К Евреям 2:11 - Новый Завет на эскимосском языке

¹¹ Иисусым пылюңиҳсяқақӣ югыт сыӷлыҳқылъҳитның. Ынка̄м лъңалъю тама̄кутлъю пылюңиҳсяқӣ, қамахлъютың Атака̄т Кияӷнық. Тама̄кын апалъюқлъюку Иисусым кайңукигатӣ атиӷьяҳқа̄люки аңлыгутңулюки.

К Евреям 2:11 Iomraidhean Croise

От Матфея 25:40

Умӣлгым кӣмсиҳлъықӣ: “Ипапыста̄қ уңипа̄тамси, сяңўа̄ алңунак пикаҳси укалиҳпигаӷнун аңлыгутымнун, хўаңамнун пӣқаси!”

От Матфея 28:10

Та̄хкын Иисусым пики: «Алиңыхпынатык. Уңипа̄сяҳтуҳтыки малиҳся̄ҳтынка аңлыгусӣтканка, Галилеямунңуқ агляӷлит та̄ганиңуқ ысҳаҳлъықа̄тңа».

От Марка 3:34

Юхсюӷалюни ақумгалӷӣт пикӣ: «Лъпыси на̄камсилъю, аңлыгуткамсилъю!

От Марка 8:38

Ма̄тын аӷныӷым юги ата̄сӣӷмынъыӷитут Кияӷныӷмун, сыӷлыҳқумаңӯтлъю. Ма̄ни аӷныӷни китум алңунак кайңуягускаңаңа, апыҳтӯсянкалъю, хўаңалъю Иӷныӷани Югым кайңуягулъықақа тагикума аҳтуӷьяҳқа̄нӷилъылиӷлюңа Атамның кылъқылъюки аглыӷналӷӣт яқулгыт».

От Луки 9:26

Китум алңунак кайңукыхкаңаңа, акузитынкалъю, Иӷныӷан Югым кайңукылъықа̄ тагикуми ниӷуҳқылъыӷмикун, ниӷуҳқыңъалъҳитхунлъю Атам, аглыӷналӷӣтлъю яқулгыт.

От Иоанна 17:19

Лъңит апалъюқлъюки хўаңамның а̄фтыка̄гуңа лъпынун, лъңитлъю а̄фтысқылъюки акузитыхпыгун ипапилъыҳқун.

От Иоанна 17:21

Юӷаҳтуңа қамахлъюки ата̄сӣсқылъюки. Ата̄й, йықай илюмтыгнитыстики катам таўатын лъпык илюмнитылъыҳпытун, хўаңа лъпык илюхпынитылъымтун. Илюмтыгнитыстики нунам юганун ухпықысқылъюку лъпынун каяхсиматка.

От Иоанна 20:17

Иисусым пика̄: «Ся̄фтыхпынаңа, сялин майӣгатуңа Атамун. Иўырңа агляӷлютын аңлыгутымнун уңипа̄нъакытын: “Маюӷнақуңа Атамнун, лъпысилъю Атахпысинун, Кияӷнымнун, лъпысилъю Кияӷныҳпысинун”».

Деяния 17:26

Кияӷныӷым улимакақа̄ ата̄сиқ ю̄к, ынка̄м та̄хкын ата̄симың алъхықа̄гуқ алъя̄ҳӣнақ ю̄к нунамылңуқ хўани. Ӣңкырухлъяк ята̄ҳқыхкақӣлъю қакун югыт алъхыӷьяҳқа̄таңи, на̄нилъю кияҳсяҳқа̄таңи.

Деяния 17:28

қаюҳлъяк: “Лъңакун кияҳтыңъӯкутлъю, қапшагӯкутлъю, алъхықа̄гукутлъю”. Талўа иляңи игаңлъяҳтыси хўатын пика̄лӷӣт: “Ипапыста̄қ авақутақӣлъю”.

К Римлянам 8:29

Тама̄куңӯт Кияӷныӷым накмикыкыстақӣ. А̄фтыкақӣлъю Иӷныӷмитун лъӣӷысқылъюки. Таўатын пика̄гуқ Иӷныни алъхыӷьюхўа̄ӷумасқылъюку аңлыгутылӷутаңаның.

К Галатам 4:4

Иўырңа Кияӷныӷым накмикыхка̄ аӷнық ка̄сян каяхтыка̄ Иӷныни, алъхықақ аӷнакун. Лъңан қа̄ткыхкақӣ Лӣлиҳтӯсят

К Евреям 10:10

Иисус Христосым қа̄ткысяқминигу Кияӷныӷым пиюкылъҳа, пылюңиқақӣлъю сыӷлыҳқылъымнъың тӯнылъыӷмикун югусини ата̄сиҳаӷмың қӯнпырухлъяк.

К Евреям 10:14

Та̄хун ата̄сикун аҳтуткылъыҳқун, Христосым қӯнпырухлъяк на̄михтыстыкақӣ пылюңиҳсяқат сыӷлыҳқылъыӷмыхның.

К Евреям 11:16

Йыӷлыги пиюкатаӷақақа̄т пиниӷатаӷалӷӣ нуна, қилягмылңуқ. Ынка̄м Кияӷнық кайңуюгигатуқ Кияӷнықнинӷатни. Талўа ята̄ҳқуткақӣ ныҳлъягмың.

К Евреям 13:12

Тама̄кын апалъюқлъюку Иисусылъю иқитутка̄гуқ ныҳлъягмың. Таўани туқука̄гуқ, пылюңиҳсяӷналюки югыт сыӷлыҳқылъҳитның лъми катам а̄ўминың.

К Евреям 2:14

Та̄кут таӷнуҳа̄т югӯт кымыкшалгутлъю, а̄лгӯтлъю ынка̄м Иисус лъңистун лъӣқа̄гуқ. Таўатын пика̄гуқ туқуналюни на̄фқынъалюку Туӷныӷақ, аҳтуӷьяҳқа̄нӷилъылык туқумун.

К Евреям 3:1

Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.