К Евреям 12:23 - Новый Завет на эскимосском языке

²³ Тагика̄гуси қырңуӷутылъҳитнун қамахтыңъўа̄ӷлютың ухпықат иӷнықсюхўа̄ӷыстун аюқылӷӣт. Қилягми а̄тҳит игақңа̄т игатхун. Тагика̄гуси Кияӷныӷмун нанқихтистыңитнун қамахтыңъўа̄ӷлютың югыт, таӷныӷӣтнунлъю ылъқуӷутңалӷӣт югыт ӣӷўиҳтыстыканун.

К Евреям 12:23 Iomraidhean Croise

От Луки 10:20

Итагналӷӣңӯқ қуялӷӣси қаюҳлъяк туӷныӷа̄т қа̄ткыхкаңиси, иўырңа қуя̄ӷатаӷаҳтык қаюҳлъяк атыси игақылӷӣт қилягми».

От Иоанна 5:27

Аҳтуӷьяҳқа̄нӷилъылиткақа̄лъю Иӷныни нанқихтилъыӷмун қаюҳлъяк Иӷнықыхкаңа Югым.

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

1е Коринфянам 13:12

Лӣгикылъыҳпут Кияӷныӷмың ӣӷўинъыӷитуқ, катам таўатытуқ ысҳалӷӣстун таӷныӷаҳқӯтылюхкун. Қакуқа̄қун лӣгикңўа̄ӷьяҳқаҳпут Кияӷнық қаюҳлъяк ысҳаҳлъықаҳпут хинасяҳқуӷлюку. Ма̄тын лӣсималъқа ӣӷўинъыӷитуқ. Иляңани аӷныӷым лӣсималъқа ӣӷўиӷьяҳқа̄гуқ катам таўатын Кияӷныӷым лӣсимакңўа̄қаңаңа ӣӷўиӷма.

1е Коринфянам 15:49

Адамытун югусилгулъымтыстун, иляңани аӷныӷым Христосытун югусилгуяҳқа̄гукут.

1е Коринфянам 15:54

Ынка̄м Акузитни Игақыхкани игақыхкақ апыӷӣҳлъықуқ: «Туқулъық на̄фқуқ; кая̄лъқӣлъық ӣӷўиҳтуқ!»

2е Коринфянам 5:8

Ынка̄м илюта̄қукут. Унисюгақапут югусипут нымынъалюта Атаныӷми.

К Ефесянам 1:22

Кияӷныӷым лъикақа̄ сяңўа̄ қамахтыңъўа̄ӷлюку Христосым итыга̄н асиңанун, на̄сқӯтистыңлъяқақа̄лъю сямун тамаҳа̄нун апалъюқлъюки ухпықат.

К Филиппийцам 4:3

Қыпҳалгутымни Сизыгус, лъпыклъю каю̄сӣтаҳтикык аӷнак та̄кук та̄қысқылъюкык аӷиванъыӷмың. Ылъкыхкынка қывӯлъютык қыпҳалгусиқақӣлъю Клименталъю, иляңилъю қыпҳалгутынка, қамахлъюта уңипақиңулюта Пинилӷӣның Уңипаның юлӷутыҳлъягнун. Қыпҳалгутма қамахлъютың а̄тҳит игақңа̄т Ига̄кун Уңувалъҳым. Таўантут игани а̄тҳит қамахлъютың кынлыңилңуӷмың уңувалъыңыхкат.

К Колоссянам 1:12

Ынка̄м қуямалъылиҳлъяглюси игамсиқаюгвикылъықаҳси Ата. Лъңаңулӷӣ лъпысинун ныңилгутыстикақ сямың тамаҳа̄ның акықусяқыхкаминың тӯнылъықнилюки юни кияҳлъыҳӣт ниӷугми.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

1е Тимофею 3:5

Иглыӷутиста иглыӷутилъхискуми лъми катам ныңлъюгутминың, натынңам афлъыңакылъықаки ухпықистыңи Кияӷныӷым?

К Евреям 11:4

Ухпықилъыҳқун Авель тӯника̄гуқ Кияӷныӷмун тугуклъиӷьюгнаӷатаӷалӷӣмың аҳтутмың Каиным аҳтуткыхка̄ның. Кияӷнық пика̄гуқ Авель ылъқуӷутңалӷӣңунилюку ю̄гым ухпықилъҳа апалъюқлъюку. Кияӷныӷым ипапиҳқыхкақа̄ Авель ылъқуӷутңанилюку тугуклъилъыӷмикун тунусӣ. Ухпықилъыӷмикун Авель паниның акузиңӯқ, туқука̄яӷңа̄ӷми.

К Евреям 11:40

қаюҳлъяк Кияӷныӷым успықыхка̄ хўаңкунъун пиниӷатаӷалӷӣңӯқ. Ухпықилъҳа хўатытуқ: акықусяни пина̄нӷитӣ лъңитнун хўаңкуңунаки. Қырңа̄мта қамахлъюта ӣӷўиҳлъықӣнкут.

К Евреям 2:12

Иисусым пикақа̄ Кияӷнық: «Апыҳлъықақа а̄тҳын аңлыгутымнун; усюқылъықамкын қырңуӷутката».

К Евреям 9:27

Тамаҳаӷми туқуяҳқа̄лӷӣ ата̄сиҳаӷмың, ынка̄м та̄м киңуңаның Кияӷныӷым нанқихлъықӣ.

От Иакова 1:18

Кияӷныӷым лъңан катам Пиюкылъқақа, тӯналюта нутаӷамың уңувалъыӷмың уңипа̄кун ипапиҳқылъҳым. Таўатын пика̄гуқ, хўаңкута мыгнуналъыҳпига̄сқылъюта улима̄ӷьяхаӷминың.

1е Петра 2:23

Сыӷлықӯлъыңақңами акисимаңитӣ. Икфиқақңами акықсяхсимаңитӣ. Итупилъ ныӷьюкутка̄гуқ лъңаның нанқихтикаюгмун ылъқуӷаҳлъюку.

Откровение 13:8

Қамахлъюни нунами кияҳлъыҳӣм манигуҳлъықа̄т тыӷикусялъю̄к. Иўырңа тама̄кут а̄тҳит игақңалӷӣт Игӣтхун Уңувалъҳым манигуӷна̄нӷита̄т. Кияӷныӷым игақыхкақӣ а̄тҳит нунаңлъялъҳилъюни. Та̄кут игат пикӣ Пынъӣӷаҳа̄м, югыт туқуткӣта.

Откровение 14:4

Та̄кут югыт нукыхнаҳқумаңилңӯгут аӷнамың атуқилъыҳқун. Малихтақа̄т Пынъӣӷаҳақ навык алңунак пинӷани. Кияӷныӷым югуликақӣ акулңитның нунам юган, тунусяқсюхўа̄ӷӯт Кияӷныӷмунлъю, Пынъӣӷаҳаӷмунлъю.

Откровение 20:15

Китум алңунак а̄тҳа игақумаңилңуқ Ига̄ни Уңувалъҳым, милю̄сима̄т на̄йвам кынӷанун.

Откровение 6:11

Та̄хкын ата̄сикаҳтӣта уңувасӣт туқутка̄т қатылӷӣмың аткуя̄литкӣт, мыӷна̄лӣстысқыхкӣтлъю. Таўатын пияҳқа̄гут қаюҳлъяк иляңи ухпықа̄лгутңит, Христосымлъю қыпҳаҳтыңи туқусяҳқа̄гут лъңита туқутылъҳистун. Ынка̄м мыӷна̄линақут кынляңа угляҳталңит на̄мастыката тама̄кут туқусяҳқат.

Откровение 6:9

Та̄хкын Пынъӣӷаҳа̄м қылъпыҳсяқминигу талъимӣтаңа печатылъҳым, ысҳаӷанка асиңанилъюки аҳқыфигым уңувасӣт туқуқуқат. Туқуткақыхкаңит қаюҳлъяк ухпықыхкақыхкаңит Кияӷныӷым акузитаңи, уңипақумаңинақӣтлъю.