К Евреям 3:5 - Новый Завет на эскимосском языке

⁵ Моисей ата̄сӣӷмытка̄гуқ қыпҳаҳта Кияӷныӷым мыңтыӷа̄ни, уңипа̄ткақӣлъю югыт Кияӷнық сямың апыӷьяҳқалгунилюку та̄ганиқа̄ӷақ.

К Евреям 3:5 Iomraidhean Croise

От Матфея 24:45

«Кинаңа̄ўа ата̄сӣӷмылңуқ пыҳқинылӷӣ қыпҳаҳта? Та̄наңӯқ умӣлган иглыӷутистыңлъяқа̄ қыпҳаҳтылгутаңанун, нықылита̄тӣсқылъюкилъю аҳутаңа тамаҳа̄н.

От Матфея 25:21

Умӣлган пика̄: “Сыӷлыҳалык итагнапихтутын, пиниҳтутын ата̄сӣӷмылңуқ қыпҳаҳта! Ата̄сӣӷмытка̄тыхпының паляҳаӷнун афлъыңакистыңуҳтыснақамкын углялӷӣнун. Ӣтҳи қуялгусиӷьяҳтуӷңа!”

От Луки 12:42

Атанӷым кӣмсиқа̄ хўатын: «Кинаңа̄ўа ата̄сӣӷмылңуқ, пыҳқинылӷӣ қыпҳаҳта? Та̄наңуяҳқа̄гуқ умӣлган иглыӷутистыңлъяқа̄ қыпҳаҳтыминун, нықылита̄тӣсқылъюкилъю аҳутаңа тамаҳа̄н.

От Луки 24:27

Ынка̄м Иисусым пӣнлӣсиқлъюки игақуқӣт Моисейемлъю, қамахлъютыңлъю ӯкналиқистыт, лӣгикыстыкакык Акузитның Игақыхканың лъңанун аюқылӷӣның.

От Луки 24:44

Та̄хкын Иисусым пикӣ: «Лъпысинитңулюңа хўатын уңипа̄ткақамси: Сяңўа̄т қамахлъютың хўаңамның аюқылӷӣт игақыхкат апыӷӣӷьяҳқа̄гут, Моисейем Лӣлиҳтӯся̄нилңӯт, ӯкналиқистыт игақыхкӣтңилңӯт, псалмынилңӯтлъю».

От Иоанна 5:39

Иваӷивикақаси Акузитыт Игақыхкат, қаюҳлъяк сюмыҳпысини кынлыңилңуӷмың уңувалъыңвикналюки пӣқаси. Та̄куста ата̄сит Акузитыт Игақыхкат а̄пҳилӷӣт хўаңамның.

Деяния 28:23

Та̄хкын накмикыхка̄т аӷнық ата̄сиқ қырңуӷутфигулюку. Та̄на аӷнық ка̄сян угляпихлъютың тагиляӷа̄ткат Павелым кияҳфиганун. Уна̄ҳа̄ның унулъҳанун кынляңа апыҳтуқӣ Атаныҳпагулъҳаның Кияӷныӷым, лӣгикыстыңъўа̄ӷнақуткыхкӣлъю Иисусымың атуқлъюки Лӣлиҳтӯсӣ Моисейем, ӯкналиқистытлъю игақыхкӣт.

Деяния 7:37

Та̄наңӯқ Моисей Израилыӷмӣнун хўатын пикақ: “Кияӷныӷым ӯкналиқиста накмикылъықа̄ юхпысиның хўаңа накмикылъыӷмитун ӯкналиқистыңулюңа”.

К Римлянам 3:21

Иўырңа Кияӷныӷым югыт лӣгикыстӣ налъҳусяҳлъықнилюки ылъқуӷутңалъыӷминун, нака̄н қа̄ткутылъҳитхун Лӣлиҳтӯсянун. Кияӷныӷым а̄пқақа̄ та̄на Лӣлиҳтӯсятхунлъю, ӯкналиқистытхунлъю.

1е Коринфянам 4:2

Христосым қыпҳаҳтыңи ата̄сӣӷмысяҳқа̄гут.

1е Тимофею 1:12

Игамсиқаюгвикақа Христос Иисус Атаныҳпут, икнақуҳсяқақа̄ңа қыпҳақамнун. Игамсиқаюгвикақа ысҳақақа̄ңа ата̄сӣӷмылъюңа накмиклъюңа қыпҳа̄тысқылъюни.

К Евреям 1:1

Сивунӷани агани угляӷлюкулъю, алъя̄ҳӣна̄люкулъю Кияӷныӷым алыҳқуқақӣ сивуныпут ӯкналиқистытхун.

К Евреям 3:2

Иисус ата̄сӣӷмытка̄гуқ Кияӷныӷмун накмикистыминун, катам Моисей ата̄сиӷмыткақ Кияӷныӷмун қыпҳа̄тақңамигу Кияӷнық мыңтыӷа̄ни.

К Евреям 8:5

Священнигыт қыпҳақа̄гут святилищами, қилягмылңуҳтун аюқысюгнилңуӷми. Сялин Моисейем скиния ныкыфтылъҳилъюку, Кияӷныӷым апақуткақа̄: «Ўатаҳлъяк сяңўа̄ қамахлъюку улиманакын таўатыңўа̄қ успықылъымтун кылгуткамтун лъпынун на̄йӷами».

К Евреям 9:24

Христос ӣтҳумаңитуқ Аглыӷналъыҳпигаӷмун Нымун югыт улима̄ӷитнун. Та̄на ипапихтун қилягмылңуҳтун аюқуқ. Йыӷлыги қилягмун ӣтқа̄гуқ ынка̄м ма̄тын Кияӷныӷмытуқ Первосвященнигаңулюни хўаңкунъун.

Откровение 15:3

Илягаӷақыфтут иляга̄таңаның Моисейем, (Кияӷныӷым қыпҳаҳтыңа), иляга̄таңаныңлъю Пынъӣӷаҳа̄м: «Ка̄й, Атанық Кияӷнық Аҳтуӷьяҳқаҳа̄нӷитыҳлъяк, қыпҳалъыҳтын сыӷлыҳлъягӯт, алъя̄ҳлъюхўаҳлъягӯт! Ка̄й, умӣлгат нунам югита, лъпык сялъыҳтын ылъқуӷутңа̄тлъю, ипаңӯтлъю!