пыхтыху қамахтыңъўа̄ӷлюку алъя̄ҳӣнақ сыӷлық атуқақыхкыси. Қусывыгңаҳпыси тугуклъиҳтыки Кияӷныӷым акузитаңи, пӣтысиӷақӣ илюхпысигун, қаюҳлъяк югулияҳқақӣси уңувасиҳпысиның.

1е Петра 1:12

Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.