К Евреям 11:17 - Новый Завет на эскимосском языке

^17-18 Кияӷныӷым акықыхкақыхкаңа Авраам: «Исаакыкун киңуныҳлъягулъықутын». Ухпықилъыҳқун Авраамым ныӷьюкыхкақа̄ Кияӷнық нанӷӣқўа̄қңатни. Ынка̄м аҳқуткысяҳқа̄ҳтыка̄ кызымаҳақ иӷныни, Исаак.

К Евреям 11:17 Iomraidhean Croise

От Иоанна 3:16

Кияӷныӷым пиниқыпихтутминың нунам юга тӯныхка̄ кызымаҳақ Иӷныни. Иӷныӷа китум алңунак ухпықыхкумигу туқуна̄нӷитуқ, иўырңа алъхыҳлъықа̄ кынлыңилңуқ уңувалъық.

2е Коринфянам 8:12

Тӯниюпихтыкуфси Кияӷныӷым тугуклъиҳлъықӣ тунусяси. Пиюкақа̄ ю̄к тӯнисқылъюку тӯньяҳқалгукан, иўырңа аваңискан тӯнинӷисяӷңа̄н.

К Евреям 11:13

Қамахлъютың тама̄кут югыт паниның кияҳтыка̄гут ухпықилъыҳқун туқулъыӷмыхнун кынляңа. Туқуляӷа̄тка̄лӷӣт алъхыҳтыхпынаки Кияӷныӷым акықусяқыхкӣ лъмыхнун. Иўырңа ухпықилъыҳқун ысҳақақӣт Кияӷныӷым акықусяқыхкӣ уяванлъюки сивумыхнилъюки қуякыхкақӣтлъю. Ынка̄ңам уңипа̄ткақӣт югыт нуната̄нилютың хўани нунами, нунамун пикынӷинъилютың.

К Евреям 7:6

Мелхиседек киңунқынӷита̄ Левийем, иўырңа тугуклъиқақа̄ қуляҳқылъық Авраамым тӯньягу. Қуястыкақа̄лъю Авраам, алъхыӷутка̄лӷӣ Кияӷныӷым акықуся̄ның.

От Иакова 5:11

Қуяңанӣқапут ӯкналиқистыт қаюҳлъяк икфиқңуӷңа̄ӷмың паниның ныӷьюкумаңинақақа̄т Атанық. Нагақуқақаҳси Иовым нуқынъыҳтулъҳа, қуястылъҳалъю Атаныӷмың икфиқылъҳа алъпагьян. Ынка̄м Иовыкун Атанӷым лӣтыстӣси нафуҳталъыӷминыңлъю, наңлъыхталъыӷминыңлъю.

1е Петра 4:12

Пиниқыхкамни илякумта̄мни, қӯвьюхпынаси сыӷлылӣӷрукута̄ҳлъягыт ка̄скаңиси нанӷӣҳсяӷаӷналюси. Нанӷӣҳсяӷалъыси алъяка̄ягунӷитут.

Откровение 3:10

Қылъқақамси нуқытысқылъюси. Қа̄ткыхкақутыхпысиның қылӷилъқа пақнӣҳсяҳлъықамси сыӷлылӣлъыӷның ка̄нъақылӷӣның нунатаҳаӷының тамаҳа̄ның. Тама̄кут сыӷлылӣлъҳыт нанӷӣқулъықӣт қамахлъюки югыт кияҳлъыҳӣт нунами.