К Евреям 13:18 - Новый Завет на эскимосском языке

¹⁸ Юӷа̄ткитыкут. Лӣсимакапут умьюгамта анахутылъҳинъӣлъю, қаюҳлъяк ӣўлың пиюкылъқаҳпут ылъқуӷутңалӷӣ пияҳқа̄люку.

К Евреям 13:18 Iomraidhean Croise

Деяния 23:1

Павелым қӣвлюки агӷистыт пикӣ: «Иудейелгутымни, аӷныӷмун хўавык кынляңа сыӷлыӷьюгутаңитуңа кияҳтылъымни Кияӷныӷмун».

Деяния 24:16

Ынка̄ңам қӯнпың кияҳнақуткақуңа сыӷлыӷьюгуткаҳқӣлъюңа Кияӷныӷмунлъю, югнунлъю.

К Римлянам 12:17

Китум сыӷлытун пикаңиси, акитыхпынаки сыӷлытун. Пӣқитыки пинилӷӣт тугуклъиӷьюгналӷӣт тамаҳа̄нун.

К Римлянам 13:13

Пинитун кияҳтылъта катам югыстун кияҳлъыҳӣт ниӷугани аӷныӷым. Сыӷлытун тыӷигниқыфқа̄мта, сю̄мыфқа̄мта, алңунак алңунасыӷафқамта, пилъюўатыфқа̄мта, ақинатыфқа̄мта.

К Римлянам 15:30

Ухпықа̄лгутымни, Атанымтыхун Иисус Христосыкун, пиниқылъҳакунлъю Таӷныӷам, малигулъюси хўаңамнун юӷа̄ткыҳлъякаҳтыңъа Кияӷныӷмун каюсӣтысқылъюңа.

2е Коринфянам 1:12

Уна ысҳа қука̄югусиҳпут, сюмыҳтаӷалъымта уңипа̄тӣлъю кияҳта̄лъыҳпут хўани нунами ипапиҳқыңъа̄қлъю, пиниқиңа̄қлъю, кияң лъпысинун. Таўатын пӣқукут Кияӷныӷым пиниқиңалӷӣкун каюсилъҳакун, нака̄н югым пыҳқинылъҳакун.

К Филиппийцам 4:8

Ынка̄ңам ухпықа̄лгутымни, на̄ңнӣтаңакун посланияма уңипа̄сюўамси сюмыҳтаӷа̄ткумаңинӣсқылъюки пинилӷӣтлъю, усюқсяҳқатлъю хўатылңӯт: тама̄кут ипапигыт, қӯлваӷьяҳқат, ылъқуӷутңалӷӣт, пылюңилңӯт, пиниқсяҳқат, тама̄кутлъю пинитун акузиткысяҳқат.

К Колоссянам 4:3

Юӷақуфси, юӷа̄ткынъакыфсикутлъю. Юӷаҳтык Кияӷныӷмун қылъпыӷутысқылъюта амигмың миңитысқылъюки акузитаңи Христосымың аюқылӷӣт. Сивунӷани Кияӷныӷым қайвиҳсимаңита̄ ипапилъық Христосымың аюқылӷӣ. Иўырңа Кияӷныӷым уңипа̄та̄ңа уңипақысқылъюку та̄на қайвиҳсимаңилңуқ ипапилъық. Уңипақыхкақутымның та̄на ипапилъық анусимиңлъяӷа̄тңа.

1е Фессалоникийцам 4:12

Таўатын пикуфси ныӷьюкна̄нӷитасилъю алңунак аклъюкыхкаҳси, ухпықа̄нӷилңӯтлъю сӣвакылъықӣси.

1е Фессалоникийцам 5:25

Ухпықа̄лгутымнъи, юӷа̄ткақлъюта.

2е Фессалоникийцам 3:1

Ухпықа̄лгутымнъи, та̄қнӣткун сямың пӣӷа̄тақаӷлямси. Юӷа̄ткитыкут Атанӷым уңипа̄ миңишахкӣӷысқылъюку, югнунлъю қӯлвӣсқылъюку, катам лъпыси пилъыҳпысистун.

1е Тимофею 1:5

Қылылю̄гуткақа ухпықат пиниқутыпӣгысқылъюки, умьюгақыхлъюки, ипапигмың ухпықилъылгулюки.

1е Петра 2:12

Пинитун кияҳтык акулңитни ухпықа̄нӷилңӯт, лю̄рақ лъңита сыӷлытун пистыңунинаюкаңиси. Ысҳақумыхтыки аныӷныҳқилъыси усюқылъықа̄т Кияӷнық Аӷныӷани Христосым тагилъҳан.

1е Петра 3:16

Иўырңа кӣмсиӷақитыки қусывыхлъылиӷлюси, сӣвакилъылиӷлюси. Сыӷлыҳқынӷилъкуфси умьюгаси сыӷлыӷнина̄нӷитут. Ынка̄м югыт сыӷлықӯқаңиси пинитун кияҳтылъыҳпысиның Христосыкун, кайңуюхлъықут таўатын акузилъыӷмыхның.

1е Петра 3:21

Та̄наңӯқ мық успутақ крестиӷылъыӷмун югулиӷилӷӣ лъпысиның ма̄тын уңуваҳтылъҳакун Иисус Христос. Крестиӷылъық иқаңӣсӣнӷитуқ югусимун. Итупилъ крестиӷылъыҳқун акықӣкут Кияӷныӷмун умьюгамнъың сыӷлыӷниңилңуӷмың.