К Евреям 13:20 - Новый Завет на эскимосском языке

²⁰ Кияӷныӷым ныкыхмылъылитистым Атаныҳпут Иисус уңуваҳтыстыкақа̄ туқулъыӷмың. Ынка̄м а̄ўмикун Пынъӣӷнӣҳтыҳлъягуҳтыка̄гуқ пынъӣӷнун. А̄ўан атӯяҳқа̄ҳтыстыкақа̄ Кияӷныӷым қӯнпыкаҳқақ акықуся̄.

К Евреям 13:20 Iomraidhean Croise

От Матфея 26:28

Та̄на а̄кўақа, та̄хун Кияӷныӷым акықуся̄ апыӷӣӷьяҳқа̄гуқ. Туқукума а̄кўа кӯвылъықуқ угляпихлъыҳӣнун югнун сыӷывутусӣлюни сыӷлыҳқылъҳитнун.

От Марка 14:24

Иисусым пикӣ: «Уна а̄кўақа, та̄хун Кияӷныӷым акықуся̄ апыӷӣӷьяҳқа̄гуқ. Туқукума а̄кўа кӯвылъықуқ угля̄пихлъыӷӣнун югнун.

От Луки 22:20

Ныныӷмың та̄қсямың таўатыҳпигақ тӯныхкӣ қаю̄симылңуӷмың виномың, хўатын пимӣта: «Уна қаю̄сиқ Кияӷныӷым нутаӷа̄гуқ акықуся̄ а̄мкун, кӯвылӷӣ лъпыси апалъюқлъюси.

От Иоанна 10:11

Хўаңа пинилӷӣңӯңа пынъӣӷнӣҳта. Пинилӷӣм пынъӣӷнӣҳтым туқуматкысяҳқақӣ пынъӣни.

От Иоанна 10:14

Хўаңа пинилӷӣңӯңа пынъӣӷнӣҳта. Атам лӣсимакылъҳатун хўаңа, хўаңалъю лӣсимакылъымтун Ата, таўатыҳпигақ лӣсимаканка пынъӣӷынка, пынъӣӷма лӣсимака̄тңа. Туқуматкылъықанка пынъӣӷынка.

Деяния 13:30

иўырңа Кияӷныӷым уңуваҳтыстыкақа̄ туқулъыӷмың.

Деяния 17:31

Кияӷныӷым таўатын қылъқақӣ қаюҳлъяк ныкыхтыкақа̄ аӷнық нанқихтивигулюку. Накмикыхкамикун юхкун ю̄к тамаҳа̄н таўатыҳлъюўа̄қ нанқихсяҳқақа̄. Лӣтысналюку накмикыхкани ю̄к уңуваҳтыстыкақа̄ туқулъыӷмың».

Деяния 2:24

Иўырңа Кияӷныӷым туқулъыӷмың уңуваҳтыстыкақа̄, итымуткақа̄ туқулъҳым асиҳқутылъҳаның, талўа туқулъҳым нуқныҳпагниңиткақа̄.

Деяния 2:32

Та̄наңӯқ Иисус Кияӷныӷым уңуваҳтыка̄ туқулъыӷмың ынка̄м хўаңкута лӣсимакистыңӯкут.

Деяния 3:15

Таўатын пилъыҳпысигун туқутыстыкақаҳси Уңувалъҳым Алъхыӷвихпига̄, иўырңа Кияӷныӷым уңуваҳтыстыкақа̄ туқулъыӷмың. Лӣсимакңўа̄ӷаҳпут, қаюҳлъяк ысҳақақаҳпут уңувалъҳан киңуңаның ынка̄м апыӷьяҳқақаҳпут.

Деяния 4:10

Ынка̄ңам лӣгикысюгамси қамахлъюси, иляңилъю Израилыӷмӣт қамахлъюки натын уна ю̄к на̄лъҳутка̄таңа. На̄лъҳутка̄гуқ А̄тҳакун Иисус Христосым Назаретыӷмӣм. Лъңан аҳтуӷьяҳқа̄нӷилъҳан на̄лъҳуткақа̄, лъпыси қақӯрақаҳпыси, Кияӷныӷым уңуваҳтыстыка̄н туқулъыӷмың. Ынка̄м уна ю̄к пиюгигасялӷӣ хўа̄ ма̄тын ныкывӷа̄қ сивухпысини.

Деяния 5:30

Қақӯраӷлюку туқутыстыкақаҳси Иисус, иўырңа Кияӷныӷым, сивунымта манигуқӣта уңуваҳтыстыкақа̄ туқулъыӷмың.

К Римлянам 1:4

Аглыӷналӷӣм Таӷныӷам лӣгикыстӣлъю Атаныҳпут Иисус Христос, Кияӷныӷым аҳтуӷьяҳқа̄нӷилңӯгуқ Иӷныӷа. Таӷныӷам ипапиҳқыхкақа̄ уңуваҳтыслъюку Иисус туқулъыӷмың.

К Римлянам 10:7

Налиӷмың а̄птыхпынаң: «Кина укихлъықа Кынлыңилңуӷмун?» (маю̄нъалюку Христос туқумың.)

К Римлянам 15:33

Кияӷнық ныкыхмылъылитилӷӣ тамаҳаҳпысинилъи. Аминь.

К Римлянам 16:20

Кияӷныӷым ныкыхмылъылитилӷӣм қантаӷақун кагимлъықа̄ Туӷныӷақ итыгаҳпыси асиңани. Атаныҳпут Иисус Христос наңлъыхтаӷли лъпысинун.

К Римлянам 8:11

Кияӷныӷым Таӷныӷакык уңуваҳтикак Иисусымың, кияҳтыңӯқ илюхпысини. Катам Кияӷныӷым уңуваҳтыстылъҳатун Христос Иисус, уңуваҳтыслъықӣ югусиси Таӷныӷагмикун кияҳлъыҳӣгныкун илюхпысини.

1е Коринфянам 14:33

Кияӷныӷым алңунак писюгигатӣлъю. Қырңуӷутылъыпут ныкыхмытысюгақӣ. Кияӷныӷым юги қырңуӷунъыӷата,

1е Коринфянам 15:15

Туқукат уңуваҳтысимаңилъката туқулъыӷмың, Кияӷныӷым уңуваҳтысимаңита̄ Христос. Ынка̄ңам хўаңкута апостолыни қамахлъюта иқлъыңиқыстыңӯкут қаюҳлъяк пика̄гукут: «Кияӷныӷым Христос уңуваҳтыстыкақа̄ туқулъыӷмың».

1е Коринфянам 6:14

Иляңани аӷныӷым Кияӷныӷым макысяҳқақӣ югусипут туқулъыӷмың аҳтуӷьяҳқа̄нӷилъыӷмикун, таўатыҳпигақ макытылъыӷмитун Атанық Иисус Христос туқулъыӷмың.

2е Коринфянам 13:11

Ухпықа̄лгутымни, таўатынңам пӣңа. Қуяңатык. Выӷутык кияҳтысқысюлъҳанун Кияӷныӷым. Писқысюлъымтун питык. Кияҳтык итагнақулъюси, ныкыхмытулъюси. Ынка̄м Кияӷнық тынымыңа пиниқылъҳымлъю, ныкыхмылъҳымлъю лъпысинилъи.

2е Коринфянам 4:14

Лӣсимакаҳпут Кияӷныӷым уңуваҳтыкақа̄ Атанық Иисус. Хўаңкуталъю уңуваҳлъықӯкут Иисусыкун. Та̄хкын агля̄лъықӣнкут қырңа̄мта лъпысилъю таўантылъыӷминун.

К Галатам 1:1

Укут посланият Павелымың пиңӯт, апостолымың. Югыт накмикылъҳита̄тңа апостолыңулюңа, талўа каяхтылъҳита̄тңа. Апостолыңӯҳтыка̄гуңа Иисус Христосыкунлъю, Кияӷныҳқунлъю Атакун, уңуваҳтыстикақ лъңаның туқулъыӷмың.

К Филиппийцам 4:9

Сяңўа̄ қамахлъюку нагныӷутыху лӣткаҳси хўаңамның апыҳтуӷилъымкунлъю, кияҳта̄лъымкунлъю. Ынка̄м Кияӷнық ныкыхмылъылитикаюк лъпысинилъықуқ.

К Колоссянам 2:12

Крестиӷақңафси қуңӯтка̄гуси Христосыкун. Та̄хкын макытка̄гуси уңувалъыӷмун Христосыкун қаюҳлъяк ухпықыхкыси Кияӷныӷым аҳтуӷьяҳқа̄нӷилъҳа. Кияӷныӷым макыткақа̄ Христос туқумың.

1е Фессалоникийцам 1:10

Утақа̄қаҳсилъюңуқ Кияӷныӷым Иӷныӷа, Иисус, тагияҳқақ қилягмың. Лъңаңӯқ Кияӷныӷым уңуваҳтыка̄ туқулъыӷмың, югулӣқа̄қалъю Кияӷныӷым сякша̄лъҳаның ка̄сяҳқамың.

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

2е Фессалоникийцам 3:16

Атанӷым лъңаның катам ныкыхмылъылитикаюгым, ныкыхмылъылисилъи ӣўлың сями тамаҳа̄ни. Атанық тамаҳа̄ҳпысинилъи.

К Евреям 10:22

Тама̄кут апалъюқлъюки тугӯлътыху Кияӷнық ипапиҳқылъюта, ныӷьюкңўа̄ӷлюку. Таўатын пилъыҳқаңукут қаюҳлъяк умьюгалъюпут сивилъяхтақа̄гут Христосым а̄ўаның укмаңӣҳтысқылъюки, югусипутлъю уӷвуҳқыхка̄гут пылюңилңуҳқун мыҳқун.

К Евреям 10:29

Сюмыҳтаӷа̄ткаҳтыху натынми аңкаслъюган Кияӷныӷым аӷью̄ҳлъықагу ю̄к тутма̄сҳақӣқылӷӣ Иӷныӷаның Кияӷныӷым, пӣқылӷӣ сятңунӷинъилюку а̄ўк апыӷӣӷуткақ акықусяӷраӷаӷмың (қайўа Кияӷныӷым укмаңӣсиқыхкақыӷңа̄гу сыӷлыҳқылъҳанун), сыӷлықӯӷӣқылӷӣлъю наңлъыхталӷӣгнун Таӷныӷагнун.

К Евреям 9:20

Пикӣ: «Унаңӯқ а̄ўк апыӷӣӷилӷӣ Кияӷныӷым акықуся̄ның қылӷускаңа лъпысинун қа̄ткысқылъюку».

1е Петра 1:21

Христосыкун ухпықаҳси Кияӷнық. Лъңан уңуваҳтыкақа̄ Христос туқулъыӷмың, қӯлваҳлъякақа̄лъю. Тама̄кын апалъюқлъюку ухпықилъыҳси, сиӷималъыҳси Кияӷныӷмун аюқуқ.

1е Петра 2:25

Пынъӣӷыстун аӷуляқа̄талӷӣстун аюқсяҳтуси. Иўырңа ма̄тын утыӷнӣма̄си Пынъӣӷнӣҳтымун Кылыңакистыңанун уңувасиҳпыси.

1е Петра 5:4

Ынка̄м Иглыӷутистыңат Пынъӣӷнӣҳтыт тагикан алъхыӷулъықуси пиниӷнапихлъыҳӣмың қаҳпамың қылмыӷӣсяҳқа̄нӷилңуӷмың.