К Евреям 12:22 - Новый Завет на эскимосском языке

²² Иўырңа катам лъпыси тагика̄гуси Сионым найӷаҳанун, қилягым Иерусалимыңанун, ныҳлъяганун уңувалӷӣм Кияӷныӷым. Тагика̄гуси кыстыка̄нӷилңуӷнун яқулыгнун қырңуӷутканун қуялъылиҳлъяглюси.

К Евреям 12:22 Iomraidhean Croise

От Матфея 16:16

Симон Петырым кӣмсиқа̄: «Христосыңӯтын, Иӷныӷа уңувалӷӣм Кияӷныӷым».

От Матфея 5:35

налиӷмың нунакун қаюҳлъяк итыгаӷӣтақа̄ Кияӷныӷым, налиӷмың Иерусалимыкун қаюҳлъяк ныҳлъяка̄ Умӣлыхпахлъягым.

К Римлянам 11:26

Та̄хкын қамахлъютың Израилыӷмӣт югулилъыңылъықут. Акузитни Игақыхкани игақңалӷӣ: «Югулиӷиста тагилъықуқ Сионымың; иқилъықӣ қамахлъюки сыӷлыӷыт киңунӷаның Иаковым.

К Римлянам 9:26

Таўани Кияӷныӷым уңипа̄тфигитни: “Юкынӷитамси”, таўанилъю атиҳлъықӣт: “Авақутӣ уңувалӷӣм Кияӷныӷым”».

К Галатам 4:26

Иўырңа па̄мна Иерусалим қыпҳаҳтыля̄ӷитуқ, лъңа на̄каҳпут.

К Ефесянам 2:19

Ынка̄ңам лъпыси язычнигни нуната̄наниҳтуси. Итупилъ нуналгутка̄ҳтӣси Кияӷныӷым югита, илятусилъю ныңлъюгутаңанун Кияӷныӷым.

К Филиппийцам 3:20

Иўырңа ухпықани хўаңкута қилягмӣңӯкут. Ынка̄м утақаңўа̄ҳпут югулиӷиста, Атанық Иисус Христос, укигьяҳқақ хўаңкунъун қилягмың памакын.

1е Фессалоникийцам 1:9

Тамаңани а̄пҳақа̄т упуӷатилъыҳлъяхси хўаңкунъың лъпысинитңулюта. Қӣвуманилюсилъю уңувалӷӣмун Кияӷныпигмун қыпҳа̄нъалюку, пыхлъюки кияӷныңлъяқат.

2е Тимофею 4:18

Атанӷым югулияҳқақа̄ңа тамаҳа̄ның сыӷлыӷым сюӷугалъҳаның, ынка̄м пақнанаңуна̄н агля̄лъықа̄ңа қилягмылңуӷмун Атаныҳпагулъыӷминун. Лъңанун усюқилъық қӯнпырухлъяк кынлыңуна̄н. Аминь.

К Евреям 10:31

Татама̄таӷнапихтуқ кина алңунак ӣханисяҳқақ уңувалӷӣм Кияӷныӷым Нанқихтилъҳым Аӷныӷани!

К Евреям 11:10

Авраам таўатын пика̄гуқ қаюҳлъяк утақӣңулӷӣ кияҳналюни ныҳлъягми тунымаҳтуқами. Кияӷныӷӯқ успықистыңалъю, улимаӷистыңалъю ныҳлъягым.

К Евреям 11:16

Йыӷлыги пиюкатаӷақақа̄т пиниӷатаӷалӷӣ нуна, қилягмылңуқ. Ынка̄м Кияӷнық кайңуюгигатуқ Кияӷнықнинӷатни. Талўа ята̄ҳқуткақӣ ныҳлъягмың.

К Евреям 13:14

Нунами хўани қӯнпыкаҳқамың ныҳлъягитукут, иўырңа утақаңўа̄ҳпут ныҳлъяк тагияҳқақ.

К Евреям 3:12

Ухпықа̄лгутымни кылыңалюси, сыӷлыӷмың сюмыҳтаӷалъыӷныңлъю, ухпынӷитылъыӷныңлъю, иқитутыстыхпынаси уңувалӷӣмың Кияӷныӷмың.

К Евреям 9:14

Тама̄кут пылюңиӷияқлъыгуката югыт югусӣтның, та̄ўа Христосым а̄ўан ўата пилъықӣ. Пылюңиҳлъықӣ умьюгаси сятңунӷилңуӷның ухпықилъыӷның лъпысинун қыпҳа̄тысқылъюку уңувалӷӣ Кияӷнық. Кынлыңилңӯгныкун Таӷныӷагныкун, Христос сыӷлыҳқылъҳилңуқ, тӯныхка̄гуқ лъңаның катам Кияӷныӷмун аҳқутңулюни.

От Иуды 1:14

Енохыңуқ ма̄ӷраӷвинлӣткыхкаңат киңунӷита Адамым, лъңан ӯкналиқуткыхкақӣ тама̄кут югыт. Хўатын пика̄гуқ: «Ысҳаҳтык, Атанық тагияҳқа̄гуқ аглыӷналӷӣт яқулылӷутыҳлъяни кылъқылъюки,

Откровение 14:1

Та̄хкын ысҳаӷақа та̄ўа Пынъӣӷаҳақ ныкывӷалӷӣ На̄йӷами Сионым. Лъңанитутыфтут 144,000 югыт, қагумыхтыхун игақфикыхкат а̄тҳаның, Атаңанлъю а̄тҳаның.

Откровение 21:10

Кияӷныӷым Таӷныӷахкынкун яқулгым тугулюңа агля̄та̄ңа ӯсқалъыҳпига̄нун на̄йӷам. Таўани кылгута̄ Иерусалим, Аглыӷналӷӣ Ныҳлъяк укилӷӣ Кияӷныӷмың қилягмылңуӷмың.

Откровение 21:2

Ысҳаӷақалъю Аглыӷналӷӣ Ныҳлъяк, Иерусалимыӷраӷақ, укилӷӣ Кияӷныӷмың қилягмылңуӷмың. Ныҳлъяк ята̄ҳқылъюни угӣӷнақылӷӣм улъңақылъҳатун угиминун.

Откровение 22:19

Китум алңунак икувикыхкаки ӯкналиқуткыхкат укуни игани, Кияӷныӷым иқилъықӣ ныңиҳқӣ пӣтыстыкат уқфиганың уңувалъылитикаюгым. Кияҳтысна̄нӷита̄лъю аглыӷналӷӣми ныҳлъягми. Та̄кук апыӷңа̄к укуни игани.

Откровение 3:12

Кая̄лъқӣлӷӣ аӷвыӷақыта̄ҳтыслъықақа Кияӷныӷма Храмыңани, алъямыңлъю а̄на̄нӷитуқ. Ынка̄м лъңакун игақылъықақа а̄тҳа Кияӷныӷма, а̄тҳалъю Кияӷныӷма ныҳлъяган, Иерусалимыӷраӷақ, укилӷӣ қилягмың Кияӷнымның. Лъңакунлъю игақылъықақа атыӷраӷақа.

Откровение 7:2

Та̄хкын ысҳаӷақа иляңа яқулык маюлӷӣ асиваӷмың тугумӣлык налъюнӣӷутаңаның уңувалӷӣм Кияӷныӷым. Яқулгым акилӷӯгӣ стамат яқулгыт Кияӷныӷым тӯныхкӣ аҳтуӷьяҳқа̄нӷилъыӷмың на̄фқысқылъюку нуна, кылъӣлъю.