К Евреям 12:2 - Новый Завет на эскимосском языке

² ысҳа̄маклъюку Иисус, пӣнлиӷистыңалъю, апыӷӣӷистыңалъю ухпықилъымта. Кайңунаҳтуқ туқулъыҳқақ қақӯракун, иўырңа Иисусым пикаткумаңита̄ кайңусяӷа̄тылъық. Йыӷлыги накмӣқа̄гуқ икфиқналюни қақӯракун апалъюқлъюку қуялъық алъхыҳсяҳқани. Ынка̄м ма̄тын ақумга̄қ аӷынқигныӷани Кияӷныӷым.

К Евреям 12:2 Iomraidhean Croise

От Матфея 16:21

Та̄хкын кынляңа Иисусым лӣгикыснақыхкӣ малихся̄ҳтыни, Иерусалимтыпыста̄ӷьяҳқа̄нилюни, таўани алъя̄ҳӣнакун икфиқыслъықнилюни Старейшинынун, первосвященнигнун, апыҳтуӷикаюгнунлъю Лӣлиҳтӯсямың. Уңипа̄ткӣ туқусяҳқа̄нилюни та̄хкын пиңая̄ни аӷныӷым Кияӷныӷмун уңуваҳсяҳқа̄нилюни.

От Матфея 20:28

катам таўатын Иӷныӷан Югым пилъҳатун. Тагимаңитуқ қыпҳа̄тысқылъюни иўырңа тагика̄гуқ қыпҳа̄тиналюни, тӯналюкулъю уңувалъыни навыҳқылъисиқналюку угляпихлъыҳӣнун югнун».

От Марка 14:36

Пикақ: «Авва, Ата̄й, сяңўа̄ қамахлъюку пияҳқақан. Аўӣтигу уна қаю̄сиқ хўаңамның, иўырңа хўаңа пиюкылъқа авылӷаӷлюку лъпык пиюкылъҳын пигу».

От Марка 15:28

Акузитыт Игақыхкат хўатын пилъҳат апыӷӣҳтуқ: «Илялъкӣткақыхкаңат сыӷлытун пистынун».

От Марка 16:19

Атанӷым Иисусым малихся̄ҳтыни алыҳқуныӷмың та̄қсяки, Кияӷныӷым маюҳтыстыка̄ қилягмун, ынка̄м ақумыхкақ Кияӷныӷым аӷынқигныӷакун.

От Марка 9:12

Кӣмсиқӣ: «Ипаңӯқ Илия сивуклъюни тагипыста̄ӷьяҳқа̄гуқ ята̄ҳқынъалюку сяңўа̄ тамаҳа̄н. А̄птаҳлъямси, нақам сяңан Акузитыт Игақыхкат пикақатху, Иӷныӷа Югым икфиқыҳлъягьяҳқа̄нилюку, сясӣнӷилңуӷыстунлъю кияӷусяҳқа̄нилюку?

От Марка 9:24

Таўаниңинақ мыкылӷӣӷым атаңа игляхтулюни пикақ: «Ухпыҳтуңа, иўырңа ухпылъыҳтуҳтаӷақаӷңа!»

От Луки 17:5

Апостолыт Атанық пика̄т: «Ухпықилъыҳтуҳтаӷақаҳқут!»

От Луки 23:11

Иродылъю пилъюўаҳтыкулъҳӣт асиста̄қа̄т лыгасӣӷўа̄ткума̄н. Та̄хкын а̄тыслъюкык акитупихлъыҳӣк аткуя̄ӷык, ӯтҳутыстыка̄т Пилатымун.

От Луки 24:26

Пика̄гут Христос икфиқыпыста̄ӷлюни туқулъықнилюку итыӷвагилгами ниӷуҳқылъыӷминун».

От Иоанна 1:29

Уна̄миңани Иоанным ысҳаӷлюку Иисус тагилӷӣ лъминун югыт пикӣ: «Ӣи, та̄ната Пынъӣӷаӷа̄ Кияӷныӷым иқитияҳқақ сыӷлыҳқылъҳаның нунам юган.

От Иоанна 12:24

Ипа уңипа̄тамси, ўыткуқун пӣтун ифкаҳлъюни нунамун итыӷлюни туқукуми пӣтысқуҳлъягьяҳқа̄гуқ, а̄мта̄м туқунӷилъкуми та̄ўа ата̄сиҳа̄лъықуқ пӣтун.

От Иоанна 12:32

Хўаңа кывылъыңыхкума нунамың, та̄хун тагиляӷа̄тыслъықақа қамахлъюку ю̄к хўаңамнун».

От Иоанна 13:3

Иисусым лӣсимакыхкаңа Атам тӯныхкақыхкаңа аҳтуӷьяҳқа̄нӷилъыӷмың сямун тамаҳа̄нун. Лӣсимакыхкаңалъю Кияӷныӷмың пиңутни, аглялъыҳқанилъю Кияӷныӷмун.

От Иоанна 6:40

Уна Атама Пиюкылъқақа: китум алңунак ысҳаӷлюку Иӷнықа ухпықыхкумигу кынлыңилңуӷмың уңувалъыңылъықуқ. Ынка̄м уңуваҳлъықақа киңулиӷми аӷныӷми».

От Иоанна 8:56

Атази Авраам қуяҳлъяка̄гуқ ысҳаҳлъықнилюку тагилъқа. Ысҳақақа̄, ынка̄м қуяка̄гуқ».

Деяния 2:36

Уңипа̄таҳлъямси қамахлъюси Израилыӷмӣни, Кияӷныӷым ипапыста̄қ накмикыхкақа̄ Иисус Атанӷулюкулъю, Христосыңулюкулъю. Та̄наңӯқ Иисус қақӯрақаҳси!»

Деяния 3:15

Таўатын пилъыҳпысигун туқутыстыкақаҳси Уңувалъҳым Алъхыӷвихпига̄, иўырңа Кияӷныӷым уңуваҳтыстыкақа̄ туқулъыӷмың. Лӣсимакңўа̄ӷаҳпут, қаюҳлъяк ысҳақақаҳпут уңувалъҳан киңуңаның ынка̄м апыӷьяҳқақаҳпут.

Деяния 5:31

Ынка̄ңам қӯлваӷналюку Иисус аӷынқигныӷмикун ныкыхтыкақа̄ Иглыӷутистыңулюкулъю, Югулиӷистыңулюкулъю. Таўатын пикақа̄ Израилыӷмӣт авутыҳқысяҳқа̄ҳтысқылъюки сыӷлыҳқынъанӣсқылъюки, қӣвысқылъюки Кияӷныӷмун, сыӷывунъалюкилъю сыӷлыҳқылъҳитның.

Деяния 5:41

Апостолыт а̄нысистың қуяҳлъякат, қаюҳлъяк Кияӷныӷым кайңусяӷа̄тыстыкақыхкаңи Иисус апалъюқлъюку.

1е Коринфянам 1:18

Уңипақ Христосым туқулъҳа қақӯракун тымңиңӯқ ифлъянақылӷӣнун. Иўырңа югулилъыңылӷӣни хўаңкута лӣсимакаҳпут Кияӷныӷым аҳтуӷьяҳқа̄нӷилъқа̄.

1е Коринфянам 1:23

Иўырңа паниның уңипақнақңўа̄ҳпут Христосымун туқуткыхкақнилюки қақӯракун. Уна уңипақ Иудеяни пияқнапихтуқ ухпықсяҳқа̄люни, язычнигни тымңӣңӯт.

К Ефесянам 2:16

Туқулъыӷмикун қақӯракун, Христосым угумикунъаниҳқӣ Иудеитлъю, язычнигытлъю. Та̄хкын ата̄сӣҳтыстӣ, илялӣӷутыстӣлъю Кияӷныӷмун.

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

К Филиппийцам 1:6

Лӣсимакңўа̄ӷақа Кияӷнық пӣнлиӷикақ пинилӷӣмың қыпҳақамың илюхпысини, лъңан апыӷӣҳлъықа̄ Христос Иисус утыӷниқан.

К Филиппийцам 3:20

Иўырңа ухпықани хўаңкута қилягмӣңӯкут. Ынка̄м утақаңўа̄ҳпут югулиӷиста, Атанық Иисус Христос, укигьяҳқақ хўаңкунъун қилягмың памакын.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

К Евреям 1:13

Кияӷныӷым пимаңитңўа̄ӷӣ налиҳӣнӣт яқулыни хўатын: «Ақуми хўагун аӷынқигнымкун, кынляңа аңуяхтын тунымалӣтыстылъымнун итыгаҳпык асиңанун».

К Евреям 1:3

Иӷныӷым кӯкхутақа̄ Кияӷныӷым ниӷуҳқылъҳа, Кияӷныҳтуңўа̄қлъю аюқуқ. Сяңўа̄т қамахлъюки нагныӷастыңъўӣ таўатылъюки аҳтуӷьяҳқа̄нӷилңӯтхун акузитмикун. Иӷныӷым тӯныхкақа̄ лъми катам уңувалъыни укмаңиӷналюта тамаҳа̄ның сыӷлыҳқылъымнъың. Апыӷӣӷьямигу таўатын пилъыни, қилягми ақумыхка̄гуқ аӷынқигныӷакун Кияӷныӷым, аҳтуӷьяҳқа̄нӷитылъыҳпига̄м.

К Евреям 10:14

Та̄хун ата̄сикун аҳтуткылъыҳқун, Христосым қӯнпырухлъяк на̄михтыстыкақӣ пылюңиҳсяқат сыӷлыҳқылъыӷмыхның.

К Евреям 10:33

Иляңакун юхтуқами югыт сыӷлытун акузиткақӣсилъю, амьюқыта̄ткақӣсилъю. Иляңани ныкывӷалгусиӷақаси тама̄кут амьюқыта̄ткысилӷӣт.

К Евреям 11:36

Иляңи лыгасӣӷўа̄ткақлъюки, иляңи кахсягмигақлъюки, иляңи қӣпшаӷусиӷлюки анусимиңлъяӷақӣт.

К Евреям 12:3

Сюмыҳтаӷа̄ткаҳтыхуқун Иисус. Ӣлъқаюгумаңитуқ қайўа сыӷлыҳқыстыт угумикыра̄ҳлъяӷңа̄тни. Таўатын лъпысилъю илютулъҳӣнъа̄нӷитусилъю, ӣлъқаюгна̄нӷитусилъю.

К Евреям 13:13

Ынка̄ңам ныҳлъягмың хўаңкуталъю агля̄лъта Иисусымун, сыӷлытун акузиткысқылъюта катам лъңа сыӷлытун акузиткылъҳистун.

К Евреям 5:9

Апыӷӣӷьягу қамахлъюку Кияӷныӷым писқылъҳа, Иисусыңуҳтуқ кынлыңилңуӷмың югулилъыңыстияҳқақ тамаҳа̄нун қа̄ткулъҳӣнун лъңанун.

К Евреям 7:19

Лӣлиҳтӯсят кина алңунак пистысимаңита̄ Кияӷныӷым пиюкылъҳатун. Ынка̄м Кияӷныӷым тӯнумилъю пиниӷатаӷалӷӣмың сиӷималъыӷмың. Та̄хун сиӷималъыҳқун агляӷьяҳқа̄ҳтукут Кияӷныӷмун.

К Евреям 8:1

А̄пқаҳпут лъпысинун, хўатын писӣгуқ: таўатылңуӷмың первосвященнилгӯкут ақумгалӷӣмын аӷынқигныӷани ся̄ӷўакун Аҳтуӷьяҳқа̄нӷитылъыҳпига̄м қилягми.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

От Иакова 2:1

Ухпықа̄лгутымни, ухпықиңутыхпысиның Атанымнъың Иисус Христосымың, Атанӷаның ниӷуҳқылъҳым сюмыҳтаӷа̄ткыхпынаки иляңи югым мыгнунаӷатаӷаӷнилюки илямыхның.

1е Петра 1:11

Таӷныӷакык Христосым ӯкналиқистыт илюңитнитка̄гук. Уңипа̄тыкыстақақӣ икфиқылъыҳқа̄ның Христосым, қӯлвалъыңылъыҳқаҳлъяганыңлъю икфиқылъҳан киңуңаның. Ынка̄м ӯкналиқистыт лӣгикнақуткыхкақа̄т кинаңуяҳқа̄таңа Христос, қакунлъю тама̄кут пияҳқа̄таңи.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Петра 3:22

Иисус Христос қилягмун маюӷлюни аӷынқигныӷанитуқ Кияӷныӷым. Ынка̄м иглыӷутңўӣ қамахлъюки яқулгыт, қилягым иглыӷутистыңи, аҳтуӷьяҳқа̄нӷилъҳытлъю.

От Иуды 1:21

Кияӷныӷым пиниқылъҳанитыкыстаҳтык, утақӣмалюси Атанымнъың Иисус Христосымың тӯнысқылъюси кынлыңилңуӷмың уңувалъыӷмың наңлъыхталъыӷмикун.

Откровение 1:11

Хўатын пӣқ: «Игақуҳқи игатхун ысҳақаҳтын. Та̄хкын туюӷнакытын ухпықанун қырңуӷуткаюгнун ма̄ӷраӷвинлыгни юӷаӷвигни: Ефесымылңӯт, Смирнамылңӯт, Пергиямылңӯт, Фиатирамылңӯт, Сардисымылңӯт, Филадельфиямылңӯт, Лаодикиямылңӯтлъю».

Откровение 1:17

Ысҳаӷьямкун итыга̄н мануңакун ӯлъҳаҳтуңа туқукастун. Иўырңа аӷынқигныӷминың ӣхминың ся̄флъюңа пӣңа: «Алиңыхпынаң, хўаңа сивулӣгуңалъю, киңулӣгуңалъю.

Откровение 1:8

«Хўаңа Альфаңӯңалъю, Омегаңӯңалъю», пӣқ Атанық Кияӷнық, Аҳтуӷьяҳқа̄нӷитыҳлъяк. Лъңаңӯқ кияҳлъыҳӣ ма̄тын, лъңаңӯқ кияҳлъыҳӣ сивунӷани, лъңаңӯқ тагияҳқақ.

Откровение 2:8

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Смирнам. Уна уңипақ хўаңамның пиңӯқ: Сивулӣгуңалъю, киңулӣгуңалъю, туқулюңа уңувақа̄гуңа.