К Евреям 2:9 - Новый Завет на эскимосском языке

⁹ Иўырңа ысҳаӷаҳпут Иисус! Кияӷныӷым натыңӣҳақ укаваҳтыстыкақсяӷа̄ яқулыгның. Ма̄тын ысҳаӷаҳпут қаҳпалюни ниӷуҳқылъыӷмыңлъю, қӯлвалъыӷмыңлъю қаюҳлъяк икфиқлъюни туқука̄гуқ. Кияӷныӷым пиниқылъҳа апалъюқлъюку, Иисус туқука̄гуқ тамаҳа̄нун.

К Евреям 2:9 Iomraidhean Croise

От Матфея 16:28

Ипа уңипа̄тамси, хўа̄нлыңӯт иляхпыси уңувалъыӷмыхни ысҳаӷьяҳқақа̄т Иӷныӷа Югым тагилӷӣ Умӣлгулюни».

От Матфея 6:28

Сяңан нулъқавӣхтақыстык а̄сяҳқамың? Ысҳақаҳтыкиқун пӣтысиӷа̄т пӣтылъҳит, қыпҳӣгатут талўа а̄ткаңлъӣгатут лъңитның.

От Марка 9:1

Нагныӷуткӣлъю хўатын: «Ипа уңипа̄тамси, иляси ныкывӷалъҳӣт хўани туқуна̄нӷитут кынляңа ысҳалъыӷмыхнун Атаныҳпагулъҳа Кияӷныӷым тагикан аҳтуӷьяҳқа̄нӷилъыҳтӯмаӷми».

От Луки 9:27

Иўырңа ипа уңипа̄тамси, иляси ныкывӷалъҳӣт хўани туқуяҳқа̄нӷитут кынляңа ысҳалъыӷмыхнун Атаныҳпагулъҳа Кияӷныӷым».

От Иоанна 1:29

Уна̄миңани Иоанным ысҳаӷлюку Иисус тагилӷӣ лъминун югыт пикӣ: «Ӣи, та̄ната Пынъӣӷаӷа̄ Кияӷныӷым иқитияҳқақ сыӷлыҳқылъҳаның нунам юган.

От Иоанна 10:17

Атам пиниқа̄ңа қаюҳлъяк уңувалъқа тӯньюкыстаӷлюку аюқақа выҳнықихналюку.

От Иоанна 12:32

Хўаңа кывылъыңыхкума нунамың, та̄хун тагиляӷа̄тыслъықақа қамахлъюку ю̄к хўаңамнун».

От Иоанна 3:16

Кияӷныӷым пиниқыпихтутминың нунам юга тӯныхка̄ кызымаҳақ Иӷныни. Иӷныӷа китум алңунак ухпықыхкумигу туқуна̄нӷитуқ, иўырңа алъхыҳлъықа̄ кынлыңилңуқ уңувалъық.

От Иоанна 8:51

Ипа уңипа̄тамси, китум алңунак қа̄ткыхкумики апыҳтуӷилъҳынка, туқуна̄нӷитңўа̄ҳтуқ».

От Иоанна 8:52

Иудеит пика̄т Иисус: «Та̄ўа лӣтамкын туӷныӷалгуфтутын илюхпыни. Талўа Авраамылъю, ӯкналиқистытлъю туқуляӷа̄тка̄гут. Иўырңа лъпык пӣтын: “Китум алңунак қа̄ткыхкумики апыҳтуӷилъҳынка, туқуна̄нӷитңўа̄ҳтуқ”.

Деяния 2:33

Кияӷныӷым ныкыхтыкақа̄ Иисус аӷынқигныӷмикун, таўатын қӯлвақақа̄. Акықылъыӷмитун Иисус, тӯныхкақа̄к Аглыӷналӷӣк Таӷныӷак лъңанун, ынка̄м Иисусым хўаңкунъун тӯна̄к. Тама̄кут сяӷӣӷаналӷӣт ысҳақыси, нагаскыси Таӷныӷам аҳтуӷьяҳқа̄нӷилъҳакун пилъҳӯт.

Деяния 3:13

Авраамылъю, Исаакылъю, Иаковылъю, сивунымталъю қамахлъютың манигуқӣта Кияӷныӷым қӯлваӷа̄ Қыпҳаҳтыни Иисус. Иўырңа лъпыси агля̄ткақаҳси Пилатымун нанқихтысқылъюку, иҳсякыхкақаҳсилъю Пилатым итымусюгақңагу.

К Римлянам 5:18

Апалъюқлъюку Адамым ата̄сиқ сыӷлыҳқылъҳа, Кияӷныӷым нанқихтыкақӣ қамахлъюки югыт аӷью̄ӷьяҳқа̄люки. Таўатыҳпигақ апалъюқлъюку Христосым ата̄сиқ ылъқуӷутңалӷӣ пилъҳа Кияӷныӷым налъҳусяӷӣ қамахлъюки югыт ылъқуӷутңалъыӷминун, тӯнӣлъю уңувалъыӷмың.

К Римлянам 5:8

Иўырңа Кияӷныӷым кылгуткақа̄ пиниқылъыни хўаңкунъун, паниның сыӷлыҳқыстыңулюта Христосым туқуматкыхкақӣлъю!

К Римлянам 8:3

Моисейем Лӣлиҳтӯсӣ таўатын пипагниңитут қаюҳлъяк югусимта пиюкылъҳита кая̄лыҳқыхкақӣ Лӣлиҳтӯсят. Иўырңа Кияӷныӷым пикақа̄ Лӣлиҳтӯсят пипагниңитка̄т. Каяхтыкақа̄ лъми катам Иӷныни нунамун сыӷлыҳқумалӷӣтун юхтун аюқлъюку. Тӯныхкақа̄ Иӷныни аҳқутңулюку сыӷлыҳқылъымнъун. Таўатын нанқихтыкақа̄ сыӷлыҳқылъық югусимылъюку,

К Римлянам 8:32

Иӷлыкумаңита̄ лъми катам Иӷныни; итупилъ тӯныхкақа̄ аҳқутңулюку тамаҳамнъун! Кияӷныӷым тӯнумакаңилъю Иӷныӷминың, та̄ўа лъңакун иӷлыхпынани тӯнылъықӣлъю сямың тамаҳа̄ның.

2е Коринфянам 5:15

Христосым туқуматкыхкақӣ қамахтыңъўа̄ӷлюки югыт. Ынка̄м кияҳлъыҳӣт кияҳсяқлъыгулъықут лъңанун, нака̄н лъмыхнун катам. Туқулюни уңуваҳтыка̄гуқ лъңит апалъюқлъюки.

2е Коринфянам 5:21

Христос сыӷлыҳқумаңитңўа̄ҳтуқ, иўырңа сыӷлыҳқылъымнъун Кияӷныӷым аӷью̄қақа̄ сыӷлыҳқыхка̄люку. Ынка̄м Христосыкун Кияӷныӷым ылъқуӷутңаңлъяқақӣлъю.

К Галатам 4:4

Иўырңа Кияӷныӷым накмикыхка̄ аӷнық ка̄сян каяхтыка̄ Иӷныни, алъхықақ аӷнакун. Лъңан қа̄ткыхкақӣ Лӣлиҳтӯсят

1е Тимофею 2:6

Лъминың тӯныхка̄гуқ аҳқутңулюни итымунъалюки сыӷлыҳқылъҳитның қамахлъюки югыт. Та̄наңӯқ пилъыҳқаҳлъюўа̄қ Кияӷныӷым кылгутилъҳа югулилъыңысюгнилюки югыт қамахлъюки.

К Евреям 1:9

Пиниқан ылъқуӷутңалъық, угумикан анахутңалъық. Тама̄кын апалъюқлъюку Кияӷнық, Кияӷныҳпык накмикума̄тынлъю, қӯлва̄ма̄тынлъю пакихулъюку иляхпының. Ынка̄ңам қуястиҳлъяхтуқ аңиҳақатынлъю мысӣӷмың».

К Евреям 10:5

Тама̄кут апалъюқлъюки Христос тагӣқңами нунамун пикақа̄ Кияӷнық: «Аҳтутыюгумаңитутынлъю, тунусяӷьюгумаңитутынлъю, иўырңа ята̄ҳқыхкақан югусиқ хўаңамнун.

К Евреям 11:5

Ухпықилъыҳқун Енох маю̄тыстыка̄гуқ қилягмун ынка̄м нанӷӣлъҳита̄ туқулъық. Китум алңунак на̄лъкылъҳита̄ қаюҳлъяк Кияӷныӷым тугукақыхкаңа. Маюлъҳилъюни қилягмун, игақңака̄гуқ Енохым ыфқуҳтыкақа̄ Кияӷнық.

К Евреям 12:2

ысҳа̄маклъюку Иисус, пӣнлиӷистыңалъю, апыӷӣӷистыңалъю ухпықилъымта. Кайңунаҳтуқ туқулъыҳқақ қақӯракун, иўырңа Иисусым пикаткумаңита̄ кайңусяӷа̄тылъық. Йыӷлыги накмӣқа̄гуқ икфиқналюни қақӯракун апалъюқлъюку қуялъық алъхыҳсяҳқани. Ынка̄м ма̄тын ақумга̄қ аӷынқигныӷани Кияӷныӷым.

К Евреям 2:7

Улима̄қан укавақа̄нлъюку яқулыгның, қаҳпалиқақан ниӷуҳқылъыӷмыңлъю, қӯлвалъыӷмыңлъю,

К Евреям 7:25

Тама̄кын апалъюқлъюку Иисусым ӣўлың югулияқлъыгўӣ Кияӷныӷмун аглялӷӣт лъмикун, қаюҳлъяк қӯнпың уңуваңӯқ манигӯтунъалюки тама̄кут Кияӷныӷмун.

К Евреям 8:3

Тамаҳаӷми первосвященнига накмикыхка̄гуқ тӯнисқылъюку тунусяның, тыӷикусяныңлъю аҳқыша̄ӷысқылъюку Кияӷныӷмун. Ынка̄м Первосвященнигывутлъю сямың тӯньяҳқалгуяҳқа̄гуқ Кияӷныӷмун.

1е Петра 1:21

Христосыкун ухпықаҳси Кияӷнық. Лъңан уңуваҳтыкақа̄ Христос туқулъыӷмың, қӯлваҳлъякақа̄лъю. Тама̄кын апалъюқлъюку ухпықилъыҳси, сиӷималъыҳси Кияӷныӷмун аюқуқ.

1е Иоанна 2:2

Лъңаңӯқ иқитусиқ сыӷлыҳқылъымнъун, хўаңкуңина̄мта сыӷлыҳқылъымнъун пиңунӷитуқ, иўырңа тамаҳаҳлъяган югым сыӷлыҳқылъҳанун аюқуқ.

Откровение 19:12

Ӣскык кумаӷулъҳатун кынӷым аюқлъютык, на̄сқумикун қаҳпалӷутылгуфтуқ. А̄тҳа лъңакун игақңафтуқ китум алңунак налъюкыхкаңа иўырңақун лъңина̄н.

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.