К Евреям 2:3 - Новый Завет на эскимосском языке

³ Ынка̄м иҳсякумакумтыху Кияӷныӷым югулиӷилъыҳлъяга анахпагниңитаҳпут аӷью̄ӷилъыҳқа̄. Атанӷым апыӷьюха̄қақа̄ та̄на югулилъық. Та̄хкын тама̄кут нагақӯткат лъңаның, ипапиҳқа̄т хўаңкунъун.

К Евреям 2:3 Iomraidhean Croise

От Матфея 23:33

Нымыӷьяни лъпыси, авақутӣтни нымыӷьят! Кияӷныӷым нанқихтыкаңиси аӷью̄ӷьяҳқа̄нилюси, натын анагнақыстыху аӷью̄лъыҳқаҳси геенами?

От Матфея 4:17

Галилеямун утыӷнилъыӷминың кынлыклъюку Иисусым пӣнлиқа̄ уңипақилъыни: «Авутыҳқылъюси сыӷлыҳқынъаниҳтык, қаюҳлъяк Атаныҳпагулъҳа Қилягым ка̄сяҳтӯма̄қ».

От Марка 1:14

Тахталми та̄кўани киңуңаның Иоанным анусимиңлъялъҳан, Иисус Галилеялъюни уңипақикақ Пинилӷӣның Уңипаның Кияӷныҳтаның.

От Луки 1:69

Ята̄ҳқутӣлъю Югулиӷистыҳлъягмың, қыпҳаҳтыми Давидым киңунӷаның.

От Луки 24:19

А̄птыкакык: «Сяңўа̄ ся̄?» Кӣмсиқа̄к: «Иисус Назаретыӷмӣ акузикуткақаҳпут. Ӯкналиқистыңуяҳтуқ, қыпҳалъҳилъю, апыҳтуӷилъҳилъю аҳтуӷьяҳқа̄нӷисяҳтут Кияӷныӷмилъю, югнилъю.

От Иоанна 15:27

Лъпысилъю уңипақылъықаҳпысиңа югнун, қаюҳлъяк хўаңамнитка̄лӷӣси қыпҳаӷьюхўа̄лъҳаның има».

Деяния 2:22

Израилыӷмӣни, нагатаҳтыңъа, лӣсимакыхкаҳси Назаретыӷмӣ Иисус, угля̄пихлъюку алъя̄ҳлъюхўаҳтиҳлъяга̄тақа̄лӷӣ. Кияӷныӷым таўатын пистыкақа̄ аҳтуӷьяҳқа̄нӷилъыӷмикун лъпысинун лӣтысқылъюку лъңанун накмикыхкақутни.

Деяния 4:12

Ынка̄м Кияӷныӷым каяхтыкақа̄ нунамун, лъңинаҳа̄гуқ югулиӷияҳқақ. Алъя натын ю̄к югулилъыңна̄нӷитуқ иўырңақун а̄таӷакун Иисусым».

К Римлянам 11:14

Апыҳтуӷилъымкун лъпысинун ақинасналюки пӣнка Иудеялгутынка, иляңи югулилъыңысқылъюки.

К Римлянам 2:3

Иўырңа нанқихтақатын анахулъҳӣт, нақамлъю лъпык катам пӣқа̄тын тама̄кут ата̄сит анахутылъҳыт. Ынка̄м сюмыҳпынӣ анагьяҳқа̄нилюку пизигӯ Кияӷныӷым нанқихтилъҳа?

1е Коринфянам 1:21

Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.

1е Фессалоникийцам 5:3

Югыт хўатын пималюки: «Ныкыхмылъылгӯкутлъю, пақнӣтукутлъю», на̄фқылъҳым ка̄тқаҳлъықӣ катам аӷнам иӷниюлъҳан ақниҳқылъҳатун. Югыт анагна̄нӷита̄т та̄на на̄фқылъық.

1е Тимофею 1:15

Сямың пилъыҳқақа ипаңӯқ ынка̄м қамахлъюни ухпықсяҳқа̄гуқ: «Христос Иисус тагика̄гуқ нунамун югулиналюки сыӷлыҳқыстыт». Хўаңа сыӷлылъыҳпига̄гуңа сыӷлыҳқыстының.

К Титу 2:11

Таўатын кияҳсяҳқа̄гукут қаюҳлъяк Кияӷныӷым алӣҳтыкақа̄ пиниқылъыни югулилъыңысқылъюку ю̄к тамаҳа̄н.

К Евреям 1:1

Сивунӷани агани угляӷлюкулъю, алъя̄ҳӣна̄люкулъю Кияӷныӷым алыҳқуқақӣ сивуныпут ӯкналиқистытхун.

К Евреям 1:14

Сяңа̄ўанңам яқулгыт? Қамахлъютың таӷныӷа̄гут қыпҳа̄тилӷӣт Кияӷныӷмың, каяхтақӣлъю каюсӣтысқылъюки тама̄кут югулилъыңьяҳқат.

К Евреям 1:2

Иўырңа укуни киңулиӷни аӷныӷни алыҳқуқақӣлъю Иӷныӷмикун. Лъңакун Кияӷнық нунаңлъяқа̄гуқ, накмикыхкақӣлъю пилӣтысқылъюку сяңўа̄ тамаҳа̄н.

К Евреям 12:25

Ынка̄м кылыңатык, нагасюнӷитыхпына̄н Кияӷнық акузилӷӣ. Сивунымта нагасюнӷиткақа̄т кылыңася̄ӷилъҳа нунами хўани, ынка̄м анагумаңита̄т аӷью̄ӷилъҳа. Хўаңкута аӷью̄ӷатаӷаҳлъықӣнкутлъю нагасюнӷилъкумтыху кылыңася̄лъҳа қилягмың.

К Евреям 4:1

Кияӷныӷым акықуся̄ югнун аӷулӣтуқ ӣтҳысқылъюки мыӷна̄ливигминун. Иўырңа алиңылъта лю̄рақ налиҳси нӯҳунъаюкан итыҳпынани мыӷна̄ливиганун.

К Евреям 4:11

Тама̄кын апалъюқлъюку итыӷнақыҳлъягылъта Кияӷныӷым мыӷна̄ливиганун. Қа̄ткынӷитыфқа̄н пилътыху Кияӷнық сивунымта пилъҳистун.

К Евреям 5:9

Апыӷӣӷьягу қамахлъюку Кияӷныӷым писқылъҳа, Иисусыңуҳтуқ кынлыңилңуӷмың югулилъыңыстияҳқақ тамаҳа̄нун қа̄ткулъҳӣнун лъңанун.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

1е Иоанна 1:1

Та̄на пӣнлиӷьюхўа̄лъыӷмың аюқылӷӣ: нагақуқаҳпут, ысҳақаҳпут хўаңкута катам ийымнъың, ысҳапакаҳпут, ся̄фтыкаҳпут ӣхымнъың, та̄наңӯқ Акузин уңувалъық.

От Иуды 1:17

Пиниқыхкамни, нықамиклъюки Атанӷым Иисус Христосым апостолыңита а̄пқӣт сивунӷани.

Откровение 7:10

Акилӷӯтыҳлъяхтут: «Югулилъық Кияӷнымта пика̄ умӣлгусигни ақумутагни ақумгалӷӣ, Пынъӣӷаҳа̄млъю!»