К Евреям 13:1 - Новый Завет на эскимосском языке

¹ Пиниқыкыстаҳтыки ухпықа̄лгутыси.

К Евреям 13:1 Iomraidhean Croise

От Иоанна 15:17

Уна қылӷусяқақа, пиниқутулъюси».

Деяния 2:1

Пятидесятницам аӷныӷанун Иерусалимыӷмӣт ухпықат қырңуӷуткат ата̄сими мыңтыӷами.

Деяния 4:32

Апостолыт аҳтуӷьяҳқа̄нӷилъылиҳлъяглютың уңипақыхка̄т Атанық Иисус уңувақа̄нилюку туқулъыӷмың. Кияӷныӷым қуястыҳлъягукаңилъю қамахлъюки ухпықат. Ухпықат ата̄систун лъӣқат илюмыхтыхунлъю, уңувасимыхтыхунлъю. Ынка̄м кина алңунак пиңигалңуқ сяӷьятың лъңинаӷмыхнун пикнилюки, атуным атуқақыхкаңит.

К Галатам 5:13

Ухпықа̄лгутымни, Кияӷныӷым тахсиқақӣси итымңалъыӷмун Христосыкун. Та̄ўаңинақ атуқыхпына̄н итымңалъыҳси атуӷьяҳқа̄люки сыӷлыҳқыңъалӷӣт пиюкылъҳи югусим. Итупилъ қыпҳа̄тыки иляси пиниқылъыҳпысигун.

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Ефесянам 4:3

Кияӷныӷым Таӷныӷахкынка қырңуӷуткақӣси ныкыхмылъыҳқун. Ынка̄м нанӷӣқуҳлъяхтык ӣўлың кияҳтык таўатын.

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

2е Фессалоникийцам 1:3

Ухпықа̄лгутымнъи, ӣўлың игамсиқаягусяҳқақамси Кияӷныӷмун. Ылъқуӷутңа̄қ таўатын пилъыҳқаҳпут, қаюҳлъяк ухпықиныҳтуҳтаӷалӷӣсилъю, пиниқутаӷаӷлюсилъю лъӣҳтуси.

К Евреям 10:24

Йықай сюмыҳтаӷа̄лъта натын қӣлңумиӷусяҳқа̄люта пиниқсяҳқа̄люки илят, пинитунлъю пияҳқа̄люта.

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.

1е Петра 2:17

Қӯлваӷлюку тамаҳа̄ ю̄к, пиниқлъюки ухпықа̄лгутыси, аликлъюку Кияӷнық, қӯлваӷлюкулъю умӣлык.

1е Петра 3:8

Та̄қмиӷнақанка сямың пилъҳынка хўатын: қамахлъюси ата̄систун сюмыӷнылгутык, ақниқутутык, пиниқутык аңлыгуткулъҳӣстун, наңлъыкутутык, қусывгутутык.

1е Петра 4:8

Мыгнуналъыҳпига̄гуқ уна: пиниқутыпӣглюси қаюҳлъяк пиниқылъҳым сыӷывутыстақӣ сыӷлыҳқылъылӷутыҳлъягыт.

2е Петра 1:7

Кияӷныӷьюныҳтулъыҳпысинун илятыху наңлъыкутутылъық ухпықа̄лгутыхпысинун, наңлъыкутутылъыҳпысинун илятыху пиниқылъық.

1е Иоанна 3:23

Уна ысҳа қылӷуся̄: хўаңкунъун ухпықысқылъюку Иӷныӷми а̄тҳа Иисус Христосым, пиниқутулъюталъю Христосым қылылъҳатун.

1е Иоанна 4:20

Кина пикуми: «Пиниқақа Кияӷнық», нақам угумиклъюку ухпықа̄лгутни, иқлъыңиқыстыңӯқ. Қаюҳлъяк китум алңунак пиниқынӷилъкумигу ухпықа̄лгутни ысҳақаюни, пиниқна̄нӷита̄ Кияӷнық ысҳӣгалъкынъи.

Откровение 2:4

Иўырңа пиюкынӷитусиқа лъпысинун унаңӯқ, пиниқнанӣма̄ҳпысиңа, ухпықа̄лгутысилъю сивунӷани пиниқылъыҳпысистун.