К Евреям 10:29 - Новый Завет на эскимосском языке

²⁹ Сюмыҳтаӷа̄ткаҳтыху натынми аңкаслъюган Кияӷныӷым аӷью̄ҳлъықагу ю̄к тутма̄сҳақӣқылӷӣ Иӷныӷаның Кияӷныӷым, пӣқылӷӣ сятңунӷинъилюку а̄ўк апыӷӣӷуткақ акықусяӷраӷаӷмың (қайўа Кияӷныӷым укмаңӣсиқыхкақыӷңа̄гу сыӷлыҳқылъҳанун), сыӷлықӯӷӣқылӷӣлъю наңлъыхталӷӣгнун Таӷныӷагнун.

К Евреям 10:29 Iomraidhean Croise

От Матфея 26:28

Та̄на а̄кўақа, та̄хун Кияӷныӷым акықуся̄ апыӷӣӷьяҳқа̄гуқ. Туқукума а̄кўа кӯвылъықуқ угляпихлъыҳӣнун югнун сыӷывутусӣлюни сыӷлыҳқылъҳитнун.

От Матфея 7:6

Та̄хкын Иисусым пикӣ: «Лыгасӣӷўаҳтынун апыҳтӯсяқыхпынаки Кияӷныӷым Акузитаңи, қаюҳлъяк қикмистунлъю, куругаӷыстунлъю аюқут. Сяңўа̄т аглыӷналӷӣт тӯныхпынаки қикминун лю̄рақ сюӷугнаюкаңиси. Акитуқат сюңа̄т милю̄тыхпынаки куругаӷнун, лю̄рақ тутма̄сҳақнаюкатки».

От Марка 7:2

Ысҳақӣт малихся̄ҳтыңан иляңи ӯҳтуҳпынатың ныӷылӷӣт. Ӯҳтулъҳилңӯт Фарисеит писқылъҳистун.

От Луки 12:10

Китум алңунак сыӷлытун акузиткыхкумигу Иӷныӷа Югым, Кияӷныӷым сыӷывусяҳқақа̄. Иўырңа китум алңунак сыӷлытун акузиткыхкумикык Аглыӷналӷӣк Таӷныӷак, Кияӷныӷым сыӷывунъа̄нӷита̄.

От Иоанна 10:36

сяңамаңам сыӷлыҳқыҳлъягуманистыңъа Кияӷныӷмун? Апалъюқыстыхӯ Кияӷныӷмун Иӷнықнилъқа? Атам накмикыхкақа̄ңа, каяхтыкақа̄ңа нунамун.

От Иоанна 17:19

Лъңит апалъюқлъюки хўаңамның а̄фтыка̄гуңа лъпынун, лъңитлъю а̄фтысқылъюки акузитыхпыгун ипапилъыҳқун.

Деяния 7:51

Стефаным нагныӷуткӣ: «Пиныҳлъюхлъягни лъпыси, қа̄ткысюгигатаҳси, ухпықсюгигатаҳси Кияӷнық. Кияӷныӷым уңипӣ нагасюгигатаси, иҳсякыра̄ӷақахсилъю Аглыӷналӷӣк Таӷныӷак сивуныҳпысистуңўа̄қ.

К Римлянам 16:20

Кияӷныӷым ныкыхмылъылитилӷӣм қантаӷақун кагимлъықа̄ Туӷныӷақ итыгаҳпыси асиңани. Атаныҳпут Иисус Христос наңлъыхтаӷли лъпысинун.

1е Коринфянам 11:27

Кина алңунак тымңи ныӷыхкуми Атанӷым нықыкшаңлъя̄ның, мыӷыхкумилъю Атанӷым қаю̄сӣның, қӯлваӷна̄нӷита̄ Атанӷым югусӣлъю а̄ўалъю.

1е Коринфянам 11:29

Кина алңунак ныӷылӷӣ нықыкшаңлъямың, мыӷылӷӣлъю қаю̄симың, Атанӷым югусӣ лӣгикнақыхпына̄н сямың писӣтаңа нанқихтылъыңьяҳқа̄қуқ Атаныӷмың.

1е Коринфянам 6:11

Иляси таўатысялӷӣт сялин ухпықилъҳилъютың Христосымың. Иўырңа ма̄тын Кияӷныӷым Таӷныӷахкынка уӷвуҳқыхкақӣси сыӷлыҳқылъыҳпысиның, а̄фтыкақӣси Кияӷныӷмун, сыӷлыҳқумаңилңуӷыстунлъю лъӣҳтыка̄гуси қаюҳлъяк ухпықилӷӣси Атаныҳқун Иисус Христосыкун.

К Ефесянам 4:30

Қивӷустыхпынакыклъю Аглыӷналӷӣк Таӷныӷакык Кияӷныӷым. Таӷныӷагминың налъюнӣқақӣси лъми пикналюси. Таўатын пика̄гуқ лъпысинун лӣсимакысқылъюку итымулъықӣси сыӷлыҳқылъыҳпысиның Итымутылъҳым Аӷныӷа ка̄скан.

К Ефесянам 5:26

Ухпықат аглыӷнаҳсяқақӣ аҳтуӷьяҳқа̄нӷилъҳакун акузитми, пылюңиҳсяқақӣлъю аӷвиглюки мыҳқун.

К Евреям 10:10

Иисус Христосым қа̄ткысяқминигу Кияӷныӷым пиюкылъҳа, пылюңиқақӣлъю сыӷлыҳқылъымнъың тӯнылъыӷмикун югусини ата̄сиҳаӷмың қӯнпырухлъяк.

К Евреям 12:25

Ынка̄м кылыңатык, нагасюнӷитыхпына̄н Кияӷнық акузилӷӣ. Сивунымта нагасюнӷиткақа̄т кылыңася̄ӷилъҳа нунами хўани, ынка̄м анагумаңита̄т аӷью̄ӷилъҳа. Хўаңкута аӷью̄ӷатаӷаҳлъықӣнкутлъю нагасюнӷилъкумтыху кылыңася̄лъҳа қилягмың.

К Евреям 13:20

Кияӷныӷым ныкыхмылъылитистым Атаныҳпут Иисус уңуваҳтыстыкақа̄ туқулъыӷмың. Ынка̄м а̄ўмикун Пынъӣӷнӣҳтыҳлъягуҳтыка̄гуқ пынъӣӷнун. А̄ўан атӯяҳқа̄ҳтыстыкақа̄ Кияӷныӷым қӯнпыкаҳқақ акықуся̄.

К Евреям 2:11

Иисусым пылюңиҳсяқақӣ югыт сыӷлыҳқылъҳитның. Ынка̄м лъңалъю тама̄кутлъю пылюңиҳсяқӣ, қамахлъютың Атака̄т Кияӷнық. Тама̄кын апалъюқлъюку Иисусым кайңукигатӣ атиӷьяҳқа̄люки аңлыгутңулюки.

К Евреям 2:3

Ынка̄м иҳсякумакумтыху Кияӷныӷым югулиӷилъыҳлъяга анахпагниңитаҳпут аӷью̄ӷилъыҳқа̄. Атанӷым апыӷьюха̄қақа̄ та̄на югулилъық. Та̄хкын тама̄кут нагақӯткат лъңаның, ипапиҳқа̄т хўаңкунъун.

К Евреям 4:14

Тама̄кын апалъюқлъюку Первосвященнигрухлъягӯкут қилягмун маюқамың. Иисусыңӯқ, Иӷныӷа Кияӷныӷым. Ынка̄м ухпықилъыӷмытыкыста̄лъта а̄пқамнъи югнун.

К Евреям 6:4

Тама̄ иляңаның юлгӯқ алъхыӷутка̄ялӷӣның Кияӷныӷым ниӷуганың, на̄сӣқақа̄тлъю қилягым тунуся̄. Алъхыӷутка̄гутлъю Аглыӷналӷӣгның Таӷныӷагның. Нанӷӣқақӣт пиниҳтуляңи Кияӷныӷым акузитаңи, нанӷӣқақа̄тлъю Кияӷныӷым аҳтуӷьяҳқа̄нӷилъҳа нунакаҳқамылңуқ. Та̄хкын ухпықнаниқумыхтыху Христос, авутыҳқынқихтыпагниңӣлъықут қаюҳлъяк қақӯранқихтыкаңат Кияӷныӷым Иӷныӷа, кайңуся̄кыхкаңатлъю юхтуқами.

К Евреям 9:13

Лӣҳтӯсят қылъқақӣт священнигнун сивилъяхтӣсқылъюки югыт а̄ўитның козёлыт, каўым юхтанӷит, панылъҳаныңлъю каумӷа̄м. Таўатын пӣқут пылюңиҳсяӷналюки югыт югусӣт тугуклъиӷьюгнаҳтысқылъюки Кияӷныӷмун.

К Евреям 9:20

Пикӣ: «Унаңӯқ а̄ўк апыӷӣӷилӷӣ Кияӷныӷым акықуся̄ның қылӷускаңа лъпысинун қа̄ткысқылъюку».