К Евреям 3:12 - Новый Завет на эскимосском языке

¹² Ухпықа̄лгутымни кылыңалюси, сыӷлыӷмың сюмыҳтаӷалъыӷныңлъю, ухпынӷитылъыӷныңлъю, иқитутыстыхпынаси уңувалӷӣмың Кияӷныӷмың.

К Евреям 3:12 Iomraidhean Croise

От Матфея 16:16

Симон Петырым кӣмсиқа̄: «Христосыңӯтын, Иӷныӷа уңувалӷӣм Кияӷныӷым».

От Матфея 24:4

Иисусым кӣмсиқӣ: «Кылыңалюси, китумун алңунак пӯҳтыстыхпынаси.

От Марка 13:23

Ынка̄м кылыңалюси! Сямың тамаҳа̄ның уңипа̄тыкыстаӷамси тама̄кут пистыхпынаки».

От Марка 13:33

Кылыңатык, ўа̄кнаниҳпынаси қаюҳлъяк налъюкаҳси қакун тагилъыҳқа̄.

От Марка 13:9

Иўырңа лъпыси кылыңалюси. Тугулюси агӷистынун агля̄лъықӣси. Синагогани кахсягмихлъықӣси. Хўаңа апалъюқлъюңа ныкывылъықуси сивуңитни иглыӷутистытлъю, умӣлгытлъю уңипаҳтыңулюси Пинилӷӣның Уңипаның.

От Луки 21:8

Кӣмсиқӣ: «Кылыңатык, пӯҳтыстыхпынаси, қаюҳлъяк угляқ тагинақңӯқ а̄тқа атуқлъюку хўатын пимаӷмың: “Хўаңа Христосыңӯңа!” пӣқылъықутлъю: “Пилъыҳқақ ка̄туқ!” Иўырңа малихсяқунаки.

К Римлянам 11:21

Иудеит аваяҳпига̄гут. Кияӷныӷым айымтыкақутаңаның аваяҳпига̄т, та̄ўа лъпысилъю айымлъықӣси уқфигмың нагныӷунъыӷилъкуфсигу ухпылъыҳси.

1е Коринфянам 10:12

Ынка̄м кина алңунак сюмыӷмини пикуми ухпылъыни аӷулӣнъилюку, кылыңали лю̄рақ сыӷлыҳқыся̄ҳтуқ.

К Колоссянам 2:8

Кылыңалюси! Китумун алңунак аӷуляқутыстыхпынаси тымңитхўатхун апыҳтуӷалъҳитхун. Тама̄кут апыҳтуӷалъҳыт югыт сюмыҳтаӷалъҳитның пиңӯт, туӷныӷаӷныңлъю пиңӯт, иглыӷутилӷӣт хўани нунами. Христосымың пиңунӷитут,

1е Фессалоникийцам 1:9

Тамаңани а̄пҳақа̄т упуӷатилъыҳлъяхси хўаңкунъың лъпысинитңулюта. Қӣвуманилюсилъю уңувалӷӣмун Кияӷныпигмун қыпҳа̄нъалюку, пыхлъюки кияӷныңлъяқат.

К Евреям 10:31

Татама̄таӷнапихтуқ кина алңунак ӣханисяҳқақ уңувалӷӣм Кияӷныӷым Нанқихтилъҳым Аӷныӷани!

К Евреям 10:38

Ылъқуӷутңалӷӣт югынка кияҳлъықут ухпықилъыҳқун. Иўырңа китум алңунак пыхтыкумигу ухпықилъыни, уңувасигма ыфқуқна̄нӷита».

К Евреям 12:15

Ысҳа̄макулъюси килъю алңунак лю̄рақ алъхыҳныӷися̄ӷа̄т Кияӷныӷым наңлъыхталъҳа. Нагусяқуна̄нлъю сюңаӷнилңуқ акуқ сыӷлылӣҳқӣлюни на̄фқӣяҳқақ юлӷутмың.

К Евреям 12:22

Иўырңа катам лъпыси тагика̄гуси Сионым найӷаҳанун, қилягым Иерусалимыңанун, ныҳлъяганун уңувалӷӣм Кияӷныӷым. Тагика̄гуси кыстыка̄нӷилңуӷнун яқулыгнун қырңуӷутканун қуялъылиҳлъяглюси.

К Евреям 12:25

Ынка̄м кылыңатык, нагасюнӷитыхпына̄н Кияӷнық акузилӷӣ. Сивунымта нагасюнӷиткақа̄т кылыңася̄ӷилъҳа нунами хўани, ынка̄м анагумаңита̄т аӷью̄ӷилъҳа. Хўаңкута аӷью̄ӷатаӷаҳлъықӣнкутлъю нагасюнӷилъкумтыху кылыңася̄лъҳа қилягмың.

К Евреям 3:1

Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.

К Евреям 3:10

Тама̄кын апалъюқлъюку тама̄кут югыт сякшитыстыкақа̄тңа. Ынка̄м пика̄гуңа: “Ӣўлың ата̄сӣӷмысигатут хўаңамнун, лӣгикигатутлъю натылъюку кияҳтысқысюлъымның.

К Евреям 3:19

Та̄ўа лӣгикаҳпут итыҳпагниңитка̄гут таўавык мыӷна̄ливигмун қаюҳлъяк ухпықынӷилъкаңат.

К Евреям 9:14

Тама̄кут пылюңиӷияқлъыгуката югыт югусӣтның, та̄ўа Христосым а̄ўан ўата пилъықӣ. Пылюңиҳлъықӣ умьюгаси сятңунӷилңуӷның ухпықилъыӷның лъпысинун қыпҳа̄тысқылъюку уңувалӷӣ Кияӷнық. Кынлыңилңӯгныкун Таӷныӷагныкун, Христос сыӷлыҳқылъҳилңуқ, тӯныхка̄гуқ лъңаның катам Кияӷныӷмун аҳқутңулюни.