К Евреям 13:17 - Новый Завет на эскимосском языке

¹⁷ Қа̄ткитыки иглыӷутистыси атуқлъюки қылӷусӣт. Кылыңакиңӯт уңувасиҳпысиның лӣсимаклъюку Кияӷныӷмун нанқихсяҳқа̄си. Қуянӷитыстыхпынаки иглыӷутистыси, итупилъ қа̄ткылъыҳпысигун қыпҳақатың пилъықӣт қуякусиқлъюки. Қа̄ткынӷилъкуфсики каюсӣтыпагниңитӣси.

К Евреям 13:17 Iomraidhean Croise

От Луки 16:2

Ынка̄м тахсиӷлюку пика̄: “Сяманилютын нагақуӷақсикын? Умӣлгутинаниӷнақутын сяӷьямнун. Ынка̄ңам хўаңамнун тагитики игаҳтын; ювӷӣӷнақанка”.

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

К Римлянам 14:12

Ынка̄м қамахлъюта Кияӷныӷмун апыӷьяҳқақаҳпут сялъыҳпут, сяңанлъю таўатын пиматфут.

1е Коринфянам 16:16

Қылӷамси қа̄ткумаңинӣсқылъюки лӣлиҳтулъҳит таўатылңӯт югыт, иляңилъю қыпҳалгутаңит.

К Ефесянам 5:21

Малиҳқутақңалюси иляхпысинун қаюҳлъяк сӣвакңукыси Христос.

К Филиппийцам 1:4

Юӷа̄ткынъымси қуяпихтақуңа,

К Филиппийцам 2:12

Ынка̄ңам пиниқыхкамни, лъпысинилъюңа қа̄ткумаңинақақаҳпысиңа, ма̄тын авӣлъымни қа̄ткатаӷаҳтыңъа. Ӣӷўиҳтысқылъюку югулилъыҳси қыпҳа̄маңинаҳтык алиңылъылиӷлюсилъю, уңылыхтылъылиӷлюсилъю;

К Филиппийцам 2:16

уңипақиңулюси лъңитнун Христосымың уңувалъыңыстикаюгмың. Ынка̄м тагинқихтыкан қуяслъықаҳпысиңа ынңа̄талъ, қаюҳлъяк кияҳта̄лъыҳпыси кылгусяҳқақа̄ қыпҳалъқа тымңиңунӷилңуқ.

К Филиппийцам 2:29

Епафродит туқуяӷңа̄ӷми қыпҳақа̄гуқ Христосымун, а̄қун туқувзиқа̄гуқ. Каюсӣткақа̄ңа қаюҳлъяк лъпыси каюсӣтыпагниңиткақаҳпысиңа, авӣлңӯси. Қуякусиқлъюку упуӷанъакыси қаюҳлъяк аңлыгуткаҳси Атаныҳқун. Ынка̄м қӯлваӷлюки қамахлъюки югыт Епафродитытун аюқылӷӣт.

К Филиппийцам 3:18

Сивунӷани угляӷңа̄н уңипа̄та̄тақақамси, ма̄тын уңипа̄нъақлъя̄таӷамси қунитӯмаӷма. Угля̄пихтут кияҳлъыҳӣт аңуягулютың Христосым туқулъҳаның қақӯракун.

К Филиппийцам 4:1

Ынка̄ңам пиниқыхкамни ухпықа̄лгутымни, ысҳаӷьюпихтамси, қуямасиқамси, акилыҳтӯсяқамсилъю қыпҳалъымнун. Таўатын аӷулӣтыкыстаҳтык Атаныҳқун.

2е Фессалоникийцам 3:14

Кина алңунак қа̄ткусюнӷилъкан сямың пилъымнъун укутхун письмотхун, сю̄мқынъакыси кинкуңутаңи. Ынка̄м иқитңалӷа̄си лъңаның кайңуюгысқылъюку анахутылъҳаның.

1е Тимофею 5:17

Пресвитерыт иглыӷутиюқат юӷаӷвигми, та̄куңинаҳа̄гныңлъю қыпҳалӷӣт апыҳтуӷилъыҳқун, уңипақилъыҳқунлъю, қӯлваӷақитыки малӷуҳқылъюки акилыҳтӯсӣт.

К Евреям 13:24

Қуякаҳнакыси қамахлъюки иглыӷутистыси, қамахлъюкилъю Кияӷныӷым юги. Ухпықа̄лгутытлъю Италиямың пикат қуякаҳнакысиңуқ.

К Евреям 13:7

Нықамиклъюки иглыӷутистыси уңипақикат лъпысинун Кияӷныӷым акузитаңаның. Нықамиклъюки натын кияҳтыка̄таңи ынка̄м ухпылъылгунақитык лъңистун.

От Иакова 4:7

Тӯнлюси лъпысиның катам Кияӷныӷмун. Аяклъиҳтыху туӷныӷақ, анагнӣҳлъықуқ лъпысиның.

1е Петра 5:5

Таўатыҳпигақ лъпыси уюқлъиӷни малиҳқутақлъюси сӣванлъыӷнун. Қамахлъюси қусывгутулъюси қаюҳлъяк Акузитыт Игақыхкат пика̄гут: «Кияӷныӷым кипулъыгмун аюқӣ қука̄югныӷыт, иўырңа каюсиӷақӣ қусывыгңалӷӣт».