К Евреям 10:34 - Новый Завет на эскимосском языке

³⁴ Наңлъыкақаси анусимиңлъяӷвигмылңӯт. Талўа қуяңа̄қуси югыт тугулянӷатки сяӷьяси қаюҳлъяк лӣсимакаҳси паниның сялгӯси пиниӷатаӷалӷӣмың қӯнпыкаҳқамың.

К Евреям 10:34 Iomraidhean Croise

От Матфея 19:21

Иисусым кӣмсиқа̄: «На̄михтыңъўа̄ӷьюкувгу Кияӷныӷым писқылъҳа лъпынун, агляӷлютын қамахлъюку сяӷьян акиклъюку, акиңа тама̄на аклъюмалӷӣнун тунқуӷнакын. Ынка̄м қилягми аклъюңилгулъықутын, та̄хкын тагилютың малихнакывңа».

От Луки 10:42

иўырңа ата̄сиҳа̄гуқ аклъюналӷӣ. Мариям накмикума̄ та̄на пинилъҳа, лъңаның иқисяҳқа̄нӷитуқ».

От Луки 12:33

Сяӷьяси акиклъюки манилитыки аклъюмалӷӣт. Ынка̄м лъпыси кахпагилъықуси аклъюңихпысиның қилягми. Таўатын пикуфси қилягми ақыфтаӷа̄лгулъықуси на̄вьяҳқа̄нӷилңуӷмың. Таўани аклъюңиси на̄ңьяҳқа̄нӷилңӯт, тыглыгнӣҳтытлъю тугуна̄нӷитӣт, молытлъю на̄фқынъа̄нӷитӣт.

От Луки 9:25

Сяңўа̄ югым алъхыҳлъықагу ӣңуна̄н нуна пилӣлъюку ифлъякумигу налиӷмың на̄фқыхкумигу уңувалъыни?

Деяния 21:33

Та̄хкын пилъюўаҳтыт умӣлгита тугулюку Павел асиҳқыстыка̄ малӷугныӷның қӣпшаӷутның. Пилъюўаҳтыт умӣлгита а̄птыкӣ: «Кинаңа̄ўа уна ю̄к? Сяма̄?»

Деяния 28:20

Ынка̄м тахсиқлъиӷамси апыӷналюки тама̄кут лъпысинун. Лӣтысюгақалъю лъпысинун та̄на ата̄сиқ Израилыӷмӣт ныӷьюкыхка̄т апалъюқлъюку қӣпшаӷусиӷңа̄ңа».

Деяния 5:41

Апостолыт а̄нысистың қуяҳлъякат, қаюҳлъяк Кияӷныӷым кайңусяӷа̄тыстыкақыхкаңи Иисус апалъюқлъюку.

2е Коринфянам 5:1

Хўани нунами укут югусипут кияҳфипут хижинастун аюқут. Лӣсимакаҳпут югусипут туқуката Кияӷнық мыңтыӷалгӯқ қилягми хўаңкунъун кияҳфихкамың. Кияӷныӷым улимакақа̄ мыңтыӷақ, югым улима̄қынӷита̄. Та̄на мыңтыӷақ қӯнпыкаҳқа̄гуқ.

К Ефесянам 3:1

Тама̄кын апалъюқлъюку, хўаңа, Павел, анусимиңлъяӷвигмытуңа қаюҳлъяк қыпҳа̄скыхка Христос Иисус лъпыси апалъюқлъюси язычнигни.

К Ефесянам 4:1

Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун.

К Ефесянам 6:20

Кияӷныӷым накмикыхкақа̄ңа акузистыңулюңа лъңанун. Ынка̄м тама̄кын апалъюқлъюку анусимиңлъяӷа̄гуңа қӣпшаӷусиӷлюңа. Юӷаҳтык уңипақиналюңа тытухпынаңа катам Кияӷныӷым пиюкылъҳатун.

К Филиппийцам 1:7

Итагнапихтуқ хўаңамни сюмыҳтаӷа̄ткынъымси таўатын қаюҳлъяк илюмнитақуси. Уңипақиңулюңалъю, ипапиҳқиңулюңалъю Пинилӷӣт Уңипат ипаңунилюки, ма̄тынлъю анусимиңлъяӷвигмылъюңа, қамахлъюси алъхыҳтыңъўа̄ҳси Кияӷныӷым наңлъыхталъҳа хўаңамнун малигулъюси.

К Колоссянам 1:5

Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси.

1е Тимофею 6:19

Таўатын пикумың кахпахлъықа̄т аклъюңи лъмыхнун. Та̄на аклъюңи аюгилңӯгуқ тунымақ а̄гнакаҳқӣтнилңуқ. Ынка̄м уңувалъыңылъықут уңувалъыпигмың.

2е Тимофею 1:16

Юӷа̄ткыңъўа̄нка Атаныӷмун наңлъыгьягутысқылъюки Онисифорым ныңлъюгутаңи, қаюҳлъяк угляӷңа̄н илютуҳсяӷақа̄ңа. Кайңуягусимаңита̄лъю анусимиңлъяӷа̄малъқа.

2е Тимофею 2:9

Икфиқңӯңа қаюҳлъяк уңипақыхкынка Пинилӷӣт Уңипат. Талўа қӣпшаӷусиӷлюңа аюқуңа лӣлиҳтӯсямың на̄фқӣстытун. Иўырңа акузитаңи Кияӷныӷым қӣпшаӷутңитут.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

К Евреям 11:16

Йыӷлыги пиюкатаӷақақа̄т пиниӷатаӷалӷӣ нуна, қилягмылңуқ. Ынка̄м Кияӷнық кайңуюгигатуқ Кияӷнықнинӷатни. Талўа ята̄ҳқуткақӣ ныҳлъягмың.

К Евреям 13:14

Нунами хўани қӯнпыкаҳқамың ныҳлъягитукут, иўырңа утақаңўа̄ҳпут ныҳлъяк тагияҳқақ.

К Евреям 13:3

Нықамиклъюки анусимиңлъяӷвигмылңӯт, никимқун лъпысилъю анусимиңлъяӷвигмылңуси. Нықамиклъюки икфиқңалӷӣт, никимқун лъпысилъю икфиқылӷӣси.

К Евреям 9:15

Ынка̄м Христосым тагиткақа̄ Кияӷныӷым акықусяӷраӷа̄ югнун туқлъюқа̄нун. Христос таўатын пика̄гуқ лъңитнун алъхыҳтысқылъюку кынлыңилңуқ пагитақ Кияӷныӷым акықусяқыхка̄ лъңитнун. Алъхыҳлъықӣт пагитат қаюҳлъяк Христосым туқуматкыхкақыхкаңи. Ынка̄м югыт кияҳтыкат акықусяқсюхўа̄ӷми, итымума̄т сыӷлыҳқылъыӷмыхның.

От Иакова 1:2

Ухпықа̄лгутымни, қуя̄қитык алъя̄ҳӣнаӷмың сыӷлылӣныҳпысини,

1е Петра 1:4

Ынка̄м утақаңўа̄пут пилӣсяҳқапут қуястылъыҳлъягыт Кияӷныӷым афлъыңакыхкаңи югминун. Афлъыңакңўӣ қилягми лъпысинун ынка̄м аӷуна̄нӷитут, на̄вна̄нӷитут, ӷывна̄нӷитутлъю.

1е Иоанна 3:2

Пиниқыхкамни, та̄ўа авақутақыхкаңилъю Кияӷныӷым, иўырңа сялин хўатыҳлъюўа̄қ лӣгикигатаҳпут натын лъӣлъыҳқаҳпут. Иўырңа лӣсимакаҳпут, Христос алӣқан лъңатун аюқылъықукут қаюҳлъяк ысҳаҳлъықаҳпут лыган таўатылъюку.