К Евреям 3:1 - Новый Завет на эскимосском языке

¹ Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.

К Евреям 3:1 Iomraidhean Croise

От Иоанна 17:3

Югыт кынлыңилңуӷмың уңувалъыңақут лӣтылъыӷмыхтыхун лъпык, та̄наңинаҳақ Кияӷныҳпигақ, лӣтылъыӷмыхтыхунлъю Иисус Христос лъпык каяхтыкан.

От Иоанна 20:21

Та̄хкын Иисусым пиля̄тақӣ: «Ныкыхмылъық лъпысинилъи. Катам таўатын Атам каяхтылъҳатун хўаңа, таўатыҳпигақ каяхтамси».

От Иоанна 20:27

Та̄хкын Фома пика̄: «Ысҳаӷлюки ӣхынка ся̄фтики, ся̄фтигулъю сяника. Айгуӷитиқыфқа̄выгңам, ухпыӷи».

Деяния 1:15

Та̄хкын қафсинат аӷныӷыт атуӷлюки ухпықат қырңуӷуткат, ынтақун 120ңӯт. Таўани Петырым ныкывлюни пикӣ:

К Римлянам 11:17

Иудеит пӣтысиӷақастун маслинам уқфигатун аюқут иляңи авая̄н айымтыкат. Лъпыси язычнигни аваястун аюқуси айымтыкат пӣтысиӷалъҳилңуӷмың маслинам уқфиганың. Та̄мың уқфигмың, китум тугулюку аваяқ ныкыхтыкумигу пӣтысиӷақамун маслинам уқфиганун, алъхыӷусяҳқа̄гуқ акум мыся̄ның пӣнъапихлъыҳӣмың.

К Римлянам 15:27

Қуякусиқлъюку таўатын пика̄гут. Та̄кут язычнигыт асыңымӣт Иудеит қаюҳлъяк алъхыӷутка̄лӷӣт Кияӷныӷым қуястилъҳаның лъңитхун. Ынка̄м язычнигыт каюсиӷьяҳқақӣт Иудеит ухпықӣт Иерусалимымылңӯт туюӷлюки манимың.

К Римлянам 15:8

Амынқун Христос қыпҳаҳтыңуҳтыка̄лӷӣ Иудеянун лӣгикысқылъюки Кияӷнық ӣўлың ипапӣқуқ. Тама̄кын апалъюқлъюку Иудеит лӣсимакңўа̄ӷа̄т Кияӷныӷым пияҳқақӣ акықусяқыхкани сивунӷитнун.

К Римлянам 9:24

Талўа хўаңкуталъю туқлъюқақӣнкут, нака̄н Иудейяңинаӷның иўырңа язычнигныңлъю.

1е Коринфянам 1:2

Письмоӷақуңа Кияӷныӷым ухпыҳтыңитнун Коринфымылңуӷнун, Кияӷныӷым а̄фтыка̄нун юкналюси Христос Иисусыкун. Накмикыхкақӣсилъю пылюңитысқылъюси малигулъюси юлӷутыҳлъягнун тамаңанилңуӷнун, юӷақаюгнун Атанымнъун Иисус Христосымун, қамахтыңъўа̄ӷлюта Атанқаҳпут.

1е Коринфянам 10:17

Нықыкшаңлъяқ а̄вгуқа̄ӷңа̄ӷми ата̄сӣгуқ. Угляҳлъягьяӷңа̄мта, ата̄симың та̄хкын ныӷақукут. Ынка̄м кылгутақа̄ налиӷнықуӷнилюта ата̄симун югусимун.

1е Коринфянам 9:23

Таўатын пӣқуңа нагақӣсқықыҳлъюки Пинилӷӣның Уңипаның, қаюҳлъяк қуястылъыңақылӷӣңалъю ухпықынӷатху Христос.

2е Коринфянам 1:7

Ынка̄м сиӷимакилъыҳпут лъпысинун аӷулӣтуқ; лӣсимакаҳпут та̄на катам илятңалъыҳпысигун икфиқылъымнъун, лъпысилъю илятңа̄си каюсилъыӷмун алъхыҳтыкамнъун.

2е Коринфянам 9:13

Тӯньяҳқаҳпысигун ипапиҳқылъықуси ухпықиңанилюсилъю, қа̄ткутңанилюсилъю Пинилӷӣнун Уңипа̄нун Христосым. Тама̄кын апалъюқлъюку югыт усюқылъықа̄т Кияӷнық. Усюқылъықа̄тлъю иӷлылъңунаси тӯнилъыҳпысиның Иерусалимыӷмӣнунлъю, иляңитнунлъю.

К Ефесянам 3:6

Хўатытуқ успықылъҳа: язычнигыт ухпықилъыӷмыхтыхун Пинилӷӣның Уңипаның илясима̄т Иудеянун Кияӷныӷым қуястылъҳанун. Налиӷнықа̄ҳсимӣ ата̄сим югусим, ынка̄м илятут Кияӷныӷым акықуся̄нун Христос Иисусыкун.

К Ефесянам 4:1

Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун.

К Ефесянам 4:4

Ата̄сӣгуқ югусиқ, ата̄сӣгуклъю Таӷныӷак, катам таўатын ата̄симун сиӷималъыӷмун Кияӷныӷым тахсиӷӣси.

К Филиппийцам 3:14

Ынка̄м таклъяӷрукытун килга̄қуңӯңа кая̄лъқӣсиқналюку акилыҳтӯсяқ, Кияӷныӷым туқлъю̄тка̄нун памавык Христос Иисусыкун.

К Колоссянам 1:12

Ынка̄м қуямалъылиҳлъяглюси игамсиқаюгвикылъықаҳси Ата. Лъңаңулӷӣ лъпысинун ныңилгутыстикақ сямың тамаҳа̄ның акықусяқыхкаминың тӯнылъықнилюки юни кияҳлъыҳӣт ниӷугми.

К Колоссянам 1:22

Иўырңа Кияӷныӷым илялӣӷунъықихтыстӣси лъңанун Иӷныӷми югусӣн туқулъҳакун. Таўатын пика̄гуқ тагинъалюси наю̄тңалъыӷминун аглыӷнаӷлюси, пылюңилъюси, авутңилъюсилъю.

К Колоссянам 3:12

Кияӷныӷым юкӣси аглыӷналӷӣт, пиниқыпихтӣсилъю. Накмикыхкақӣси. Ынка̄м наңлъыхтаӷлюси, наңлъыкилюси, қусывыхлъюси, якуқлъюси, нуқынъыҳтулюсилъю.

1е Фессалоникийцам 5:27

Қылӷамси Атанӷым пилъыҳқалитылъҳакун укут посланият атиҳтӣсқылъюки тамаҳӣтнун ухпықа̄лгутыхпысинун.

2е Фессалоникийцам 1:11

Ынка̄м қӯнпың юӷа̄ткақамси хўатын: Кияӷныӷым апыӷлиси кияҳтыңъунилюси лъми кияҳтысқысюлъыӷмитун. Аҳтуӷьяҳқа̄нӷилъыӷмикунлъю на̄михлъигу қамахлъюку пиюкылъыҳси пинилъыӷмун, қыпҳалъҳилъю ухпықилъыҳпыси.

2е Фессалоникийцам 2:14

Таўатын кияҳта̄лъыӷмун Кияӷныӷым тахсиқақӣси Пинилӷӣтхун Уңипатхун уңипақыхкамыхтыхун; тагисқақӣси пилӣтысқылъюку ныңиҳқаҳси пиниӷналъҳа Атанымта Иисус Христосым.

1е Тимофею 6:12

Пилъюўа̄тигу ухпықилъық қаюҳлъяк таўатын пилъюўалъық пинилӷӣңӯқ. Тугугулъю кынлыңилңуқ уңувалъық. Кияӷныӷым тахсиқақа̄тын тугуклъӣсқылъюку та̄на уңувалъық а̄пҳақңавгу ухпықилъҳын ухпықалӷутнун.

1е Тимофею 6:2

Қыпҳаҳтыля̄ӷыт пилӣтистыңит ухпықа̄лгутңуката сӣвакатаӷаӷлитки қаюҳлъяк ухпықа̄лгуткыхкаңит. Ынка̄м қыпҳа̄таӷаӷлитки қаюҳлъяк каюсӣңўӣт ухпықа̄лгутытың пиниқыхкатың. Тама̄кут апыҳтӯсяқикилъю, уңипақикилъю.

2е Тимофею 1:9

Кияӷныӷым югуликақӣлъю, накмикыхкақӣлъю пылюңитысқылъюта. Таўатын пика̄гуқ апалъюқлъюки лъми катам успықылъынилъю, пиниқилъынилъю, нака̄н қыпҳалъыҳпут апалъюқлъюку. Пиниқыхкақӣлъю Христос Иисусыкун сивутҳулъюку пӣнлилъыҳқа̄н нунам.

2е Тимофею 2:7

Сюмыҳта̄ӷа̄ткики сямың пилъҳынка қаюҳлъяк Атанӷым лӣгиксягутыслъықа̄тын сямың тамаҳа̄ның.

К Евреям 10:19

Тама̄кын апалъюқлъюку, ухпықа̄лгутымни, алиңылъңуна̄мта итылъыҳқаңукут Аглыӷналъыҳпигаӷмун а̄ўакун Иисусым.

К Евреям 10:21

Священнигалыхлъя̄гӯкутлъю иглыӷутилӷӣмың Кияӷныӷым мыңтыӷа̄ның.

К Евреям 10:23

Йықай ата̄сӣӷмылъюта сиӷималъыӷмытыкыста̄лъта хўаңкунъун пикникамнъун, қаюҳлъяк ухпықаҳпут Кияӷнық ата̄сӣӷмытуқ ынка̄м пияҳқақӣ акықусяни.

К Евреям 13:22

Ухпықа̄лгутымни, нагатңўа̄қаҳтыки посланиянка қаюҳлъяк кайымьюгақамси. Тама̄кын апалъюқлъюку такыста̄ҳа̄люку письмоӷамси.

К Евреям 2:11

Иисусым пылюңиҳсяқақӣ югыт сыӷлыҳқылъҳитның. Ынка̄м лъңалъю тама̄кутлъю пылюңиҳсяқӣ, қамахлъютың Атака̄т Кияӷнық. Тама̄кын апалъюқлъюку Иисусым кайңукигатӣ атиӷьяҳқа̄люки аңлыгутңулюки.

К Евреям 2:17

Тама̄кын апалъюқлъюку Кияӷныӷым Иисус лъӣҳтыстыңъўа̄ӷьяҳқақа̄ хўаңкутыстун. Таўатын қыпҳа̄сяқлъыгўа̄ Кияӷнық Первосвященнигулюни, наңлъыхтаӷлюнилъю, ата̄сӣӷмылъюнилъю. Ынка̄м тӯнияқлъыгуҳтыка̄гуқ аҳтутмың Кияӷныӷмун сыӷывутысқылъюки югыт сыӷлыҳқылъҳит.

К Евреям 3:12

Ухпықа̄лгутымни кылыңалюси, сыӷлыӷмың сюмыҳтаӷалъыӷныңлъю, ухпынӷитылъыӷныңлъю, иқитутыстыхпынаси уңувалӷӣмың Кияӷныӷмың.

К Евреям 3:14

Иўырңа ата̄сӣӷмылъкумта уңувалъымта кынлыңанун, ныӷьюклъюку Кияӷнық ухпыӷьюхўа̄лъымтыстун, та̄ўа Христосым пилгуткылъықӣлъю лъми пиминың.

К Евреям 6:20

Таўавык Иисус ӣтқа̄гуқ сивумнъи хўаңкута апалъюқлъюта. Первосвященнигуңуҳтыка̄гуқ қӯнпырухлъягмун, Мелхиседекым священнигаңумалъҳатун.

К Евреям 7:26

Иисус Первосвященнигуңӯқ тӯникаюк сямың аклъюкыхкамнъың. Аглыӷнаҳтуқ, авутңитуқ, пылюңитуқ, а̄фтыңъа̄қ сыӷлыҳқыстының, Кияӷныӷым қӯлвақақа̄ қулиҳпигаӷмун қилягмун.

К Евреям 7:28

Лӣлиҳтӯсяни игақңа̄қ югыт накмӣӷьяҳқа̄нилюки первосвященнигакаҳқамың сыӷлыҳқыхкаюгуӷңа̄н алңунак югыстун. Киңуңаның Кияӷныӷым апылъҳан Лӣлиҳтӯсят Моисейемун, тахталми та̄кўани алъяңуҳсяҳқа̄нӷилңуӷмың акықика̄гуқ. Та̄хун акықилъыҳқун Кияӷныӷым Иӷныни Первосвященнигуңуҳтыстыкақа̄, афкуяңуна̄н, қӯнпырухлъяк.

К Евреям 9:11

Христос тагӣқңами Первосвященнигуңулюни, тагиткақӣ қамахлъюки пинилӷӣт қуястилъҳыт хўа̄ ма̄тын хўа̄нлыңӯт. Ӣтқақа̄ скиния қилягмылңуқ, мыгнунаӷатаӷалӷӣлъю пиниӷатаӷалӷӣлъю нунамылңуӷмың скиниямың. Қилягмылңуқ скиния югыт улима̄қынӷита̄т ынка̄м нунам пикынӷита̄.

К Евреям 9:15

Ынка̄м Христосым тагиткақа̄ Кияӷныӷым акықусяӷраӷа̄ югнун туқлъюқа̄нун. Христос таўатын пика̄гуқ лъңитнун алъхыҳтысқылъюку кынлыңилңуқ пагитақ Кияӷныӷым акықусяқыхка̄ лъңитнун. Алъхыҳлъықӣт пагитат қаюҳлъяк Христосым туқуматкыхкақыхкаңи. Ынка̄м югыт кияҳтыкат акықусяқсюхўа̄ӷми, итымума̄т сыӷлыҳқылъыӷмыхның.

1е Петра 2:9

Иўырңа лъпыси югни накмикыхка̄гуси, умӣлгым священнигакӣси, а̄фтыка̄гуси югни, Кияӷныӷым лъңан катам юкӣси. Накмикыхка̄гуси а̄пҳысқылъюки алъя̄ҳлъюхўа̄т аныӷныҳқилъҳи Кияӷныӷым, тахсиӷикақ лъпысиның мамлыхлъягмың лъми катам алъя̄ҳлъюхўаӷмун ниӷугминун.

1е Петра 3:5

Сивунӷани агани, аӷнат манигӯткаюгыт Кияӷныӷмун пиниӷнаҳсяқаюгӯт илюмыхтыхун, қусывыхлъылиӷлютың, ныкыхмылъылиӷлютыңлъю. Ныӷьюкыхкақа̄т Кияӷнық, қа̄ткыхкақӣтлъю угитың.

1е Петра 5:1

Сямың пӣҳсюганка Пынъиниҳат юӷаӷвихпысинилңӯт. Хўаңалъю пынъиниҳагуңа, ысҳапакақыхкыхкалъю Христосым икфиқылъҳа, илясяҳқа̄гуңалъю Христосым а̄ңылъыҳлъяганун Кияӷныӷым алӣҳтыкагу.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.

1е Иоанна 1:3

А̄пҳаҳпут лъпысинун сяңўа̄ ысҳақаҳпутлъю, нагаткаҳпутлъю илятысқылъюси хўаңкунъун, илятңалъымнъунлъю Атамун, Иӷныӷанунлъю Иисус Христосымун.

От Иуды 1:1

Укут посланият Иудамың пиңӯт, Иисус Христосым қыпҳаҳтыңаның, Иаковым уюӷа̄ның. Письмоӷақуңа Кияӷныӷым накмикыхкӣтнун. Кияӷныӷым Атамта пиниқӣси, Иисус Христосымлъю афлъыңакақӣси.

Откровение 17:14

Ынка̄м пилъюўаҳлъықа̄т Пынъӣӷаҳақ. Иўырңа Пынъӣӷаҳа̄м кая̄лъқылъықӣ қаюҳлъяк Атанқыхкаңат атанӷыт, Умӣлъкыхкаңатлъю умӣлгыт. Пынъӣӷаӷаӷмылңӯт туқлъюқа̄гут, накмикыхка̄гут, ата̄сӣӷмылңӯгутлъю».

Откровение 18:20

Та̄хкын қилягмың кина пӣқ: «Ка̄й қилягмылңуӷни, қуякитыху қаюҳлъяк Кияӷныӷым на̄фқа̄ Вавилон! Қуятык Кияӷныӷым югитни, апостолыни, ӯкналиқистынилъю! Кияӷныӷым аӷью̄ӷа̄ қаюҳлъяк сыӷлытун пикақыхкаңиси!»