К Евреям 10:32 - Новый Завет на эскимосском языке

³² Нықамикыхкыси тама̄кут аӷныӷыт сивунӷани лӣсюхўа̄ӷақңафсигу ипапилъық Христосымың аюқылӷӣ. Аӷулӣтка̄гуси ата̄сӣӷмылъюси қайўа икфиқыҳлъяӷңа̄ҳпыси.

К Евреям 10:32 Iomraidhean Croise

Деяния 26:18

ысҳаҳтыстысқылъюки, тунулъюки мамлыгмың қӣвысқылъюки ниӷуӷмун, тунулъюки Туӷныӷа̄м аҳтуӷьяҳқа̄нӷилъҳаның қӣвысқылъюки Кияӷныӷым аҳтуӷьяҳқа̄нӷилъҳанун. Та̄хкын Кияӷныӷым сыӷывулъықӣ сыӷлыҳқылъҳитның, илялъықӣлъю тама̄вык а̄фтыкаминун ухпықилъҳитхун хўаңамның”».

К Римлянам 12:12

Қуяңатык қаюҳлъяк сиӷималъылгӯси, нуқытақитык ныкыхмылъюси сыӷлылӣныҳпысини, юӷаӷақитыклъю ӣўлың.

2е Коринфянам 4:6

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

К Филиппийцам 3:16

Уна мыгнунапихтуқ, нагныӷутылътыки кияҳта̄лъыпут малихлъюку ипапиҳқылъық лӣткаҳпут.

К Колоссянам 2:1

Уңипа̄таҳлъямси та̄куңинаҳа̄гның қыпҳа̄тилъымның лъпысинун, ухпықанунлъю Лаодикиямылңуӷнун, тамаҳа̄нунлъю ысҳа̄сигалңуӷның хўаңамның.

К Евреям 12:4

Сыӷлыҳқынӷинъақуткылъыҳпыси сялин югнун туқутысигатӣси.

К Евреям 5:12

Ныӷипихлъюси ухпықа̄лӷӣси ынка̄м апыҳтуӷияҳқа̄ҳтыка̄гуси иляхпысинун. Йыӷлыги паниның аклъя̄қуси китумун апыҳтунқихтысқылъюси ухпынҳат лӣсюхўа̄ӷьяҳқӣтның Кияӷныӷым акузитаңаның. Катам таӷнуҳаҳаӷыстун мамаҳтуӷьюгақуси, нықыпигьюхпынаси.

К Евреям 6:10

Кияӷнық ылъқуӷутңа̄н нанқихтӣқуқ, ынка̄м пуйгуна̄нӷита̄ қыпҳалъыҳсилъю, пиниқилъыҳсилъю лъңанун каюсӣтылъыҳпысигун юги. Нықамикылъықа̄лъю паниның каюсӣтңукыси.

К Евреям 6:4

Тама̄ иляңаның юлгӯқ алъхыӷутка̄ялӷӣның Кияӷныӷым ниӷуганың, на̄сӣқақа̄тлъю қилягым тунуся̄. Алъхыӷутка̄гутлъю Аглыӷналӷӣгның Таӷныӷагның. Нанӷӣқақӣт пиниҳтуляңи Кияӷныӷым акузитаңи, нанӷӣқақа̄тлъю Кияӷныӷым аҳтуӷьяҳқа̄нӷилъҳа нунакаҳқамылңуқ. Та̄хкын ухпықнаниқумыхтыху Христос, авутыҳқынқихтыпагниңӣлъықут қаюҳлъяк қақӯранқихтыкаңат Кияӷныӷым Иӷныӷа, кайңуся̄кыхкаңатлъю юхтуқами.

2е Иоанна 1:8

Ынка̄м кылыңалюси, пыхсяқуна̄н қыпҳа̄ткаҳси акилыҳтӯсяҳқаҳси қамахлъюку алъхыҳсяҳқақаҳси.

Откровение 2:5

Тама̄кын апалъюқлъюку пуйгухпына̄н пиниқыҳлъягьяқыфсиңа, ухпықа̄лгутысилъю. Пиниқнаниӷаҳпысиңа пӣқылъыҳпысистун. Ынка̄м авутыҳқитык. Пиниқынқихтикут пиниқсюххуа̄лъыҳпысистун. Авутыҳқынӷилъкуфси, такулюси иқилъықақа кынылӷутаҳпыси туныма̄ ныңаның.

Откровение 3:3

Нықамиклъюки апыҳтӯткат лъпысинун, нагақуқасилъю. Қа̄ткитыки, авутыҳқитыклъю сыӷлыҳқылъыҳпысиның. Иўырңа таҳтунӷилъкуфси, такулъықамси тыглыгнӣҳтытун. Налъюкылъықаҳси қакун тагилъыҳқақа лъпысинун.