К Евреям 12:14 - Новый Завет на эскимосском языке

¹⁴ Кияҳнақитык ныкыхмытулъюси тамаҳа̄нун югнун, кияҳнақитыклъю сыӷлыҳқылъңунаси. Килъю алңунак пылюңинъыӷилңӯт ысҳаӷна̄нӷита̄т Атанық.

К Евреям 12:14 Iomraidhean Croise

От Марка 9:50

Таӷьюқ пиниҳтуқ иўырңа таӷьюӷниңӣскан, натын лъпыси таӷьюӷниҳлъя̄таӷнаяӷыстыху? Таӷьюӷниңӣтыхпынаси, ныкыхмытулъюсилъю».

От Луки 1:75

тӯнңўа̄ӷлюта лъңанун, қа̄ткулъюталъю пиюкылъҳанун уңувалъыҳпут қамахтӣлюку.

К Римлянам 12:18

Пияҳқа̄кан, пӣқитыху сяңўа̄ пияҳқаҳси кияҳтысқылъюси ныкыхмылъюси тамаҳа̄нун.

К Римлянам 14:19

Ынка̄м атӯлътыху ныкыхмылъыңыстияҳқақ, кайымутутылъталъю ухпылъыҳтуҳтаӷаӷналюта.

К Римлянам 6:22

Иўырңа ма̄тын итымулъюси сыӷлыҳқылъыӷмың қыпҳаҳтыля̄ӷуҳтыка̄гуси Кияӷныӷмун. Ынка̄м Кияӷныӷым пылюңӣҳтысимӣси, алъхыӷутысимӣсилъю кынлыңилңуӷмың уңувалъыӷмың.

1е Коринфянам 1:10

Ухпықа̄лгутымни, Атанымта Иисус Христосым а̄тҳакун пӣмси та̄қысқылъюси а̄ҳтӣра̄ӷунъыӷмың. А̄фқӯтыхпынаси. Сюмыҳтаӷалъысилъю, сянақылъысилъю ата̄сӣҳнақлъюки.

1е Коринфянам 13:12

Лӣгикылъыҳпут Кияӷныӷмың ӣӷўинъыӷитуқ, катам таўатытуқ ысҳалӷӣстун таӷныӷаҳқӯтылюхкун. Қакуқа̄қун лӣгикңўа̄ӷьяҳқаҳпут Кияӷнық қаюҳлъяк ысҳаҳлъықаҳпут хинасяҳқуӷлюку. Ма̄тын лӣсималъқа ӣӷўинъыӷитуқ. Иляңани аӷныӷым лӣсималъқа ӣӷўиӷьяҳқа̄гуқ катам таўатын Кияӷныӷым лӣсимакңўа̄қаңаңа ӣӷўиӷма.

2е Коринфянам 6:17

«Тама̄кын апалъюқлъюку Атанық пика̄лӷӣ: Унитыки тама̄кут югыт, а̄фтык лъңитның. Ся̄фтыхпынаки укмаңинъыӷилңӯт; ынка̄м тугуклъиҳлъықамси.

2е Коринфянам 7:1

Пиниқыхкамни илякумта̄мни, Кияӷнық тама̄куның акықусяңлъяқа̄таңаның хўаңкунъун, укмаңиҳся̄лътыки алъя̄ҳӣна̄т нукыхнӣ югусимталъю, таӷныӷамталъю. Пылюңиҳтыңъўа̄ӷылъта қаюҳлъяк аликаҳпут Кияӷнық.

К Галатам 3:21

Лӣлиҳтӯся̄т тыңвимун аюқаткӣ Кияӷныӷым акықусӣ? Нака̄, йыӷлыгилъю! Лӣлиҳтӯсям уңувалъыңысяҳқақсяқумикут, та̄ўа Кияӷныӷым налъҳусяӷнаяӷӣлъю ылъқуӷутңалъыӷминун та̄хун Лӣлиҳтӯсякун.

К Ефесянам 5:5

Налъюнықнаҳӣтуқ уна: Кина алңунак пагисяҳқӣтуқ Атаныҳпагулъҳани Христосымлъю, Кияӷныӷымлъю сыӷлыҳқылӷӣ алъянӣӷмың, алңунак блудникыӷмың, налиӷмың пакигнӣӷмың. (Пакигныӷыт манигуҳтыңӯт кияӷныңлъяқанун.)

К Филиппийцам 3:12

Хўатын пиңунӷитуңа: «Христосытун лъӣӷума̄ңа налиӷмың Христосытун кияҳтақуңа қӯнпың». Иўырңа пинақылъҳақа қамахлъюку атуқңўа̄қа Христосым пиюкылъҳатун лъӣӷналюңа атуқналюкулъю писқысюлъҳа хўаңамнун.

1е Фессалоникийцам 3:13

Таўатын айыпсюгиҳсяҳлъықӣ илюси авутңитысқылъюсилъю, пылюңитысқылъюсилъю сивуңани Кияӷнымта Атам, Атанымта Иисусым тагилъҳани. Таўани кылъқылъықӣ қамахтыңъўа̄ӷлюки лъми юни.

1е Фессалоникийцам 4:7

Кияӷныӷым накмикыхкақӣлъю кияҳтысқылъюта пылюңилъюта, сыӷлыҳқылъңуна̄мта.

1е Фессалоникийцам 5:15

Ўатаҳлъяк акисяқунаки сыӷлытун пистыси иўырңа пинитун пӣқитыки иляси, қамахлъюкилъю югыт.

1е Тимофею 6:11

Иўырңа лъпык Кияӷныӷым юка̄тын, ынка̄м иқитңалютын тама̄куның. Сягиқутики ылъқуӷутңалъық, кияҳтын Кияӷныӷым кияҳтысқылъҳатун, ухпықилъылиӷлютын, пиниқилъылиӷлютын, нуқынъыҳтулютын, наңлъыхтаӷлютын.

2е Тимофею 2:22

Иқитңалютын сямың сыӷлыӷмың аңлинҳат атуқсюгақыхкаңитның. Қӯнпың атуқақигу ылъқуӷутңалъық. Ата̄сӣӷмылъютын, пиниқиңалютын, ныкыхмылъютынлъю. Тама̄кут атуқики, малигулъютың туқлъюӷилӷӣнун Атаныӷмун қамакын пылюңилңуӷмың илюмыхның.

К Евреям 12:10

Атамта нунамылңӯт аӷью̄ӷақӣлъю натыңӣҳақ, сюмыӷмыхни ылъқуҳлъюку аӷью̄ӷиңунилютың. Иўырңа Кияӷныӷым аӷью̄ӷақӣлъю пиниҳқылъыҳқамнъун пылюңӣҳтысқылъюта лъмитун.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

1е Петра 3:11

Сыӷлытун пинаниӷлюни, пинитун пили. Ныкыхмынъақлъюнилъю кияҳлъи,

1е Петра 3:13

Китумңам ақниҳлъықиси сягиқңукуфси пинитун пилъыӷмун?

2е Петра 3:11

Қамахлъютың тама̄кут уӷугьяҳқа̄таңитның, лъпыси югни натылъыкыстык? Кияҳта̄лъыси пылюңилъит, Кияӷныӷмунлъю аюқлъит,

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.

3е Иоанна 1:11

Пиниқыхкамни, сыӷлытун пикаюгыстун пихпынаң, йыӷлыги пинитун пикаюгыстун пӣқи. Кина алңунак пинитун пикаюк Кияӷныӷым пика̄; иўырңа китум алңунак сыӷлытун пикаюгым налъюка̄ Кияӷнық.