К Евреям 13:21 - Новый Завет на эскимосском языке

²¹ Юӷаҳтуңа Кияӷныӷмун тӯнысқылъюси сямың тамаҳа̄ның пинилӷӣмың лъпысинун пиюкылъҳа писқылъюку. Иисус Христосыкунлъю илюхпысинун Кияӷныӷым пилигу ыфқуӷналӷӣ лъңанун. Христос усюқылъыңли қӯнпырухлъяк кынлыңуна̄н. Аминь.

К Евреям 13:21 Iomraidhean Croise

От Матфея 12:50

Кина алңунак Атама қилягмылңӯм пиюкылъҳатун пикуми, аңлыгуткақа, наякақа, на̄кақалъю!»

От Матфея 21:31

Иисусым а̄птыкӣ: «Налӣм иӷныӷан қа̄ткыхкақагу атани?» Кӣмсиқа̄т: «Сивулӣм». Ынка̄м Иисусым пикӣ: «Уңипа̄тамси налогмың қырңуҳтыстытлъю, аӷнатлъю акикикаюгыт югусимыхның сивухпысини итыӷа̄тңӯт Атаныҳпагулъҳанун Кияӷныӷым.

От Матфея 28:20

Апыҳтӯсяқитыки қа̄ткысқылъюки қамахлъюки қылӷутканка лъпысинун. Лъпысинитыпыста̄ҳлъықуңа қӯнпың кынляңа кынлытҳӯтылъҳанун нунам».

От Матфея 6:13

Нанӷӣқулъыңыстыхпына̄мта, иўырңа югуликут та̄хкын Сыӷлыӷмың. Атаныҳпагулъық, аҳтуӷьяҳқа̄нӷилъық, ниӷуҳқылъық, лъпык пикатын қӯнпырухлъяк. Аминь”.

От Матфея 7:21

Иисусым апыҳтӯсяни нагныӷуткӣ: «Иляңи югым хўаңамнун малихся̄ҳтыкнӣқут ынка̄м пӣқа̄тңа: “Атанқамкын” иўырңа итыӷна̄нӷитут Атаныҳпагулъҳанун Қилягым. Тама̄куңина̄т атуқилӷӣт пиюкылъҳаның Атама қилягмылңӯм итыӷьяҳқа̄гут Атаныҳпагулъҳанун Қилягым.

От Иоанна 17:23

Хўаңа илюңитнитуңа, лъпык илюмнитутын лъңит ата̄сӣҳтыңъўа̄ӷысқылъюки. Ынка̄м нунам юган лӣлъықа̄т лъпынун каяхсиматка. Лӣлъықа̄тлъю пиниқылъҳын тама̄кунун ухпықилӷӣнун хўаңамның, хўаңамнун пиниқылъыҳпытун аюқылӷӣ.

От Иоанна 7:17

Китум алңунак Кияӷныӷым пиюкылъҳа атуқсюгукумигу лӣсимаксяҳқақа̄, апыҳтуӷилъқа Кияӷныӷмың пиңутаңа, налиӷмың хўаңамның катам пиңутаңа.

К Римлянам 11:36

Сяңўа̄ қамахлъюни лъңаның пиңӯқ, лъңакун пиңӯқ, лъңанунлъю пиңӯқ. Лъңа усюқылъыңли қӯнпырухлъяк! Аминь.

К Римлянам 16:27

Лъңина̄гуқ Кияӷнық, пыҳқинылӷӣ сямун тамаҳа̄нун. Югыт усюқлъитху қӯнпырухлъяк Иисус Христосыкун! Аминь.

2е Коринфянам 9:8

Кияӷныӷым тӯньяқлъыгўӣси аклъюкыхкаҳпысиның қа̄йӷулъюку. Ынка̄м ӣўлың сямың алңунак пилгулъықуси, сӣпңа̄нлъю каюсӣтысқылъюки иляси.

К Галатам 1:5

Ынка̄м Кияӷнық усюқылъыңли қӯнпырухлъяк кынлыңуна̄н. Аминь.

К Ефесянам 2:10

Кияӷныӷым улима̄қӣлъю таўатылъюта. Христос Иисусыкун улима̄қӣлъю қыпҳӣсқылъюки пинилӷӣт қыпҳақат. Сивунӷани та̄кут пинилӷӣт қыпҳақат ята̄ҳқыңъўа̄қақӣ хўаңкунъун қыпҳӣсқылъюки кияҳтылъымнъи.

К Ефесянам 2:18

Ынка̄м Христосыкун Иудеянилъю, язычнигнилъю тагияқлъыгуҳтукут Атамун ата̄сикун Таӷныӷакун.

К Филиппийцам 1:11

Ынка̄м уңувалъыси имиҳлъықут ипапыста̄қ пинӣпихлъыҳӣмың Иисус Христосыңинаҳа̄м пӣтыстыка̄ның. Та̄хкын югыт қӯлваҳлъықа̄тлъю, усюқылъықа̄тлъю Кияӷнық.

К Филиппийцам 2:13

қаюҳлъяк Кияӷнық қӯнпың қыпҳа̄гуқ лъпысини атуқсягутысқылъюку пиюкылъыни, қа̄ткусягутысқылъюсилъю пиюкылъыӷминун.

К Филиппийцам 4:13

Сяңўа̄ алңунак пияҳқақақа Христосыкун икнақуҳсяҳтымкун.

К Филиппийцам 4:18

Хўа̄ ма̄тын на̄ма̄ңа, а̄а, талўа сӣптӣлюңа аюқуңа. Тую̄сяси Епафродиткун қамахлъютың ка̄сима̄т, ынка̄м хўа̄ аклъюңигатуңа. Тунусяси хўаңамнун аҳқуткыхкастун аюқут Кияӷныӷми ыфқуҳтинапихлъыҳӣт.

К Колоссянам 3:17

Ынка̄м сяңўа̄ пикаҳси, акузиткун налиӷмың қыпҳалъыҳқун қамахлъюку пӣқитыху а̄тҳакун Атанӷым Иисусым. Лъңакун игамсиқаюгвикитыху Кияӷнық Ата.

К Колоссянам 3:20

Таӷнуҳаӷни, қа̄ткылъюки аңаюқаси сялъыҳқун тамаҳа̄кун, қаюҳлъяк таўатын пилъҳым ыфқуҳтақа̄ Атанық.

К Колоссянам 4:12

Епафрас, қыпҳаҳтыңа Христос Иисусым, лъпысиның пиңӯқ, лъңанлъю сю̄мқақӣсиңуқ. Ӣўлың та̄куңинаҳа̄гның юӷа̄ткақӣси аңтанӣтысқылъюси, лӣсимакңъўа̄ӷысқылъюку сяңўа̄ Кияӷныӷым писқысюлъҳа лъпысинун, лъпысинунлъю қамахтыңъўа̄ӷлюку пиюкылъҳа пикысқылъюку.

1е Фессалоникийцам 3:13

Таўатын айыпсюгиҳсяҳлъықӣ илюси авутңитысқылъюсилъю, пылюңитысқылъюсилъю сивуңани Кияӷнымта Атам, Атанымта Иисусым тагилъҳани. Таўани кылъқылъықӣ қамахтыңъўа̄ӷлюки лъми юни.

1е Фессалоникийцам 4:3

Хўатытуқ Кияӷныӷым пиюкылъҳа лъпысинун: пылюңитысюгӣси сыӷлыҳқыстысюнӷитӣси атуқутылъыҳқун.

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

2е Фессалоникийцам 2:17

илютуҳсяӷлисилъю, икнақуҳсяӷлисилъю тамаҳа̄кун пинилӷӣкун қыпҳалъыҳпысигунлъю, акузилъыҳпысигунлъю.

1е Тимофею 1:17

Умӣлыгмун кынлыңилңуӷмун, туқупагниңилңуӷмун, алӣнъыӷилңуӷмун, лъңина̄ Кияӷныӷӯқ; лъңа қӯлвалъыңлилъю, усюқылъыңлилъю қӯнпырухлъяк кынлыңуна̄н! Аминь.

1е Тимофею 5:10

Амалъықа тамаңан лӣсимака̄т қыпҳалъыхтуляңа, катам авақутани пинитун аңлистылъҳатун, упуӷаныҳтуляңа, ухпықа̄лгутми итыгӣт уӷвуҳтуӷақлъюки, каюсиӷӣқлъюни сыӷлылӣлӷӣның, қӯнпыңлъю пинитун пӣқылӷӣ.

1е Тимофею 6:16

Лъңӣна̄гуқ туқуңигалңуқ. Кияҳтыңъӯқ ниӷугракыхлъягми рыпалъ китум алңунак тугухпагниңита̄. Китум алңунак ысҳӣгата̄, талўа ысҳаӷна̄нӷита̄. Кияӷныӷым пиклъикык қӯлвалъықлъю, аҳтуӷьяҳқа̄нӷилъықлъю қӯнпырухлъяк. Аминь.

2е Тимофею 3:17

Ынка̄м атуқлъюки Акузитыт Игақыхкат, Кияӷныӷым қыпҳаҳтыңа пыҳқихсяӷўа̄ӷңалъықуқ, ята̄ҳқыңъалъықуқлъю тамаҳа̄нун аныӷныҳқилъыӷмун.

2е Тимофею 4:18

Атанӷым югулияҳқақа̄ңа тамаҳа̄ның сыӷлыӷым сюӷугалъҳаның, ынка̄м пақнанаңуна̄н агля̄лъықа̄ңа қилягмылңуӷмун Атаныҳпагулъыӷминун. Лъңанун усюқилъық қӯнпырухлъяк кынлыңуна̄н. Аминь.

К Евреям 10:36

Аклъюкңўа̄ҳси нуқынъыҳтулъық атуқсяҳқа̄люку Кияӷныӷым пиюкылъҳа. Та̄хкын алъхыҳлъықаси акықусяқыхкӣ.

К Евреям 12:23

Тагика̄гуси қырңуӷутылъҳитнун қамахтыңъўа̄ӷлютың ухпықат иӷнықсюхўа̄ӷыстун аюқылӷӣт. Қилягми а̄тҳит игақңа̄т игатхун. Тагика̄гуси Кияӷныӷмун нанқихтистыңитнун қамахтыңъўа̄ӷлютың югыт, таӷныӷӣтнунлъю ылъқуӷутңалӷӣт югыт ӣӷўиҳтыстыканун.

К Евреям 12:28

Тама̄кын апалъюқлъюку игамсиқаюгвикылътыху Кияӷнық қаюҳлъяк тӯныхкаңилъю атаныҳпагулъыӷмың уфсюгусяҳқа̄нӷилңуӷмың. Ынка̄ңам манигӯлътыху Кияӷнық ыфқуӷналъкыхка̄тун алиңылъылиӷлюталъю, қӯлваӷилъылиӷлюталъю,

К Евреям 13:16

Пуйгухпына̄н пинитун пилъық, тӯнутақитыклъю қаюҳлъяк тама̄кут аҳқутңӯт ыфқуӷналӷӣт Кияӷныӷмун.

1е Петра 2:5

Лъпысилъю уңувалӷӣстун уйӷагыстун аюқуси, ынка̄м Аглыӷналӷӣм Таӷныӷам ныкыфтусиқлъиси Кияӷныӷым мыңтыӷа̄нун. Қыпҳа̄лъықаҳси а̄фтыка̄люси священнигыт тӯнилӷӣт аҳтутмың Кияӷныӷмун. Лъңан тугуклъиҳлъықӣ аҳтутыт Иисус Христосыкун.

1е Петра 4:2

Ынка̄м хўакын кынлыклъюку уңувалъыҳпыси тахталңатун малиҳқутақыхпынаси югусиҳпыси пиюкылъҳанун, иўырңа атуқитыху Кияӷныӷым пиюкылъҳа.

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.

1е Иоанна 2:17

Нуна авӣӷутңӯқ, тама̄кутлъю сыӷлыҳқусӣўақылӷӣт югым пиюкақыхкаңи; иўырңа китум атуқыхкумигу Кияӷныӷым пиюкылъҳа кияҳсяҳқа̄гуқ қӯнпырухлъяк кынлыңуна̄н.

1е Иоанна 3:22

А̄пнымталъю сямың алңунак алъхыӷутақукут лъңаның қаюҳлъяк қа̄ткақыхкыпут қылӷӯсӣ, атуқақыхкыпутлъю ыфқуӷналӷӣт лъңани.

От Иуды 1:25

Кияӷныӷым та̄наңинаҳа̄гуқ Кияӷныгым, югуликақӣлъю Атанымтыхун Иисус Христосым туқулъҳакун. Има тазимакырухлъяк, ма̄тын, қӯнпырухлъяк кынлыңуна̄н Кияӷнық а̄ңыҳлъяхтуқ, аҳтуӷьяҳқа̄нӷитыҳлъяхтуқ, иглыӷутңўа̄ сяңўа̄ қамахтыңъўа̄ӷлюку, аҳтуӷьяҳқақынӷита̄ сяңўа̄ қамахтыңъўа̄ӷлюку. Кияӷнық усюқлъи. Аминь.

Откровение 4:6

Умӣлгусим ақумутаҳлъягым сивухкыни та̄ўа кылъӣсюгнилңуқ қыргыся, мыӷра̄кыхтақ кристаллыстун. Умӣлгусим ақумутаҳлъягым увитаңани, тамаҳӣтни сянихкыни, та̄ўа стамат Уңувалӷӣт, ийыҳлъягуфтут ся̄ймыхтыхунлъю, ақсягымыхтыхунлъю.

Откровение 5:13

Та̄хкын нагақуӷанка тамаҳаӷмың улима̄ӷыт, қилягмылңӯт, нунамылңӯт, нунам асиңанилңӯт, кылъӣнилңӯтлъю. Қамахлъютың пилӷӣт ақумгалӷӣмунлъю умӣлгусигни ақумутагни, Пынъӣӷаҳаӷмунлъю: «Усюқилъыңитык, қӯлвалъыңитык, ниӷуҳқылъыңитык, аҳтуӷьяҳқа̄нӷилъылгутыклъю қӯнпырухлъяк кынлыңуна̄н!»

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.