К Евреям 11:16 - Новый Завет на эскимосском языке

¹⁶ Йыӷлыги пиюкатаӷақақа̄т пиниӷатаӷалӷӣ нуна, қилягмылңуқ. Ынка̄м Кияӷнық кайңуюгигатуқ Кияӷнықнинӷатни. Талўа ята̄ҳқуткақӣ ныҳлъягмың.

К Евреям 11:16 Iomraidhean Croise

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Марка 12:26

Атиҳтӣгастыхӯ Кияӷныӷым апылъҳа туқукат уңувалъыҳқӣтның туқулъыӷмың? Моисейем ига̄ни апыӷңа̄қ кумаӷуӷңалӷӣми уқфилъыгаӷми. Таўани Кияӷныӷым пикақа̄ Моисей: “Хўаңа Кияӷнықа̄ңа Авраамым, Кияӷнықа̄ңа Исаакым, Кияӷнықа̄ңа Иаковым”.

От Марка 8:38

Ма̄тын аӷныӷым юги ата̄сӣӷмынъыӷитут Кияӷныӷмун, сыӷлыҳқумаңӯтлъю. Ма̄ни аӷныӷни китум алңунак кайңуягускаңаңа, апыҳтӯсянкалъю, хўаңалъю Иӷныӷани Югым кайңуягулъықақа тагикума аҳтуӷьяҳқа̄нӷилъылиӷлюңа Атамның кылъқылъюки аглыӷналӷӣт яқулгыт».

От Луки 12:32

«Алиңыхпынаси пынъӣҳамни, қаюҳлъяк Атахпыси қуякусиқлъюку тӯньюгақа̄ лъпысинун Атаныҳпагулъық.

От Луки 20:37

Хўатыҳлъюўа̄қ Моисейем ипапиҳқыхкақӣ туқукат уңуваҳсяҳқа̄нилюки. Игатхун игақақңамигу уқфилъыгақ кумаӷуӷңалӷӣ хўатын пика̄гуқ, Атанық “Кияӷнықа̄ Авраамым, Кияӷнықа̄ Исаакым, Кияӷнықа̄ Иаковым”.

От Иоанна 14:2

Угля̄пихтуқ ныкаҳқақ Атама мыңтыӷа̄ни ынка̄м ята̄ҳқусяҳтуӷнақамси ныкаҳқамың. Таўатынъыӷисяқан уңипа̄нъаянӷитамси.

Деяния 7:32

“Кияӷныӷӯңа, сивуныҳпык Авраамылъю, Исаакамлъю, Иаковымлъю Кияӷнықа̄тңа”. Моисей алиңрӯқақ рыпалъ уңылыхтыкақ талўа ысҳаӷьюгумаңитка̄.

К Филиппийцам 3:20

Иўырңа ухпықани хўаңкута қилягмӣңӯкут. Ынка̄м утақаңўа̄ҳпут югулиӷиста, Атанық Иисус Христос, укигьяҳқақ хўаңкунъун қилягмың памакын.

2е Тимофею 4:18

Атанӷым югулияҳқақа̄ңа тамаҳа̄ның сыӷлыӷым сюӷугалъҳаның, ынка̄м пақнанаңуна̄н агля̄лъықа̄ңа қилягмылңуӷмун Атаныҳпагулъыӷминун. Лъңанун усюқилъық қӯнпырухлъяк кынлыңуна̄н. Аминь.

К Евреям 10:34

Наңлъыкақаси анусимиңлъяӷвигмылңӯт. Талўа қуяңа̄қуси югыт тугулянӷатки сяӷьяси қаюҳлъяк лӣсимакаҳси паниның сялгӯси пиниӷатаӷалӷӣмың қӯнпыкаҳқамың.

К Евреям 11:10

Авраам таўатын пика̄гуқ қаюҳлъяк утақӣңулӷӣ кияҳналюни ныҳлъягми тунымаҳтуқами. Кияӷныӷӯқ успықистыңалъю, улимаӷистыңалъю ныҳлъягым.

К Евреям 11:14

Тама̄кут таўатын акузилӷӣт, хўатыҳлъюўа̄қ а̄пҳўа̄т нунакаҳқаӷьюгнилютың лъмыхнун пикаҳқамың.

К Евреям 11:40

қаюҳлъяк Кияӷныӷым успықыхка̄ хўаңкунъун пиниӷатаӷалӷӣңӯқ. Ухпықилъҳа хўатытуқ: акықусяни пина̄нӷитӣ лъңитнун хўаңкуңунаки. Қырңа̄мта қамахлъюта ӣӷўиҳлъықӣнкут.

К Евреям 12:22

Иўырңа катам лъпыси тагика̄гуси Сионым найӷаҳанун, қилягым Иерусалимыңанун, ныҳлъяганун уңувалӷӣм Кияӷныӷым. Тагика̄гуси кыстыка̄нӷилңуӷнун яқулыгнун қырңуӷутканун қуялъылиҳлъяглюси.

К Евреям 13:14

Нунами хўани қӯнпыкаҳқамың ныҳлъягитукут, иўырңа утақаңўа̄ҳпут ныҳлъяк тагияҳқақ.

К Евреям 2:11

Иисусым пылюңиҳсяқақӣ югыт сыӷлыҳқылъҳитның. Ынка̄м лъңалъю тама̄кутлъю пылюңиҳсяқӣ, қамахлъютың Атака̄т Кияӷнық. Тама̄кын апалъюқлъюку Иисусым кайңукигатӣ атиӷьяҳқа̄люки аңлыгутңулюки.

Откровение 21:2

Ысҳаӷақалъю Аглыӷналӷӣ Ныҳлъяк, Иерусалимыӷраӷақ, укилӷӣ Кияӷныӷмың қилягмылңуӷмың. Ныҳлъяк ята̄ҳқылъюни угӣӷнақылӷӣм улъңақылъҳатун угиминун.