К Евреям 13:4 - Новый Завет на эскимосском языке

⁴ Тамаҳаҳпыси сӣвакитыху ныңуӷутылъық ынка̄м угитлъю, нулиҳытлъю ата̄сӣӷмытулъит. Кияӷныӷым нанқихсяҳқақӣ гылгаӷнӣлӷӣт, тама̄кутлъю иляңаның блудникылъӷит.

К Евреям 13:4 Iomraidhean Croise

1е Коринфянам 6:18

Лӣсимакынӷистыхӯ югусиси Кияӷныӷым Храмкыхкаңи, Аглыӷналӷӣм Таӷныӷахкынка кияҳфиги? Кияӷныӷым тӯныхкақисӣ Аглыӷналӷӣгның Таӷныӷаӷминың, ынка̄м ма̄тын Кияӷныӷым пилӣткақӣси. Лъпысиның пикынӷитуси. Тама̄кын апалъюқлъюку блудыгпынаси. Блудыӷкуфси, нукыхнаҳқылӷӣстун Кияӷныӷым Храмыңа пилъықаҳси. Иляңи сыӷлыҳқылъҳыт таўатынъыӷитут. Кияӷныӷым тукфиқақӣси акитупихлъюку. Тама̄кын апалъюқлъюку қӯлваҳтыху Кияӷнық югусиҳпысигун.

1е Коринфянам 6:9

Ипапыста̄қ лӣсимаксяҳқақсяӷаҳси сыӷлытун пистыт ныкаҳқӣлңӯт Атаныҳпагулъҳани Кияӷныӷым. Пӯҳтыстыхпынаси китумун алңунак. Кияӷныӷым Атаныҳпагулъҳани ныкаҳқӣтут: блудникыт, манигӯткаюгыт кияӷныңлъяқанун, гылгаӷнӣҳтыт, аӷна̄сит, югыт юлгутмыхның атуқикаюгыт, аӷнат аӷна̄лгутмыхның атуқикаюгыт.

1е Коринфянам 7:38

Нулӣҳқалык ныңуҳлъюни пинитун пиңӯқ, иўырңа нулӣҳқалык ныңуҳныӷилъкуми пиниӷатаӷатун пиңӯқ.

1е Коринфянам 9:5

Навык пинымтуң кылъқыпагниңитапут ухпықат нулӣпут иляңистун апостолытун, Атанӷым аңлыгутаңистунлъю, Петырытунлъю?

2е Коринфянам 5:10

Қамахлъюта ныкывыпыста̄ӷьяҳқа̄гукут Христосым сивуңакун нанқихтысқылъюта. Ата̄сикаҳта̄мта алъхыӷулъықукут пинилӷӣмың налиӷмың сыӷлыӷмың апыӷӣӷутылъымтыстун югусимтыхун.

К Галатам 5:19

Югусим сыӷлыҳқылъыҳтуқам пиюкылъҳи налъюнӣтут. Укуңӯт: алңунасыӷақ, сыӷлытун атуқутылъық, нуқысигалңӯт алңунак атуқимун,

К Галатам 5:21

ақиналъық, сю̄мылъық, қырңуӷулъютың аҳсяҳпа̄хтақут сыӷлытун пилъыӷмун, иляңаныңлъю сыӷлыҳқылъыӷның. Кылыңася̄ӷнақлъя̄таӷамси сивунӷани пилъымтун, тама̄кут таўатын кияҳлъыҳӣт илятңана̄нӷитут қуяслъыӷаның Кияӷныӷым Атаныҳпагулъҳан.

К Ефесянам 5:5

Налъюнықнаҳӣтуқ уна: Кина алңунак пагисяҳқӣтуқ Атаныҳпагулъҳани Христосымлъю, Кияӷныӷымлъю сыӷлыҳқылӷӣ алъянӣӷмың, алңунак блудникыӷмың, налиӷмың пакигнӣӷмың. (Пакигныӷыт манигуҳтыңӯт кияӷныңлъяқанун.)

1е Фессалоникийцам 4:6

Китум алңунак сякусӣқыфқа̄н пилигу ухпықа̄лгутми иңлюңа атуқилъыӷмун. Атанӷым аӷью̄ҳлъяхлъықӣ таўатын пикаюгыт. Сивунӷани кылыңася̄ҳлъякақамси тама̄кын.

1е Тимофею 3:12

Диаконыт ата̄симың нулӣлгуяҳқа̄гут, иглыӷутңўа̄ӷьяҳқақӣт авақутатыңлъю, мыңтыӷаӷмӣтыңлъю.

1е Тимофею 3:2

Иглыӷутиста авутңисяҳқа̄гуқ, ата̄симың нулӣлгуяҳқа̄гуқ, нуқынъыҳтуяҳқа̄гуқ, сюмыҳтаӷақыхсяҳқа̄гуқ, юпӣнӷуяҳқа̄гуқ, упуӷанӷуяҳқа̄гуқ, апыҳтуӷияқлъыгӯқлъю.

1е Тимофею 3:4

Иглыӷутистым иглыӷутңўа̄ӷьяҳқақӣ мыңтыӷаӷмӣни, авақутанилъю апыҳтуӷьяҳқақӣ выӷусна̄тыфқа̄ми қа̄ткысқылъюни.

1е Тимофею 4:3

Таўатылңӯт югыт ныңуӷутыснаниӷӣқут, иляңилъю нықым ныӷыснаниӷақӣт. Иўырңа Кияӷныӷым улима̄қӣ қамахлъюки нықыт ныӷьяҳқа̄люки игамсиқаягутақлъюки. Ухпықат лӣсимакилӷӣт ипапилъыӷмың лӣсимакӣт тама̄кут.

1е Тимофею 5:14

Ынка̄м итагнаӷатаӷаӷнаяҳтут нутаӷат угинҳат угӣӷьяқуйың, таӷнуҳаңлютың, афлъыңакысқылъюкилъю ныңлъюгутаңит. Таўатын пикумың аңуяк сыӷлықӯӷвигӣтыслъықа̄т хўаңкунъың.

К Титу 1:6

Пресвитерыкаҳқақ авутңисяҳқа̄гуқ; ата̄симың нулӣлгуяҳқа̄гуқ, авақутӣлъю ухпықа̄яҳқа̄гут; нылъиқныӷуяҳқа̄нӷитут, қа̄ткусигасяҳқа̄нӷитутлъю.

К Евреям 12:16

Ысҳа̄макулъюси килъю алңунак блудникысаҳтут, налиӷмың килъю алңунак қӯлваӷинӷися̄ҳтут Кияӷныӷмың Исавытун. Акикыхкақыхкаңа пагитаҳқани ата̄сиҳаӷмун ныӷьяҳқамун.

Откровение 22:15

Иўырңа ныҳлъягым ыслъята̄нилңӯт қикмӣгут, алигналӷӣңӯт, ныңуҳтыхпынатың атуқистыңӯт, юхтаҳтыңӯт, кияӷныңлъяқанун манигӯтыстыңӯт, иқлъыңиқсюныҳтӯт, иқлъыңиқумаңинаӷақутлъю.