К Евреям 13:15 - Новый Завет на эскимосском языке

¹⁵ Иисусыкун ӣўлың аҳтуткилъта Кияӷныӷмун. Аҳтутыпут усюқилъқапут апынымтыху Иисус Атанӷунилюку.

К Евреям 13:15 Iomraidhean Croise

От Матфея 11:25

Та̄хкын Иисус пикақ: «Ка̄й Ата, Атанқа̄тын қилягымлъю, нунамлъю! Игамсиқаюгвикамкын қаюҳлъяк лӣтка̄нӷилңуӷнун лӣтыстыкақан ипапиҳқылъық ӣқан лӣтканыңлъю, пыҳқиныӷныңлъю.

От Луки 10:21

Таўани пилъыӷми Аглыӷналӷӣм Таӷныӷам Иисус қуястыка̄. Пикақ: «Ата̄й, Атанӷа қилягымлъю нунамлъю, игамсиқаюгвикамкын! Лъпык тама̄кут талюҳтатын пыҳқинылӷӣныңлъю, лӣтканыңлъю, нақам лӣтыстатын таӷнуҳаӷыстун аюқылӷӣнун. А̄а, Ата̄й, та̄наңӯқ пиюкылъҳын».

От Иоанна 10:9

Хўаңа амигӯңа, кина алңунак ӣтқуми хўаңамкун югулилъыңьяҳқа̄гуқ. Ынка̄м ӣтҳақлъюни, а̄нақлъюни, на̄лъкутақлъюнилъю ныӷьяҳқамың пилъықуқ.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

К Римлянам 12:1

Ухпықа̄лгутымни, Кияӷнық наңлъыхтапихтутаңаның, ынңа̄талъ кайымамси тӯнысқылъюки югусиси Кияӷныӷмун уңувалӷӣңулюки аҳтутыт. Пылюңилъит, тугуклъиӷьюгнаӷлитлъю Кияӷныӷмун. Та̄наңӯқ манигӯтылъыпихси.

К Римлянам 6:19

Тама̄кут лӣгикныҳлъюгутаңитның лъпысинун, успутақңўа̄нка қыпҳаҳтыля̄ӷытлъю пилӣтыстыңитлъю. Сивунӷани тӯныхкаюгуяӷаси югусиси қыпҳаҳтыля̄ӷулюки нукыхналӷӣнунлъю, нулямаңиналӷӣнунлъю сыӷлытун пилъыӷнун. Ма̄тын тӯнитыки югусиси қыпҳаҳтыля̄ӷулюки ылъқуӷутңалъыӷмун кияҳтысқылъюси пылюңилъюси.

К Ефесянам 2:18

Ынка̄м Христосыкун Иудеянилъю, язычнигнилъю тагияқлъыгуҳтукут Атамун ата̄сикун Таӷныӷакун.

К Колоссянам 1:12

Ынка̄м қуямалъылиҳлъяглюси игамсиқаюгвикылъықаҳси Ата. Лъңаңулӷӣ лъпысинун ныңилгутыстикақ сямың тамаҳа̄ның акықусяқыхкаминың тӯнылъықнилюки юни кияҳлъыҳӣт ниӷугми.

К Евреям 12:28

Тама̄кын апалъюқлъюку игамсиқаюгвикылътыху Кияӷнық қаюҳлъяк тӯныхкаңилъю атаныҳпагулъыӷмың уфсюгусяҳқа̄нӷилңуӷмың. Ынка̄ңам манигӯлътыху Кияӷнық ыфқуӷналъкыхка̄тун алиңылъылиӷлюталъю, қӯлваӷилъылиӷлюталъю,

К Евреям 7:25

Тама̄кын апалъюқлъюку Иисусым ӣўлың югулияқлъыгўӣ Кияӷныӷмун аглялӷӣт лъмикун, қаюҳлъяк қӯнпың уңуваңӯқ манигӯтунъалюки тама̄кут Кияӷныӷмун.

1е Петра 2:5

Лъпысилъю уңувалӷӣстун уйӷагыстун аюқуси, ынка̄м Аглыӷналӷӣм Таӷныӷам ныкыфтусиқлъиси Кияӷныӷым мыңтыӷа̄нун. Қыпҳа̄лъықаҳси а̄фтыка̄люси священнигыт тӯнилӷӣт аҳтутмың Кияӷныӷмун. Лъңан тугуклъиҳлъықӣ аҳтутыт Иисус Христосыкун.

1е Петра 4:11

Тунусялгыт акузимун акузилит Кияӷныӷым акузитаңаның. Тунусялгыт қыпҳга̄тимун қыпҳга̄тилит икнақылъылиӷлютың Кияӷныӷым тӯныхка̄ның. Ынка̄м сялъыҳпысигун тамаҳа̄кун Кияӷнық усюқылъыңылъықуқ Иисус Христосыкун. Лъңан пика̄т ниӷуҳқылъықлъю, аҳтуӷьяҳқа̄нӷилъықлъю қӯнпырухлъяк кынлыңуна̄н. Аминь.