К Евреям 11:32 - Новый Завет на эскимосском языке

³² Ўатақа̄ӷақ уңипамсюгулъямсӣ югның ухпықиканың Кияӷныӷмың? Та̄кыҳлъягьяҳқа̄гут акузиткысяҳқа̄люки Гедеонылъю, Варакылъю, Самсонылъю, Иеффайелъю, Давидылъю, Самуилылъю, ӯкналиқистытлъю.

К Евреям 11:32 Iomraidhean Croise

От Матфея 5:12

Ынңа̄талъ қуяҳлъяхтык қаюҳлъяк қилягми пама акилыҳтӯсяҳқалыхлъягӯси. Амынқун, ныӷиӷлюку ӯкналиқистыт амью̄ткыхкӣт катам ма̄тын амью̄ткылъҳистун лъпыси».

От Луки 13:28

Та̄хкын қия̄ӷўаҳлъяхлъықуси, хутысилъю тышқита̄хта̄мӣта. Таўатын пилъықуси ысҳақуфсики Авраамылъю, Исаакалъю, Иаковылъю, қамахлъюкилъю ӯкналиқистыт. Лъңит Атаныҳпагулъҳанилъықут Кияӷныӷым, иўырңа лъпыси ыслъятмун милю̄лъықӣси!

От Луки 16:31

Иўырңа Авраамым пика̄: “Лӣтфикумаңилъкумыхтыки игақуқӣт Моисейемлъю, ӯкналиқистытлъю, талўа ухпыҳтысна̄нӷитӣ туқумаслъӣӷым уңуваӷлюни уңипа̄скумики”».

От Иоанна 21:25

Угля̄пихтут игақулъҳилңӯт Иисусым пикӣ. Игақуқа̄яқумың қамахлъютың сюмымни ынтақун ӣңунаӷми нуна лъивигӣнъаяӷа̄ игалӷутыҳлъягнун.

Деяния 10:43

Қамахлъютың ӯкналиқистыт пика̄гут, китумңуқ алңунак ухпықыхкумигу а̄тҳакун, сыӷывутылъыңьяҳқа̄гуқ сыӷлыҳқылъыӷминың».

Деяния 13:20

Ынтақун ю̄к стамат югык ма̄лӷук қуля сӣпнықлъюкуңӯт аюмиқулъҳыт Кияӷныӷым накмикылъҳаның сивуныпут кынляңа нуна пилӣтылъҳитнун. Та̄м киңуңаның нанқихтистыңыста̄тақақӣ иглыӷутысқылъюки кынляңа Самуил ӯкналиқиста иглыӷутистыка̄ҳтылъҳитнун.

Деяния 3:24

Сяңўа̄ ма̄на атуҳпут кияҳтылъымнъи Самуилым ӯкналиқуткыхкақа̄. Самуилым киңуңаның иляңиталъю ӯкналиқистыт ӯкналиқутқыхкақӣт.

К Римлянам 3:5

Анахунъымта, анахутылъымта югыт лӣгикыстыңъўа̄ӷақӣт Кияӷнық ылъқуӷутңанилюку. Ынка̄м пилъықыста̄ Кияӷнық анахунъилюку аӷью̄қаңилъю анахутылъымнъун? (Акузиңӯңа югыстун.)

К Римлянам 4:1

Сямыңʼңам пилъықыста Авраамымың, сивунымнъың хўаңкута Иудеяни? Сямың лӣтка̄ўа?

К Римлянам 6:1

Сямыңʼңам пилъықыста? Сыӷлыҳқумаңина̄лъта̄а Кияӷныӷым наңлъыхталъҳа нулясқылъюку?

К Римлянам 7:7

Сямыңʼңам пилъықыста? Лӣлиҳтӯся̄т сыӷлыҳқылъҳўа̄т? Йыӷлыгилъю! Та̄кут Лӣлиҳтӯсят лӣтыстыкақӣ хўаңамнун сыӷлыҳқылъҳыт сяңутаңи. Лӣнъаянӷитақа қилӣқытиқылъық сяңутаңа Лӣлиҳтӯсяқ хўатын қылӷимаңисяқан: «Қилӣқытиқыхпынаң».

От Иакова 5:10

Ухпықа̄лгутымни, нықамиклъюки ӯкналиқистыт акузикат а̄тҳакун Атанӷым. Успутақитыки қыляныҳпынатың нуқынъыҳтулютың икфиқылъыӷми пикат.

2е Петра 1:21

Ӯкналиқистыт накмикумаңитӣт ӯкналиқуткысяҳқатың. Итупилъ Аглыӷналӷӣм Таӷныӷам ӯкналиқистыт акузитылиткақӣ акузисқылъюки Кияӷныҳтамың.

2е Петра 3:2

Лъпысинун нықамикысюганка аглыӷналӷӣт ӯкналиқистыт ӯкналиқуткыхкӣт. Нықамикысюгақалъю қылӷусяқ Атанымта Югулиӷистым а̄пқа̄ апостолыхпысигун.