К Евреям 2:10 - Новый Завет на эскимосском языке

¹⁰ Кияӷныӷӯқ улимаӷикақ сямың тамаҳа̄ның лъңанун, нагныӷастыңъўӣлъю таўатылъюки. Итагнапихтыка̄гуқ Кияӷныӷым пиниҳсяӷўа̄қақа̄ Иисус икфиқылъыҳқун пӣнлиҳтыңулюку югулилъҳитнун. Ынка̄м Иисусым тагисяҳқа̄ҳтыкақӣ юлӷутыт ниӷуҳқылъыӷмун.

К Евреям 2:10 Iomraidhean Croise

От Луки 13:32

Иисусым пикӣ: «Уңипа̄сяҳтуҳтыху та̄на кавӣқ: “Нагатын, аӷныӷми а̄нысқӯгуңа туӷныӷаӷның, на̄лъҳуқӯгуңалъю қинуюлӷӣның. Уна̄милъю таўатыҳпигақ пилъықуңа. Та̄хкын пиңая̄ни аӷныӷым қыпҳақақа апыӷӣҳлъықақа”.

От Луки 2:14

«Усюқнаҳалык Кияӷныӷмун, қилягым ӯсқалъыҳпига̄нилңуӷмун, ныкыхмылъылгулитлъю нунамылңӯт ыфқуқыхкӣ!»

От Луки 24:26

Пика̄гут Христос икфиқыпыста̄ӷлюни туқулъықнилюку итыӷвагилгами ниӷуҳқылъыӷминун».

От Луки 24:46

Пикӣ: «Хўатын игақыхка̄гуқ: “Христос икфиқыпыста̄ӷьяҳқа̄гуқ, та̄хкын пиңая̄ни аӷныӷым уңувапыста̄ӷьяҳқа̄гуқ туқулъыӷмың”.

От Иоанна 11:52

Иудеяңина̄т туқуткыхпынаки иўырңа қамахлъюки Кияӷныӷым авақутӣ миңитңалӷӣт тамаңани туқуткысяҳқақӣ ата̄сӣҳтысқылъюки ныңлъюгуткулъҳӣт.

От Иоанна 19:30

Иисусым на̄сӣӷлюку вино, пикақ: «Та̄ўа апыӷӣҳтуқ». Гӯҳтуткылъюку таӷныӷагни пыхтыкакык.

Деяния 3:15

Таўатын пилъыҳпысигун туқутыстыкақаҳси Уңувалъҳым Алъхыӷвихпига̄, иўырңа Кияӷныӷым уңуваҳтыстыкақа̄ туқулъыӷмың. Лӣсимакңўа̄ӷаҳпут, қаюҳлъяк ысҳақақаҳпут уңувалъҳан киңуңаның ынка̄м апыӷьяҳқақаҳпут.

Деяния 5:31

Ынка̄ңам қӯлваӷналюку Иисус аӷынқигныӷмикун ныкыхтыкақа̄ Иглыӷутистыңулюкулъю, Югулиӷистыңулюкулъю. Таўатын пикақа̄ Израилыӷмӣт авутыҳқысяҳқа̄ҳтысқылъюки сыӷлыҳқынъанӣсқылъюки, қӣвысқылъюки Кияӷныӷмун, сыӷывунъалюкилъю сыӷлыҳқылъҳитның.

К Римлянам 11:36

Сяңўа̄ қамахлъюни лъңаның пиңӯқ, лъңакун пиңӯқ, лъңанунлъю пиңӯқ. Лъңа усюқылъыңли қӯнпырухлъяк! Аминь.

К Римлянам 9:23

Таўатын пика̄гуқ лӣсимакысқылъюку ниӷуҳқылъыҳлъяни наңлъыкыхкаминун. Ята̄ҳқыкыстақақӣ лъңитнун алъхыҳтысқылъюку ниӷуҳқылъыни.

1е Коринфянам 2:7

Пыҳқинылъық апыҳтӯсяқа Кияӷныӷым пыҳқинылъқа̄, налъюка̄т югыт. Югыт налъюкңўа̄ӷьяқаңат та̄на пыҳқинылъық кынляңа Кияӷныӷым лӣтыстылъҳанун. Талўа нунаңлъя̄маңилъюни Кияӷныӷым усюқсяҳқа̄люта пикақӣлъю пыҳқинылъыӷмикун.

1е Коринфянам 8:6

Иўырңа хўаңкута лӣсимакаҳпут ата̄сиҳа̄гуқ Кияӷнық, лъңа Атанӷӯқ. Сяңўа̄ қамахлъюни лъңаның пиңӯқ, кияҳтыңъӯкут лъңанун. Лӣсимакаҳпутлъю ата̄сиҳа̄гуқ Атанық, Иисус Христосыңӯқ. Лъңакун сяңўа̄ қамахлъюни улимака̄гуқ, уңуваңӯкутлъю лъңакун.

2е Коринфянам 3:18

Қамахтыңъўа̄ӷлюта ся̄путаңунаки хинапут ысҳаҳлъықаҳпут ниӷуҳқылъҳа Атанӷым. Та̄на ата̄сиқ ниӷуҳқылъық тагилӷӣ Атаныӷмың Таӷныӷа̄гуқ, алъяңуҳтӣлъю лъңасюгниҳтысқылъюта а̄ңатаӷаӷлюку ниӷуҳқылъыӷмың.

2е Коринфянам 4:17

Сыӷлылӣлъыпут сясқуҳа̄гут мулюяҳқа̄нӷитут. Иўырңа тама̄кут ята̄ҳқутңўӣлъю алъхыҳтысқылъюку Кияӷныӷмың кынлыңилңуқ қуялъыҳлъяк. Ынка̄м сыӷлылӣлъыпут аваңилңуӷыстун аюқут.

2е Коринфянам 5:18

Кияӷныӷӯқ таўатын пикақ. Лъңан илялӣӷутыстыкақӣлъю лъңанун Христосыкун. Қыпҳақалитӣлъюлъю, иляңилъю югыт илялӣӷутысқылъюки лъңанун.

2е Коринфянам 6:18

Атакылъықаҳпысиңа, ынка̄м лъпыси иӷнықылъықамсилъю, паникылъықамсилъю», пӣқ Атанық Аҳтуӷьяҳқаҳа̄нӷилңуқ.

К Галатам 3:26

Ухпықилъыҳпысигун Христос Иисусыкун, қамахлъюси Кияӷныӷым авақутақӣси.

К Ефесянам 2:7

Кияӷнық таўатын пика̄гуқ киңулӣӷаӷнун лӣтысқылъюку пиниқылъыӷрукута̄ҳлъяни хўаңкунъун Христос Иисусыкун.

К Ефесянам 3:10

Та̄хкын қилягнилңӯт: иглыӷутилӷӣтлъю, аҳтуӷьяҳқа̄нӷилъылгытлъю, Кияӷныӷым лӣтыслъықӣ алъя̄ҳӣнаӷмың пыҳқинылъыӷминың. Таўатын пилъықуқ югмикун юӷаӷвигнилңуҳтыхун.

К Колоссянам 3:4

Христос уңувалъқаҳпут. Алӣқан, лъпысилъю алӣлгусиҳлъықаҳси ниӷуҳқылъҳани.

2е Тимофею 2:10

Ынка̄м икфиқусиқсюглюку аюқақа сяңўа̄ тамаҳа̄н Кияӷныӷым накмикыхкӣ югулилъыңысқылъюки Христос Иисусыкун. Югулилъыӷмыхтыхун ниӷуҳқылъыңылъықут кынлыңилңуӷмың.

К Евреям 12:2

ысҳа̄маклъюку Иисус, пӣнлиӷистыңалъю, апыӷӣӷистыңалъю ухпықилъымта. Кайңунаҳтуқ туқулъыҳқақ қақӯракун, иўырңа Иисусым пикаткумаңита̄ кайңусяӷа̄тылъық. Йыӷлыги накмӣқа̄гуқ икфиқналюни қақӯракун апалъюқлъюку қуялъық алъхыҳсяҳқани. Ынка̄м ма̄тын ақумга̄қ аӷынқигныӷани Кияӷныӷым.

К Евреям 6:20

Таўавык Иисус ӣтқа̄гуқ сивумнъи хўаңкута апалъюқлъюта. Первосвященнигуңуҳтыка̄гуқ қӯнпырухлъягмун, Мелхиседекым священнигаңумалъҳатун.

К Евреям 7:26

Иисус Первосвященнигуңӯқ тӯникаюк сямың аклъюкыхкамнъың. Аглыӷнаҳтуқ, авутңитуқ, пылюңитуқ, а̄фтыңъа̄қ сыӷлыҳқыстының, Кияӷныӷым қӯлвақақа̄ қулиҳпигаӷмун қилягмун.

К Евреям 7:28

Лӣлиҳтӯсяни игақңа̄қ югыт накмӣӷьяҳқа̄нилюки первосвященнигакаҳқамың сыӷлыҳқыхкаюгуӷңа̄н алңунак югыстун. Киңуңаның Кияӷныӷым апылъҳан Лӣлиҳтӯсят Моисейемун, тахталми та̄кўани алъяңуҳсяҳқа̄нӷилңуӷмың акықика̄гуқ. Та̄хун акықилъыҳқун Кияӷныӷым Иӷныни Первосвященнигуңуҳтыстыкақа̄, афкуяңуна̄н, қӯнпырухлъяк.

1е Петра 1:12

Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.

1е Петра 5:1

Сямың пӣҳсюганка Пынъиниҳат юӷаӷвихпысинилңӯт. Хўаңалъю пынъиниҳагуңа, ысҳапакақыхкыхкалъю Христосым икфиқылъҳа, илясяҳқа̄гуңалъю Христосым а̄ңылъыҳлъяганун Кияӷныӷым алӣҳтыкагу.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.

Откровение 4:11

«Хўаңкута Атаныҳпут Кияӷныҳпут! Лъпык тугупыста̄ӷьяҳқақатын усюқылъыҳлъягыт, қӯлвалъыҳлъягыт, игамсиқаюлъыҳлъягыт аҳтуӷьяҳқа̄нӷилъыҳпынун. Улимакақутыхпының сяңўа̄ қамахтыңъўа̄ӷлюку, пиюкылъыҳпытун кияҳлъықут ынка̄м алъхыӷулъықутлъю уңувалъыӷмың».

Откровение 7:9

Та̄м киңуңаның ысҳаӷанка угляпыста̄ҳлъягыт юлӷутыҳлъягыт китум алңунак кыстыпагниңилъкаңи! Тамаҳӣтның пиңуфтут нуната̄ның, рамкының, югның, улюныңлъю. Ныкывӷатңуфтут умӣлгусим ақумутам, Пынъӣӷаҳа̄млъю сивухкынкун. Қӣпаӷа̄лъютың қатылӷӣның, тугумӣӷлютыңлъю пальмам уқфиган авайӣтның.