К Евреям 11:27 - Новый Завет на эскимосском языке

²⁷ Ухпықилъыҳқун Моисейем униткақа̄ Египет алиңылъңунани умӣлгым сякша̄лъҳаның. Ӣлъқаюгумаңитуқ қаюҳлъяк ысҳалӷӣстун пикақыхкаңа алӣнъыӷилңуқ Кияӷнық.

К Евреям 11:27 Iomraidhean Croise

От Матфея 10:22

Хўаңамның апалъюқлъюси югым қамахлъюни угумикылъықӣси. Иўырңа нуқынъыҳтуқат кынляңа кынлымун югулилъыңьяҳқа̄гут.

От Матфея 24:13

Иўырңа кина алңунак нуқынъыҳтуқақ кынлымун югулилъыңьяҳқа̄гуқ.

От Марка 13:13

Хўаңа апалъюқлъюңа қамахлъюни югым угумӣлъықӣси. Иўырңа кина алңунак нуқынъыҳтуқақ кынлымун югулилъыңьяҳқа̄гуқ».

От Марка 4:17

Иўырңа ухпықңўа̄ӷигалъкаңит акузитаңи ынка̄м ухпылъҳит мулюңигатут. Сыӷлылӣныӷмыхни, налиӷмың амью̄ткылъыңныӷмыхни апалъюқлъюку ухпықилъыҳтың Кияӷныӷым акузитаңаның таўаниңинақ ухпықинаниӷақут.

Деяния 2:25

Давидым акузиткыхкақа̄ Иисус хўатын: “Ысҳаӷақақа Атанық сивумнилъюку қӯнпың: унисигата̄ңа, ынка̄ңам сыӷлыӷмун қапшахтысна̄нӷитуңа.

1е Коринфянам 13:7

Пиниқылъық ата̄сӣӷмытуқ сяңўа̄ сяяӷңа̄н. Ӣўлың ухпықиңа̄қ, ӣўлың ныӷьюкиңа̄қ, ӣўлың нуқынъыҳтӯқ.

2е Коринфянам 4:18

Сюмыҳтаӷа̄ткумаңинӣгатапут сыӷлылӣлъыпут. Итупилъ сюмыҳтаӷа̄ткақапут ысҳаҳпагниңилъкыпут. Қантаӷақун сыӷлылӣлъыпут кынлытҳӯлъықут, иўырңа қуялъыҳпут ысҳӣгалъкыфут қӯнпыкаҳқа̄гуқ.

К Колоссянам 1:15

Христос таўатытңўа̄ҳтуқ алӣнъыӷилңуҳтун Кияӷныҳтун. Кияҳтыңъӯқ сивуңани сяңўа̄ алңунак улималъҳилъюку, ынка̄м қулиҳпига̄гуқ улима̄ӷьяхаӷның.

1е Тимофею 1:17

Умӣлыгмун кынлыңилңуӷмун, туқупагниңилңуӷмун, алӣнъыӷилңуӷмун, лъңина̄ Кияӷныӷӯқ; лъңа қӯлвалъыңлилъю, усюқылъыңлилъю қӯнпырухлъяк кынлыңуна̄н! Аминь.

1е Тимофею 6:16

Лъңӣна̄гуқ туқуңигалңуқ. Кияҳтыңъӯқ ниӷугракыхлъягми рыпалъ китум алңунак тугухпагниңита̄. Китум алңунак ысҳӣгата̄, талўа ысҳаӷна̄нӷита̄. Кияӷныӷым пиклъикык қӯлвалъықлъю, аҳтуӷьяҳқа̄нӷилъықлъю қӯнпырухлъяк. Аминь.

К Евреям 10:32

Нықамикыхкыси тама̄кут аӷныӷыт сивунӷани лӣсюхўа̄ӷақңафсигу ипапилъық Христосымың аюқылӷӣ. Аӷулӣтка̄гуси ата̄сӣӷмылъюси қайўа икфиқыҳлъяӷңа̄ҳпыси.

К Евреям 11:1

Ухпықилъҳым лӣсимакыстыңъўа̄ӷӣлъю алъхыҳсяҳқақнилюку сиӷмакыхкаҳпут, ипапиҳқусигуқ ысҳаӷьяҳқақынӷилъкымнъун.

К Евреям 11:13

Қамахлъютың тама̄кут югыт паниның кияҳтыка̄гут ухпықилъыҳқун туқулъыӷмыхнун кынляңа. Туқуляӷа̄тка̄лӷӣт алъхыҳтыхпынаки Кияӷныӷым акықусяқыхкӣ лъмыхнун. Иўырңа ухпықилъыҳқун ысҳақақӣт Кияӷныӷым акықусяқыхкӣ уяванлъюки сивумыхнилъюки қуякыхкақӣтлъю. Ынка̄ңам уңипа̄ткақӣт югыт нуната̄нилютың хўани нунами, нунамун пикынӷинъилютың.

К Евреям 6:15

Авраам қыляныҳпынани утақӣка̄гуқ, ынка̄м алъхыҳтыкақа̄ Кияӷныӷым акықуся̄.

От Иакова 5:11

Қуяңанӣқапут ӯкналиқистыт қаюҳлъяк икфиқңуӷңа̄ӷмың паниның ныӷьюкумаңинақақа̄т Атанық. Нагақуқақаҳси Иовым нуқынъыҳтулъҳа, қуястылъҳалъю Атаныӷмың икфиқылъҳа алъпагьян. Ынка̄м Иовыкун Атанӷым лӣтыстӣси нафуҳталъыӷминыңлъю, наңлъыхталъыӷминыңлъю.

1е Петра 1:8

Ысҳӣгатыӷңа̄ҳпысигу пиниқаҳси, ысҳанӷитыӷңа̄ҳпысигу ма̄тын ухпықаҳси. Ынка̄м қуяҳлъягӯси рыпалъ а̄пҳўа̄ҳпагниңитаҳси аңталяңа қуялъыҳпыси,