К Евреям 12:25 - Новый Завет на эскимосском языке

²⁵ Ынка̄м кылыңатык, нагасюнӷитыхпына̄н Кияӷнық акузилӷӣ. Сивунымта нагасюнӷиткақа̄т кылыңася̄ӷилъҳа нунами хўани, ынка̄м анагумаңита̄т аӷью̄ӷилъҳа. Хўаңкута аӷью̄ӷатаӷаҳлъықӣнкутлъю нагасюнӷилъкумтыху кылыңася̄лъҳа қилягмың.

К Евреям 12:25 Iomraidhean Croise

От Матфея 17:5

Сялин акузималюку, қилягўа̄ӷым ниӷугракыхтам ся̄пыхкӣ, ынка̄м қиляўа̄ӷмың мым пикӣ: «Уна Иӷнықақа, пиниқыпихтақа, ыфқуқыпихтақа, нагатақитыху!»

От Матфея 8:4

Та̄хкын Иисусым пика̄: «Ўатаҳлъяк кина алңунак уңипа̄тыхпына̄н на̄лъҳутылъыҳпының, йыӷлыги агля̄ священнигмун ысҳаӷлигу на̄лъҳутылъҳын. Та̄хкын аҳқыша̄ҳа̄тын Моисейем Лӣлиҳтӯся̄н писқылъҳатун ипапиҳқысқылъюку на̄лъҳутылъҳын».

Деяния 7:35

Та̄наңӯқ Моисей Израилыӷмӣт иҳсякақңамыхтыху пика̄т: “Китум иглыӷутистыңлъяҳтатынлъю, нанқихтистыңлъяҳтатынлъю хўаңкунъун?” Иўырңа лъңаңӯқ Кияӷныӷым утыӷниҳтыстыка̄ Египетмун иглыӷутистыңулюкулъю, югулиӷистыңулюкулъю лъңитнун. Таўатын Кияӷныӷым пикақа̄ яқулыхкун кумаӷулӷӣми уқфилъыгами.

1е Фессалоникийцам 5:15

Ўатаҳлъяк акисяқунаки сыӷлытун пистыси иўырңа пинитун пӣқитыки иляси, қамахлъюкилъю югыт.

2е Тимофею 4:4

Нагасюгнаниҳлъықут ипапилъыӷмун, нагасюгьягулъықут тымңинун уңипаӷанун.

К Евреям 1:1

Сивунӷани агани угляӷлюкулъю, алъя̄ҳӣна̄люкулъю Кияӷныӷым алыҳқуқақӣ сивуныпут ӯкналиқистытхун.

К Евреям 11:7

Ухпықилъыҳқун Нойем нагаткақӣ Кияӷныӷым кылыңася̄ӷуткӣ тама̄кут сялин пиңигалъюки. Ынка̄м қа̄ткылъюку Кияӷнық аңьяҳпаңлъяқа̄гуқ ныңлъюгутни югулиналюки улывылъыӷмың. Таўатын пилъыӷмикун Нойем нунам юги нанқихтыстыкақӣ Кияӷныӷмун аӷью̄ӷысқылъюки. Ухпықилъыни апалъюқлъюку Нойем алъхыҳтыкақа̄ ылъқуӷутңалъық Кияӷныӷмың.

К Евреям 12:19

Нагақуқа̄т қалӷиҳта̄н қалӷиҳлъыҳӣ, нагақуқа̄тлъю Кияӷныӷым мыңа. Иўырңа ныпӣқӣсқыхка̄т,

К Евреям 3:12

Ухпықа̄лгутымни кылыңалюси, сыӷлыӷмың сюмыҳтаӷалъыӷныңлъю, ухпынӷитылъыӷныңлъю, иқитутыстыхпынаси уңувалӷӣмың Кияӷныӷмың.

К Евреям 3:17

Ю̄к ма̄лӷук аюмиқулъыӷни килъю Кияӷнық сякшитыстатху? Тама̄куңӯт сыӷлыҳқылъютың туқуляӷа̄ткат килга̄ни.

К Евреям 8:5

Священнигыт қыпҳақа̄гут святилищами, қилягмылңуҳтун аюқысюгнилңуӷми. Сялин Моисейем скиния ныкыфтылъҳилъюку, Кияӷныӷым апақуткақа̄: «Ўатаҳлъяк сяңўа̄ қамахлъюку улиманакын таўатыңўа̄қ успықылъымтун кылгуткамтун лъпынун на̄йӷами».

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».

Откровение 22:9

Иўырңа пӣңа: «Таўатын пихпынаң! Хўаңалъю қыпҳаҳтыңӯңа лъпытун, ухпықа̄лгутыхпытунлъю ӯкналиқистыстун, қа̄ткулъҳӣстунлъю акузитаңитнун укут игат. Манигуҳу Кияӷнық!»