К Евреям 11:7 - Новый Завет на эскимосском языке

⁷ Ухпықилъыҳқун Нойем нагаткақӣ Кияӷныӷым кылыңася̄ӷуткӣ тама̄кут сялин пиңигалъюки. Ынка̄м қа̄ткылъюку Кияӷнық аңьяҳпаңлъяқа̄гуқ ныңлъюгутни югулиналюки улывылъыӷмың. Таўатын пилъыӷмикун Нойем нунам юги нанқихтыстыкақӣ Кияӷныӷмун аӷью̄ӷысқылъюки. Ухпықилъыни апалъюқлъюку Нойем алъхыҳтыкақа̄ ылъқуӷутңалъық Кияӷныӷмың.

К Евреям 11:7 Iomraidhean Croise

От Матфея 2:12

Та̄хкын Кияӷныӷым қаваңукун йиткӣ Иродымун утыӷнифқӣта писқылъюки ынка̄м агляқат нунамыхнун алъятхун тумытхун.

От Матфея 24:15

«Йықай атиҳтуҳтым лӣгиклъигу сямың писӣтаңа ӯкналиқистым Даниилым ӯкналиқуткыхка̄. Ӯкналиқуткыхка̄ та̄на аглыӷнӣлңӯгуқ па̄ҳқӣтыстилӷӣ аглыӷналӷӣми ными. Ысҳақуфсигу тысқамани ныкывылӷӣ,

От Матфея 24:25

Та̄ўа уңипа̄тамси сивутҳулъюку пилъыҳқақ.

От Матфея 24:38

Тама̄ни аӷныӷни, сивуңани улывым югыт ныӷақлъютың, мыӷақлъютың, ныңуӷутақлъютың аюқыхкат кынляңа таўавык аӷныӷмун Нойелъю итылъҳитнун ковчегымун.

От Матфея 3:7

Иоанным ысҳаӷлюки Фарисеилӷутытлъю, Саддукеилӷутытлъю тагилӷӣт лъңанун крестиӷысқылъютың пикӣ: «Лъпыси нымыӷьяни! Китум анагысқиси Кияӷныӷым нанқихтылъыҳқа̄ның ка̄нъақылӷӣмың?

От Луки 17:26

Сивуңани утыӷнилъыҳқа̄н Иӷныӷан Югым, югыт кияҳта̄лъҳит таўатысяҳқа̄гут югыт кияҳтылъҳистун та̄гани аӷныӷни Ной кияҳтыңъулюку.

К Римлянам 1:17

Та̄кут Пинилӷӣт Уңипат лӣгикыстӣлъю натын Кияӷныӷым налъҳусяӷақутаңи югыт ылъқуӷутңалъыӷмыхнун. Ухпықилъҳинӣтхун Кияӷнық таўатын пӣқуқ. Катам Акузитни Игақыхкани игақңа̄қ: «Налъҳуҳқыхкақ Кияӷныӷым ылъқуӷутңалъҳанун кияҳлъықуқ ныӷьюклъюку лъңа».

К Римлянам 10:6

Иўырңа налъҳусяқақ Кияӷныӷым ылъқуӷутңалъҳанун ухпықилъыҳқун, қылъқа̄гуқ: «А̄птыхпынаң: “Кина маюҳлъықа қилягмун?”» (укихналюку Христос нунамун).

К Римлянам 3:22

Кияӷныӷым югыт налъҳусяқақӣ ылъқуӷутңалъыӷминун ухпықилъҳитхун Иисус Христосыкун. Та̄на ипаңӯқ тамаҳа̄нун ухпылӷӣнун Христосыкун қаюҳлъяк алъякунъыӷитут

К Римлянам 4:11

Тахталми та̄кўани Авраам обрезанияка̄гуқ. Обрезаниялъҳа налъюнӣлъкута̄гуқ ипапиҳқусӣлюни Кияӷныӷым налъҳусяқақыхкаңа ылъқуӷутңалъыӷминун ухпықилъҳакун. Сялин обрезаниялъҳилъюку Кияӷныӷым тугуклъиқақа̄ ылъқуӷутңалюку. Тама̄кын апалъюқлъюку Авраам атаңӯқ тамаҳа̄нун ухпықилӷӣнун обрезаниялъҳитыӷңа̄та, ынка̄м Кияӷныӷым тугуклъӣмӣ ылъқуӷутңалюки.

К Римлянам 4:13

Кияӷныӷым акықыхкақӣ Авраамылъю киңунқулъҳӣт ӣңунаҳа̄н нуна лъңитнун пагилъықнилюку. Акықусяқылъҳита̄ та̄на Авраамымун қаюҳлъяк қа̄ткыхкаңи Лӣлиҳтӯсят. Итупилъ Кияӷныӷым акықыхкақа̄ қаюҳлъяк ухпықыхкаңа ынка̄м Кияӷныӷым тугуклъиқақа̄ ылъқуӷутңалюку.

К Римлянам 9:30

Сямыңʼңам пилъықыста? Язычнигыт, лъңитның налъҳусяӷнақуткумаңитут Кияӷныӷмун, иўырңа Кияӷныӷым налъҳусяқақӣ ылъқуӷутңалъыӷминун апалъюқлъюку ухпықилъҳат.

К Галатам 5:5

Аглыӷналӷӣгныкун Таӷныӷагныкун утақаңўа̄ҳпут сиӷималъыҳпут апыӷӣӷысқылъюку. Сиӷималъыҳпут та̄наңӯқ: Кияӷныӷмун налъҳусӣсқылъюта ылъқуӷутңалъҳанун ухпықылъымтыхун Христосыкун.

К Филиппийцам 3:9

илятңўа̄ҳтуңалъю лъңанун. Ухпықнанӣма̄қа хўаңамның пиниӷнақылъық қа̄ткутылъымкун Кияӷныӷым Лӣлиҳтӯся̄мнъун. Йыӷлыги лӣсимакақа Кияӷныӷым пиниҳтыстақа̄ңа қаюҳлъяк ухпықыхкыхка Христос. Уна пинилъық Кияӷныӷмың аюқуқ, югыт алъхыҳтақа̄т ухпықилъыӷмыхтыхун Христосымың.

К Евреям 11:1

Ухпықилъҳым лӣсимакыстыңъўа̄ӷӣлъю алъхыҳсяҳқақнилюку сиӷмакыхкаҳпут, ипапиҳқусигуқ ысҳаӷьяҳқақынӷилъкымнъун.

К Евреям 12:25

Ынка̄м кылыңатык, нагасюнӷитыхпына̄н Кияӷнық акузилӷӣ. Сивунымта нагасюнӷиткақа̄т кылыңася̄ӷилъҳа нунами хўани, ынка̄м анагумаңита̄т аӷью̄ӷилъҳа. Хўаңкута аӷью̄ӷатаӷаҳлъықӣнкутлъю нагасюнӷилъкумтыху кылыңася̄лъҳа қилягмың.

К Евреям 5:7

Кияӷнық аҳтуӷьяҳқа̄нӷилъылгӯқ югулияҳқа̄люку Иисус туқулъыӷмың. Ынка̄м Иисус нунамытңулюни, игляхтулюни қунитӯмаӷми юӷақа̄лӷӣлъю, туңсиқа̄лӷӣлъю Кияӷныӷмун югулисқылъюни туқулъыӷмың. Кияӷныӷым нагаткақӣ юӷалъҳи, қаюҳлъяк қусывыхлъюни қа̄ткыхка̄ Кияӷныӷым пиюкылъҳа.

К Евреям 8:5

Священнигыт қыпҳақа̄гут святилищами, қилягмылңуҳтун аюқысюгнилңуӷми. Сялин Моисейем скиния ныкыфтылъҳилъюку, Кияӷныӷым апақуткақа̄: «Ўатаҳлъяк сяңўа̄ қамахлъюку улиманакын таўатыңўа̄қ успықылъымтун кылгуткамтун лъпынун на̄йӷами».

1е Петра 3:20

Та̄куңӯт қа̄ткусимаңилңӯт Кияӷныӷмун ныӷиӷлюку Ной кияҳтыңъулюку. Ной ковчегыңлъя̄люку Кияӷнық қыляныҳпынани утақӣка̄гуқ қа̄ткусимаңилңуӷнун авутыҳқысқылъюки. Пиңаюның иңлюлъхӣна̄т югыт итыӷлютың ковчегымун югулика̄гут мыҳқун.

2е Петра 1:1

Укут посланият Симон Петырымың пиңӯт. Қыпҳаҳтыка̄ңалъю, апостолоңалъю Иисус Христосым. Письмомамси қамахлъюси алъхыӷуткани ухпықилъыӷмың хўаңкутыстун аюқылӷӣмың. Алъхыҳтыкақаҳпут ухпықилъыҳпут ылъқуӷутңалъҳакун Иисус Христосым, Кияӷнықыхкыфутлъю, Югулиӷистыкыхкыфутлъю.

2е Петра 2:5

Ныӷиӷлюку Ной кияҳтыңъулюку, Кияӷныӷым аӷью̄ӷумаңинъыӷитӣ югыт авылӷасиңўа̄ӷикат лъңаның, ынка̄м улывыстыкақа̄ нуна. Иўырңа югуликақа̄ Ной, иляңилъю ма̄ӷраӷвинлык югыт. (Ной уңипаҳтыңука̄гуқ ылъқуӷутңалӷӣмун кияҳта̄лъыӷмун.)

2е Петра 3:6

Та̄хкын Кияӷныӷым мыӷмың улывыслъюку нуна на̄фқыхкақа̄.